完整藏文原文 · 德格版页 当前仅加载第 9 函德格 130a 版页；藏文 NFD、目录标记与异常页序保留在来源切片中，重复版页行以稳定序号区分。
འཇིགས་པས་འགྲོའོ་ཞེས་བྱས་ན་ཉེས་བྱས་སུ་འགྱུར་རོ། །གཞན་ནི་ལྷག་མ་བཅུ་གཉིས་པོ་སྔ་མ་ཇི་ལྟ་བ་བཞིན་དུ་བརྗོད་པར་བྱའོ། །དགེ་སློང་མའི་རྣམ་པར་འབྱེད་པ་ལས་དགེ་འདུན་ལྷག་མ་བཅུ་བཞི་པ་རྫོགས་{སྷོ,སོ}།། །།གླེང་གཞི་
D5.009.0130a01.01ནི་གཉན་ཡོད་ནའོ། །དེའི་ཚེ་ན་དགེ་སློང་མ་འཆི་ལྟས་དང་། ཉེ་བའི་འཆི་ལྟས་གཉིས་འདྲེ་བར་གནས་པར་བྱེད་དོ། །དེ་དག་འདྲེ་བས་གནས་པ་ན་དགོད་པ་དང་། རྩེ་བ་དང་། ལུས་ཀྱིས་རྩབ་ཧྲལ་བྱེད་དོ། །དེ་གཉིས་ཤིན་ཏུ་འདྲེ་བས་གནས་པར་བྱེད་པ་ན་
D5.009.0130a02.01དོགས་པའི་གནས་སུ་གྱུར་ཏེ། དགེ་སློང་མ་རྣམས་དོགས་པ་སྐྱེས་ནས། དགེ་སློང་མ་རྣམས་ཀྱིས་དེ་གཉིས་ལ་ཕུ་ནུ་མོ་ཁྱེད་གཉིས་ཧ་ཅང་འདྲེ་བས་གནས་པར་མ་བྱེད་ཅིག་ཅེས་བསྒོ་བ་ན། དེ་གཉིས་དེ་ཁོ་ན་བཞིན་དུ་འདྲེ་བས་གནས་པར་བྱེད་པའི་སྐབས་དེ་དགེ་
D5.009.0130a03.01སློང་མ་རྣམས་ཀྱིས་དགེ་སློང་དག་ལ་སྨྲས་སོ། །དགེ་སློང་དག་གིས་ཀྱང་བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་མ་ཁྱེད་འདྲེ་བས་གནས་པར་མ་བྱེད་ཅིག །དེ་ཅིའི་ཕྱིར་ཞེ་ན། ཁྱེད་འདྲེ་བས་གནས་པར་བྱེད་ན་
D5.009.0130a04.01དགེ་བའི་ཆོས་རྣམས་མི་འཕེལ་ཞིང་འགྲིབ་པ་ཉིད་དུ་འགྱུར་བར་རིག་པར་བྱའོ། །དགེ་སློང་མ་ཁྱེད་མི་འདྲེ་བས་གནས་པར་གྱིས་ཤིག །དེ་ཅིའི་ཕྱིར་ཞེ་ན། ཁྱེད་ཅག་རྣམས་མི་འདྲེ་བས་གནས་པར་བྱེད་ན་དགེ་བའི་ཆོས་རྣམས་མི་འགྲིབ་ཅིང་འཕེལ་བ་
D5.009.0130a05.01ཉིད་དུ་འགྱུར་བར་རིག་པར་བྱའོ་ཞེས་བཀའ་སྩལ་པ་ན། དགེ་སློང་མ་རྣམས་ཀྱིས་དེ་གཉིས་ལ་འདྲེ་བར་མ་བྱེད་ཅིག་ཅེས་བསྒོ་བ་ན་ཡང་དེ་ཁོ་ན་བཞིན་དུ་འདྲེ་ཞིང་གནས་པར་གྱུར་པའི་སྐབས་དེ་དགེ་སློང་མ་རྣམས་ཀྱིས་དགེ་སློང་དག་ལ་སྨྲས་སོ། །དགེ་སློང་དག་
D5.009.0130a06.01གིས་ཀྱང་བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་མ་ཁྱེད་ཅག་གིས་དགེ་སློང་མ་འཆི་ལྟས་དང་། ཉེ་བའི་འཆི་ལྟས་དང་། གཞན་ཡང་དེ་ལྟ་བུ་དང་མཐུན་པ་སུ་ཡང་རུང་བ་དག་བཞམས་ཏེ་བསྒོ་བར་བྱའོ། །
D5.009.0130a07.01