完整藏文原文 · 德格版页 当前仅加载第 9 函德格 66a 版页；藏文 NFD、目录标记与异常页序保留在来源切片中，重复版页行以稳定序号区分。
བྲན་མོས་འདི་སྙམ་དུ་བདག་གིས་དགེ་སློང་འདི་བཟུང་ནས་ལན་གཉིས་ཀྱི་བར་དུ་བཟློག་ན་ད་རེ་ཐག་བཅད་ནས་ཇི་ལྟར་གཏང་བར་བྱ་སྙམ་དུ་བསམས་ནས། དེས་ཇོ་མོ་ལ་སྨྲས་པ། བདག་གི་འཚལ་མ་ནར་མ་གང་ལགས་པ་དེ་བདག་ལ་སྩལ་དུ་གསོལ།
D5.009.0066a01.01དེས་ཀྱང་བྱིན་པ་དང་། བྲན་མོ་དེ་ཉིན་པར་གྱི་ཟན་ཕྱེ་བྲེའུ་ཆུང་གང་བླངས་ནས། དེ་ལ་ཕུལ་ཏེ་དེས་ཡང་འདི་སྙམ་དུ་འཕགས་པ་དེ་ནི་ཆོས་གོས་ཧྲུལ་པོར་འདུག་པས་ཁྱད་དུ་བསད་པ་ཡིན་གྱིས། བདག་གི་རས་ཡུག་དེ་ལ་དབུལ་ལོ་སྙམ་དུ་བསམས་ནས། དེས་དེ་ལ་རས་
D5.009.0066a02.01ཡུག་དཀར་པོ་ཡང་ཕུལ་ལོ། །རང་སངས་རྒྱས་དེས་ཀྱང་འདི་སྙམ་དུ། བུ་མོ་འདིས་བསོད་ནམས་མང་པོ་བསྒྲུབས་པར་འགྱུར་བར་བྱའོ་སྙམ་དུ་བསམས་ནས། དེ་ཉིད་ཀྱི་དད་པ་བསྐྱེད་པའི་ཕྱིར་ངང་པའི་རྒྱལ་པོ་འདབ་མ་བརྐྱང་བ་ལྟ་བུར་ནམ་མཁའི་དཀྱིལ་དུ་འཕགས་སོ། །དེས་
D5.009.0066a03.01དེ་མཐོང་མ་ཐག་ཏུ་སེམས་དད་པར་གྱུར་ནས་དགའ་བ་དང་། མགུ་བ་དང་། རངས་པའི་བསམ་པས་པུས་མོ་ས་ལ་བཙུགས་ཏེ། ཞབས་ལ་ཕྱག་འཚལ་ནས་ཇི་ལྟར་འཕགས་པ་འདི་ལ་ཅུང་ཟད་ཁྱད་དུ་བསད་པ་གང་ཡིན་པ་དེ་ཡང་ཁ་དོག་ངན་པ་ལས་གྱུར་ཏོ་སྙམ་ནས་སྨོན་ལམ་
D5.009.0066a04.01བཏབ་པ། ཨ་ལ་ལ་བདག་གིས་སྦྱིན་པར་བྱ་བའི་ཆོས་ཡོངས་སུ་བཏང་བའི་དགེ་བའི་རྩ་བ་འདིས་གང་དང་གང་དུ་སྐྱེས་པའི་ཚེ་རབས་དེ་དང་དེར་གཟུགས་མཛེས་ཤིང་མདོག་བཟང་བ་ཤིན་ཏུ་བལྟ་ན་སྡུག་པར་གྱུར་ཅིག །ནམ་དུ་ཡང་རྐེ་བ་དང་། ཁ་དོག་ངན་པར་མ་གྱུར་ཅིག་ཅེས་
D5.009.0066a05.01བྱས་སོ། །དེའི་ཚེ་རྒྱལ་པོ་ཞིག་བློན་པོའི་ཚོགས་ཀྱིས་བསྐོར་ནས་སྐྱེས་བུ་བརྒྱ་སྟོང་དུ་མས་བསྐོར་ཅིང་འདུག་པ་དེའི་སྟེང་དུ་རང་སངས་རྒྱས་དེའི་གྲིབ་མ་བབ་པ་དང་། དེས་སྟེང་དུ་བལྟས་ན་རང་སངས་རྒྱས་ཆོས་གོས་བགོས་པ་རས་ཡུག་ཐོགས་པ་རིལ་བ་སྤྱི་བླུགས་པ་དང་། ལྷུང་
D5.009.0066a06.01བཟེད་ནག་པོ་ཐོགས་པ། གཅིག་ཏུ་སྤ་ཞིང་མཛེས་པ་ཞིག་ནམ་མཁའ་ལ་འགྲོ་བ་མཐོང་ནས། དེས་འདི་སྙམ་དུ་རྣམ་པ་འདི་ལྟ་བུའི་བདག་ཉིད་ཆེན་པོ་ཡུལ་གྱི་བསོད་སྙོམས་སོ་སོར་ལེན་པ་གང་ཡིན་པ་དེ་ནི་བདག་དབང་ཐང་ཆེ་བ་དང་། ཕན་འདོགས་པ་དང་བཅས་པ་ཡིན་ནོ་
D5.009.0066a07.01