完整藏文原文 · 德格版页 当前仅加载第 9 函德格 267b 版页；藏文 NFD、目录标记与异常页序保留在来源切片中，重复版页行以稳定序号区分。
ཤིག་བརྗེད་དེ་ལུས་པ་དང་། རྐུན་པོ་དེས་སླར་ཡང་སོང་སྟེ་བླང་ངོ་སྙམ་ནས་ཞེས་བྱ་བ་ནས་རྒྱལ་པོའི་བཀྲབས་པ་དག་གིས་བཟུང་ནས་ཚུལ་མ་ཡིན་པས་སྡུག་བསྔལ་བར་བྱས་སོ། །དེ་ནས་ལྷ་ཞིག་གིས་དེའི་ཚེ་ཚིགས་སུ་བཅད་དེ་སྨྲས་པ། ལྷག་པར་ཆགས་པས་ཟིལ་ནོན་ན། །
D5.009.0267b01.01དོན་གྲུབ་པ་ཡང་ཉམས་གྱུར་ཏེ། །ཕྱིར་དོན་གཉེར་བར་བྱེད་པ་ཡིན། །རྐུན་མའི་སྐྱོགས་ནི་ཇི་བཞིན་ནོ། །དགེ་སློང་དག་གཞན་ཡང་ལྷག་པར་ཆགས་པ་ཁོ་ནས་རིན་པོ་ཆེ་དག་ལས་ཡོངས་སུ་ཉམས་པར་གྱུར་པ་དེ་ཉོན་ཅིག །དགེ་སློང་དག་སྔོན་བྱུང་བ་གྲོང་ཁྱེར་བཱ་ར་ཎཱ་སཱི་ན་
D5.009.0267b02.01ཁྱིམ་བདག་ཅིག་ཡོད་པ་དེ་ཞེས་བྱ་བ་ནས་དེ་ལ་བུ་མོ་ཞིག་བཙས་པ་དང་། ཤི་ནས་ངང་པའི་རྒྱལ་པོ་རང་བཞིན་གྱིས་སྐྱེ་བ་དྲན་པ་ཞིག་ཏུ་སྐྱེས་སོ་ཞེས་བྱ་བའི་བར་རོ། །ཇི་ཙམ་ན་དེ་བུ་མོའི་དོན་དུ་ཉི་མ་རེ་རེ་ཞིང་རིན་པོ་ཆེ་དག་སྐྱེལ་བར་བྱེད་དོ། །དེ་ནས་བུ་མོས་བསམས་པ།
D5.009.0267b03.01ངང་པའི་རྒྱལ་པོ་ཡང་བཟུང་ལ་རིན་པོ་ཆེ་ཡང་བླང་ངོ་སྙམ་པ་དང་། དེ་བྲོས་ནས་ཕྱིན་ཆད་མི་འོང་བར་གྱུར་ཏོ། །ཇི་ཙམ་ན་ལྷ་ཞིག་གིས་ཚིགས་སུ་བཅད་དེ་སྨྲས་པ། ལྷག་པར་ཆགས་པར་མི་བྱ་སྟེ། །ཆོས་མིན་ཆགས་པ་སྡིག་པ་ཅན། །ངང་པའི་རྒྱལ་པོ་གཟུང་སྙམ་པས། །
D5.009.0267b04.01རིན་ཆེན་རྣམས་ལས་ཡོངས་སུ་ཉམས། །དགེ་སློང་དག་ཇི་སྙམ་དུ་སེམས། དེའི་ཚེ་རྐུན་པོ་དང་། བུ་མོ་གང་ཡིན་པ་དེ་ནི་སྦོམ་དགའ་མོ་འདི་ཉིད་ཡིན་ཏེ། དེ་ནས་ཡང་ལྷག་པར་ཆགས་པ་ཁོ་ནར་གྱུར་ཏོ། །ད་ལྟར་ཡང་ལྷག་པར་ཆགས་པ་ཁོ་ནར་གྱུར་ཏོ། །དེ་ལྟ་བས་ན་
D5.009.0267b05.01ལྷག་པར་ཆགས་པར་མི་བྱ་སྟེ། དགེ་སློང་དག་ཁྱེད་ཀྱིས་དེ་ལྟ་བུ་ལ་བསླབ་པར་བྱའོ། །ལྟུང་བྱེད་བརྒྱད་པའི་དང་པོ་རྫོགས་{སྷོ,སོ}།། །།གླེང་གཞི་ནི་མཉན་ཡོད་ནའོ། །དེའི་ཚེ་སྦོམ་དགའ་མོས་མདོམས་ཀྱི་ཕྱོགས་ཀྱི་སྤུའི་ལས་བྱེད་ཅིང་དེ་ཁྲུས་བྱེད་པ་ན་བྲམ་ཟེ་དང་། ཁྱིམ་
D5.009.0267b06.01བདག་གི་ཆུང་མ་རྣམས་ལ་བསྟན་ཏེ། ཏིལ་འབྲུས་ཁྲ་བོར་བྱས་པའི་ཕན་ཅི་ལྟར་འདུག་པ་འདི་ལ་ལྟོས། དེ་དག་གིས་འདི་སྐད་ཅེས་སྨྲས་སོ། །འཕགས་མ་རེ་ཞིག་ཁོ་མོ་ཅག་ནི་སྡུམ་ཐབ་ཀྱི་སེམས་མགུ་བར་བགྱིད་པའི་ཕྱིར་བགྱིད་ན་ཁྱོད་ཀྱིས་འདི་ཅིར་འཚལ། ཁྱོད་ཀྱི་
D5.009.0267b07.01