完整藏文原文 · 德格版页 当前仅加载第 9 函德格 314a 版页；藏文 NFD、目录标记与异常页序保留在来源切片中，重复版页行以稳定序号区分。
སྩལ་པ་བསླང་བར་མི་བྱའོ། །ཇི་ཙམ་ན་དགེ་སློང་མ་ནད་པ་ཞིག་ཡོད་པ་དེ་ལ་སྨན་པས་འོ་མ་སྟེན་ཅིག་ཅེས་བསྟན་པ་དང་། དེས་འདི་སྐད་ཅེས་སྨྲས་སོ། །བཞིན་{བཟངས་,བཟང་}ཁོ་མོ་ཤི་ཟིན་ནོ། །སྨན་པས་སྨྲས་པ། ཅིའི་ཕྱིར། དེས་འདི་སྐད་ཅེས་སྨྲས་སོ། །བཅོམ་ལྡན་
D5.009.0314a01.01འདས་ཀྱིས་བཀག་གོ། །སྨན་པས་སྨྲས་པ། ཁྱོད་ཀྱི་སྟོན་པ་ནི་ཐུགས་རྗེ་ཅན་ཡིན་པས་རྗེས་སུ་གནང་བར་འགྱུར་རོ། །ཞེས་པའི་སྐབས་དེ་དགེ་སློང་མ་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། སྨན་པས་བསྟན་ན་ནད་ཀྱི་སྨན་དུ་ལོངས་
D5.009.0314a02.01སྤྱད་པར་བྱའོ། །དེ་ནས་སྦོམ་དགའ་མོ་ན་ཡང་རུང་མི་ན་ཡང་རུང་གཞན་གྱི་ཁྱིམ་དག་ནས་འོ་མ་བསླངས་ནས་ལོངས་སྤྱོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་
D5.009.0314a03.01དགེ་སློང་མ་གང་མི་ན་བར་རང་གི་དོན་དུ། ཁྱིམ་དག་ཏུ་འོ་མ་བསླངས་ནས་འཆའ་འམ་ཟ་ན་དགེ་སློང་མ་དེས་དབྱར་ཁང་དུ་སོང་ནས་དགེ་སློང་མ་རྣམས་ལ་འཕགས་མ་སྨད་པའི་གནས་མི་རིགས་པ་སོ་སོར་བཤགས་པར་བྱ་བ་བྱུང་གིས་ཆོས་དེ་སོ་སོར་འཆགས་སོ་ཞེས་སོ་སོར་བཤགས་པར་
D5.009.0314a04.01བྱ་སྟེ། ཆོས་འདི་ནི་སོ་སོར་བཤགས་པར་བྱ་བའོ། །ཡང་གང་ཞེས་བྱ་བ་ནི་སྦོམ་དགའ་མོའོ། །རང་གི་དོན་དུ་ཞེས་བྱ་བ་ནི་རང་གི་ལུས་ཀྱིའོ། །མི་ན་བར་ཞེས་བྱ་བ་ནི་ནད་ཀྱིས་མ་ཐེབས་པར་རོ། །ཁྱིམ་དག་ཏུ་ཞེས་བྱ་བ་ནི་བྲམ་ཟེ་དང་ཁྱིམ་བདག་གི་ཁྱིམ་དག་ཏུའོ། །འོ་མ་ཞེས་བྱ་བ་ལ་
D5.009.0314a05.01འོ་མ་ནི་ལྔ་སྟེ། བའི་འོ་མ་དང་། མ་ཧེའི་འོ་མ་དང་། རྔ་རྨོའི་འོ་མ་དང་། རའི་འོ་མ་དང་། ལྔ་པ་ནི་ལུག་གི་འོ་མའོ། །བསླངས་ནས་ཞེས་བྱ་བ་ནི་གསོལ་བ་བཏབ་ནས་སོ། །འཆའ་འམ་ཟ་ན་ཞེས་བྱ་བ་ནི་ལྐོག་མར་ཁམ་གྱིས་མིད་པའོ། །དགེ་སློང་མ་དེས་ཞེས་བྱ་བ་ནི་གང་ཡིན་
D5.009.0314a06.01པའི་དགེ་སློང་མ་དེས་སོ། །དབྱར་ཁང་དུ་སོང་ནས་ཞེས་བྱ་བ་ནི་གཙུག་ལག་ཁང་དུའོ། །དགེ་སློང་མ་རྣམས་ལ་ཞེས་བྱ་བ་ནི་ཆོས་འདི་པ་དག་ལའོ། །སོ་སོར་བཤགས་པར་བྱའོ་ཞེས་བྱ་བ་ནི་མཐོལ་བར་བྱ་བའོ། །འཕགས་མ་སྨད་པའི་གནས་ཞེས་བྱ་བ་ནི་དགེ་སློང་མས་དེ་བྱ་བ་མ་ཡིན་
D5.009.0314a07.01