完整藏文原文 · 德格版页 当前仅加载第 9 函德格 48b 版页；藏文 NFD、目录标记与异常页序保留在来源切片中，重复版页行以稳定序号区分。
བའམ། སྨོད་པ་དེ་དགེ་སློང་མའི་དྲུང་དུ་ཉེ་བར་འོངས་ནས་འདི་སྐད་ཅེས། འཕགས་མ་དག་ཚངས་པར་སྤྱོད་པ་སྤྱད་དཀའོ། །རབ་ཏུ་དབེན་པ་བྱ་དཀའོ། །བདག་ཉིད་གཅིག་པ་ལ་མངོན་པར་དགའ་བ་དཀའོ། །གནས་མལ་དགོན་པ་དང་། ནགས་འདབ་དང་།
D5.009.0048b01.01བས་མཐའ་དག་ཏུ་གནས་པ་ཁོང་དུ་ཆུད་པར་དཀའོ། །བདག་ཇི་སྲིད་འཚོའི་བར་དུ་མི་རྣམས་ཀྱིས་དགའ་བ་དང་། རྩེད་མོ་རྣམས་དང་བྲལ་བར་བྱས་པར་འགྱུར་རོ། །བདག་ཇི་སྲིད་འཚོའི་བར་དུ་རྩྭ་དང་། ལོ་མ་དང་། ཤིང་ལོ་བཏིང་བའི་མལ་བྱེད་པར་འགྱུར་རོ། །
D5.009.0048b02.01བདག་ཇི་སྲིད་འཚོའི་བར་དུ་གཞན་གྱི་ཁྱིམ་དུ་གཞན་གྱི་ངོར་བལྟ་དགོས་པར་འགྱུར་རོ། །བདག་ཇི་སྲིད་འཚོའི་བར་དུ་འདི་ལྟར་གཞན་ལས་ཆོས་གོས་དང་། བསོད་སྙོམས་དང་། མལ་སྟན་དང་། ནད་གསོས་ཀྱི་སྨན་དང་། ཡོ་བྱད་དག་ཚོལ་ཁྲོ་བྱ་དགོས་སོ། །མ་
D5.009.0048b03.01དྲན་ནོ། །ཕ་དང་། མིང་པོ་དང་། ཕུ་ནུ་མོ་དྲན་ནོ། །བདག་ཁྱིམ་བཟང་པོ་དག་ཏུ་གཏད་པར་མཛོད་ཅིག་ཅེས་ཟེར་ཞིང་འདི་སྐད་ཅེས། ཆོས་དང་ལྡན་མ་དག་དགོངས་སུ་གསོལ། བདག་མིང་འདི་ཞེས་བགྱི་བ་འདི་ལྟར་བསླབ་པ་འབུལ་ལོ། །སངས་རྒྱས་དང་། ཆོས་
D5.009.0048b04.01དང་། དགེ་འདུན་དང་། མཁན་པོ་དང་། སློབ་དཔོན་གཏོང་ངོ་ཞེས་སྨྲ་བ་དང་། ཐ་ན་འདི་སྐད་ཅེས་བདག་དགེ་སྦྱོང་མར་གཟུང་དུ་གསོལ། བདག་ཁྱིམ་པ་མོར་གཟུང་དུ་གསོལ། བདག་ཟ་མ་དང་། མ་ནིང་དང་། དགེ་སློང་སུན་ཕྱུང་བར་གཟུང་དུ་གསོལ། མ་བསད་
D5.009.0048b05.01པ་དང་། ཕ་བསད་པ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། རྐུན་ཐབས་སུ་གནས་པ་དང་། ཐ་དད་པར་གནས་པ་དང་། གནས་པར་བྱ་བ་མ་ཡིན་པ་དང་། མུ་སྟེགས་ཅན་དང་། མུ་སྟེགས་ཅན་
D5.009.0048b06.01ཞུགས་པ་ཡིན་ནོ་ཞེས་ཟེར་བའམ། འདི་སྐད་ཅེས་བདག་ཁྱེད་ལྟ་བུ་ཆོས་དང་མཐུན་པ་ཚངས་པ་མཚུངས་པར་སྤྱོད་པ་དག་གིས་ཆོག་གོ་ཞེས་ཟེར་ཞིང་། འདི་ལྟར་རྣམ་པར་འཁྱམ་འདོད་པའི་ངག་དང་ཞེས་བྱ་བ་མུ་དང་པོ་ཇི་ལྟ་བ་བཞིན་དུ་རྒྱ་ཆེར་བརྗོད་པར་བྱའོ། །དེ་ལྟར་
D5.009.0048b07.01