完整藏文原文 · 德格版页 当前仅加载第 9 函德格 74a 版页；藏文 NFD、目录标记与异常页序保留在来源切片中，重复版页行以稳定序号区分。
རྟེན་ཅིང་འབྲེལ་པར་འབྱུང་བ་ལ་མཁས་པར་བྱའོ། །དེ་བཞིན་དུ་ཡང་དག་པའི་སྨོན་ལམ་གདབ་སྟེ། དེས་ན་ཁྱེད་ཅག་གི་ཡོན་ཏན་གྱི་ཚོགས་བསྐྱེད་པར་འགྱུར་བས་དགེ་སློང་དག་ཁྱེད་ཀྱིས་དེ་ལྟར་བསླབ་པར་བྱའོ།། །།བར་སྡོམ་ལ། ཞིང་པ་དང་ནི་རྫ་མཁན་
D5.009.0074a01.01དང་། །ཚོང་དཔོན་རས་ཡུག་འཚོ་བ་དང་། །མཆོད་རྟེན་ཡུང་གི་བྱུག་པ་དང་། །སྨད་འཚོང་མ་དང་ཆེན་ཆུན་དང་། །ཕྱུག་དང་འདོད་པ་ཆུང་བ་ཡི། །སྡེ་ཚན་དུ་ནི་བསྟན་པ་ཡིན།། །།ཕས་ཕམ་པ་བརྒྱད་ཀྱི་སྡོམ་གྱི་ཚིགས་སུ་བཅད་པ་སྟེ། སྡོམ་ལ། མི་ཚངས་སྤྱོད་དང་
D5.009.0074a02.01རྐུ་བ་དང་། །མི་གསོད་པ་དང་{བརྫུན་,རྫུན་}སྨྲ་དང་། །{རི་དགས་,རི་དྭགས་}འཛིན་དང་སྤོས་འཚོང་དང་། །མཛའ་ཅན་མ་དང་གྲེ་ལས་སྐྱེས། །སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་བྱ་ཀ་ལན་ད་ཀ་གནས་པ་ན་བཞུགས་སོ། །གང་གི་ཚེ་ཨུཏྤ་ལའི་མདོག་གྲོང་ཁྱེར་ཆེན་པོ་
D5.009.0074a03.01དྲུག་ན་སྨད་འཚོང་མ་བྱེད་པར་གྱུར་པ་དེའི་ཚེ་བྲམ་ཟེ་ཞིག་དེ་ལ་སེམས་ལྷག་པར་ཆགས་པར་གྱུར་ནས་དེར་སོང་སྟེ། མེ་ཏོག་དང་། འབྲས་བུ་དང་། སོ་ཤིང་རྣམས་ཀྱིས་བསྙེན་བཀུར་བྱེད་པར་གྱུར་ཏོ། །དེ་ནས་ཨུཏྤ་ལའི་མདོག་གིས་བྲམ་ཟེ་དེ་ལ་འདི་སྐད་ཅེས་སྨྲས་
D5.009.0074a04.01སོ། །ཁྱོད་ནི་རིགས་མཐོ་བ་ཡིན་ལ། བདག་ནི་རིགས་དམའ་བ་ཡིན་ན། ཅིའི་ཕྱིར་འདིར་འོངས། དེ་སྐད་ཅེས་སྨྲས་པ་དང་། བྲམ་ཟེས་ཨུཏྤ་ལའི་མདོག་ལ་འདི་སྐད་ཅེས་སྨྲས་སོ། །བདག་ཁྱོད་དང་ལྷན་ཅིག་ཕྲད་འདོད་པའི་ཕྱིར་རོ། །དེས་འདི་སྐད་ཅེས་སྨྲས་སོ། །
D5.009.0074a05.01གལ་ཏེ་ཁྱོད་ལ་ཀཱར་ཥཱ་པ་ཎ་དག་ཡོད་ན་ཕྱི་ནས་ལྷན་ཅིག་ཕྲད་པར་བྱའོ། །དེ་ནས་བྲམ་ཟེ་དེས་ཨུཏྤ་ལའི་མདོག་ལས་ཚིག་དེ་ཐོས་ནས་ཀཱར་ཥཱ་པ་ཎའི་དོན་དུ་ལྗོངས་དག་ཏུ་སོང་ངོ་། །དེ་ནས་ཨུཏྤ་ལའི་མདོག་དུས་གཞན་ཞིག་ན། དགེ་བའི་བཤེས་གཉེན་ཚེ་དང་ལྡན་པ་
D5.009.0074a06.01མཽད་གལ་གྱི་བུ་ཆེན་པོ་ལ་བརྟེན་ནས་སྨད་པའི་ལས་རྣམས་སྤངས་ཏེ་དགྲ་བཅོམ་པ་ཉིད་ཀྱང་ཐོབ་པར་གྱུར་ཏོ། །དེ་ཡང་ཉིན་པར་ནགས་ཚལ་ཐིབས་པོར་འདུག་པ་ལ་གོམས་པ་ཡིན་པས་དེ་ནས་ཨུཏྤ་ལའི་མདོག་ནགས་ཚལ་ཐིབས་པོར་ཉིན་པར་འདུག་ཏུ་སོང་ངོ་། །བྲམ་ཟེ་
D5.009.0074a07.01