完整藏文原文 · 德格版页 当前仅加载第 9 函德格 213a 版页；藏文 NFD、目录标记与异常页序保留在来源切片中，重复版页行以稳定序号区分。
སློང་མས་ཤིང་ལྗོན་པའི་རྩྭ་རྒྱུན་འབྱིན་ན་ཉེས་བྱས་སོ། །ཕྱི་ཤུན་འཆུ་ན་ཉེས་བྱས་སོ། །ཕྲི་འཆུ་ན་ཉེས་བྱས་སོ། །ནང་ཤུན་འཆུ་ན་ཉེས་བྱས་སོ། །སྙིང་པོ་འབྱིན་ན་ལྟུང་བྱེད་དོ། །ལོ་མ་སྐྱ་བོ་ན་ཉེས་བྱས་སོ། །ལོ་མ་རློན་ན་ལྟུང་བྱེད་དོ། །མེ་ཏོག་
D5.009.0213a01.01ཁ་བྱེ་ན་ཉེས་བྱས་སོ། །ཁ་མ་ཕྱེ་ན་ལྟུང་བྱེད་དོ། །འབྲས་བུ་སྨིན་ན་ཉེས་བྱས་སོ། །འབྲས་བུ་མ་སྨིན་ན་ལྟུང་བྱེད་དོ། །རྩྭ་ཉམས་པར་གྱུར་ཅིག །རྩྭ་རབ་ཏུ་ཉམས་པར་གྱུར་ཅིག་ཅེས་རྩྭ་སྔོན་པོའི་སྟེང་དུ་འཆག་པར་བྱེད་ན་ལྟུང་བྱེད་དོ། །དེ་བཞིན་དུ་ཁུ་ཚན་ལ་སོགས་
D5.009.0213a02.01པ་ལ་ཡང་ལྟུང་བྱེད་དོ། །ཉམས་པར་གྱུར་ཅིག །རབ་ཏུ་ཉམས་པར་གྱུར་ཅིག་ཅེས་ཤིང་ངམ། ཡལ་ག་འདྲེན་ན་ལྟུང་བྱེད་དོ། །འདྲེན་པའི་བསམ་པ་དང་། འཆག་པའི་བསམ་པ་ཡིན་ན་ལྟུང་བ་མེད་དོ། །ཆུ་དྲེག་ཉམས་པར་གྱུར་ཅིག་ཅེས་འཆག་ན་ཉེས་བྱས་སོ། །
D5.009.0213a03.01ཁུ་ཚན་དང་། ཤིང་ལ་སོགས་པ་ལ་ཡང་ངོ་། །འཆག་པའི་བསམ་པས་ཡིན་ན་ལྟུང་བ་མེད་དོ། །ཉ་ལྕིབས་ཆུ་ནས་ཇི་སྲིད་མ་བཏོན་པ་དེ་སྲིད་དུ་ཉེས་བྱས་སོ། །བཏོན་ན་ལྟུང་བྱེད་དོ། །རྩ་བ་མེད་པའི་ས་བོན་གྱི་ཁམས་འབྱིན་ན་ཉེས་བྱས་སོ། །ཉ་ཚང་དང་། ཕ་བ་ལྒོ་ལྒོ་དང་།
D5.009.0213a04.01ཤ་མོ་འབྱིན་ན་ཉེས་བྱས་སོ། །བུམ་པའི་འདམ་སྐྱ་བོ་འཕྱི་ན་ཉེས་བྱས་སོ། །ཁ་ཟས་འདམ་སྐྱ་བོ་ཟ་ན་ཉེས་བྱས་སོ། །གལ་ཏེ་རུང་བ་བྱས་པ་ཡིན་ན་ལྟུང་བ་མེད་དོ། །ལྟུང་བྱེད་གཉིས་པའི་དང་པོ་རྫོགས་{སྷོ,སོ}།། །།གླེང་གཞི་ནི་རྒྱལ་པོའི་ཁབ་ནའོ། །
D5.009.0213a05.01གང་གི་ཚེ་མཛའ་བོ་དང་། ས་ལས་སྐྱེས་ཀྱིས་དྲུག་སྡེ་རྣམས་ཀྱི་མདུན་དུ་ཚེ་དང་ལྡན་པ་གྱད་བུ་ནོར་ལ་འཕྱ་བར་བྱེད་པ་ན་དེ་བཞིན་དུ་དགེ་སློང་མ་མཛའ་མོ་ཞེས་བྱ་བ་ཡང་བཅུ་གཉིས་སྡེ་རྣམས་ཀྱི་མདུན་དུ་གྱད་བུ་ནོར་ལ་འཕྱ་བར་བྱེད་དོ། །དེ་ནས་དགེ་སློང་མ་གནས་
D5.009.0213a06.01བརྟན་གནས་བརྟན་དག་གིས་འདི་སྐད་ཅེས་སྨྲས་སོ། །མཛའ་མོ་འཁོར་གྱི་གཙོ་བོ་ལ་མ་འཕྱ་ཞིག །དེ་ལ་དེ་སྐད་དུ་བསྒོ་བ་ན་འོན་ཀྱང་འཕྱ་བར་བྱེད་པའི་སྐབས་དེ་དགེ་སློང་མ་རྣམས་ཀྱིས་བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་བཀའ་སྩལ་
D5.009.0213a07.01