完整藏文原文 · 德格版页 当前仅加载第 9 函德格 250b 版页；藏文 NFD、目录标记与异常页序保留在来源切片中，重复版页行以稳定序号区分。
གཞི་ནི་མཉན་ཡོད་ནའོ། །གང་གི་ཚེ་བཅོམ་ལྡན་འདས་ཀྱིས་ཚེ་དང་ལྡན་པ་མ་འགགས་པ་ལ་བརྟེན་ཏེ་བུད་མེད་དང་གནས་གཅིག་ཏུ་ཉལ་བའི་བསླབ་པའི་གཞི་བཅའ་བ་མཛད་པ་དེའི་ཚེ་བཅུ་གཉིས་སྡེ་རྣམས་སྐྱེས་པ་དག་དང་གནས་གཅིག་ཏུ་ཉལ་བར་བྱེད་དོ། །
D5.009.0250b01.01དེ་ནས་དགེ་སློང་མ་དེ་རྣམས་ཀྱིས་བཅུ་གཉིས་སྡེ་དག་ལ་འདི་སྐད་ཅེས་སྨྲས་སོ། །ཕུ་ནུ་མོ་དག་བཅོམ་ལྡན་འདས་ཀྱིས་གནས་གཅིག་ཏུ་ལྷན་ཅིག་ཉལ་བའི་བསླབ་པའི་གཞི་བཅའ་བ་མ་མཛད་དམ། དེ་དག་གིས་འདི་སྐད་ཅེས་དགེ་སློང་རྣམས་ལ་ཡིན་གྱི། དགེ་
D5.009.0250b02.01སློང་མ་རྣམས་ལ་ནི་མ་ཡིན་ནོ་ཞེས་སྨྲས་པ་དང་། དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ།
D5.009.0250b03.01ཡང་དགེ་སློང་མ་གང་སྐྱེས་པ་དང་། གནས་གཅིག་ཏུ་ཉལ་བར་བྱེད་ན་ལྟུང་བྱེད་དོ། །ཡང་དགེ་སློང་མ་གང་ཞེས་བྱ་བ་ནི་བཅུ་གཉིས་སྡེ་དག་གོ། །སྐྱེས་པ་དང་ལྷན་ཅིག་ཅེས་བྱ་བ་ནི་སྐྱེས་པའི་དབང་པོ་དང་ལྡན་པ་དང་ངོ་། །གནས་གཅིག་ཏུ་ཉལ་ན་ཞེས་བྱ་
D5.009.0250b04.01བ་ནི་གནས་བཞི་པོ་དག་ཏུ་སྐྱ་རེངས་འཆར་བར་བྱེད་པའོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མ་སྟེང་ཁང་གི་གཞི་ན་ཉལ་བར་བྱེད་ལ། སྐྱེས་པ་ནི་ཤོད་ན་ཉལ་ན་དགེ་སློང་མ་དེས་སྐས་བརྟུལ་བར་
D5.009.0250b05.01བྱའོ། །གལ་ཏེ་ཐེམ་སྐས་ཡིན་ན་དེར་ཡང་གཏན་པས་སྒོ་བཅད་ལ་དེའི་འོག་ཏུ་ཉལ་བར་བྱའོ། །གལ་ཏེ་སྐས་མ་བརྟུལ་ཏམ། གཏན་པས་སྒོ་མ་བཅད་པར་གློས་ཕབ་སྟེ་ཉལ་བར་བྱེད་ན་ལྟུང་བྱེད་དུ་འགྱུར་རོ། །དེ་བཞིན་དུ་བར་ཁང་ན་སྐྱེས་པ་ཉལ་ལ་
D5.009.0250b06.01ཤོད་ན་དགེ་སློང་མ་ཉལ་བར་བྱེད་ན་ལྟུང་བྱེད་དོ་ཞེས་བྱ་བའི་བར་རོ། །དེ་བཞིན་དུ་སྟེང་ཁང་ན་སྐྱེས་པ་ཉལ་ལ་ཤོད་དུ་དགེ་སློང་མ་ཉལ་བར་བྱེད་ན་སྐས་བརྟུལ་བར་བྱ་བའམ། གཏན་པས་སྒོ་གཅད་པར་བྱའོ། །མ་བྱས་པར་ཉལ་བར་བྱེད་ན་ལྟུང་བྱེད་
D5.009.0250b07.01