完整藏文原文 · 德格版页 当前仅加载第 9 函德格 219b 版页；藏文 NFD、目录标记与异常页序保留在来源切片中，重复版页行以稳定序号区分。
བ་གང་ཞེ་ན། རླུང་གིས་གདིང་བ་རིམ་གཉིས་བཟློག་པར་གྱུར་པ་སྟེ་ལྟུང་བྱེད་དུ་འགྱུར་རོ། །མ་བཟློག་ན་ཉེས་བྱས་ཏེ་འདི་ནི་རླུང་གིས་ཕན་ཕུན་དུ་གྱུར་པ་ཞེས་བྱའོ། །སྲིལ་གྱིས་ཕན་ཕུན་དུ་གྱུར་པ་གང་ཞེ་ན། གལ་ཏེ་སྲིལ་རྣམས་ཀྱིས་གདིང་བ་རིམ་གཉིས་
D5.009.0219b01.01གློངས་པར་གྱུར་པ་སྟེ་གློངས་ན་ལྟུང་བྱེད་དོ། །མ་གློངས་ན་ཉེས་བྱས་སོ། །ལམ་དུ་དོང་བ་ན་དྲན་ན་ཉེས་བྱས་ཞེས་བྱ་བ་ནས། གནས་མལ་ལ་ཇི་ལྟ་བ་བཞིན་དུ་རྒྱས་པར་སྦྱར་བར་བྱའོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན།
D5.009.0219b02.01གང་ཡང་དགེ་སློང་མས་དགེ་འདུན་གྱི་གཙུག་ལག་ཁང་དུ་རྩྭའི་གདིང་བའམ། ལོ་མའི་གདིང་བ་བཏིང་ངམ། འདིང་དུ་བཅུག་ནས་མ་བསྡུས་སམ། སྡུད་དུ་མ་བཅུག་པར་དེ་ཇི་སྲིད་དུ་ཉེན་ཀོར་སྤངས་ན་ཐམས་ཅད་དུ་ལྟུང་བྱེད་དུ་འགྱུར་རོ། །ཡང་དགེ་སློང་མ་གང་
D5.009.0219b03.01ཞིག་དགེ་འདུན་གྱི་གཙུག་ལག་ཁང་དུ་རྩྭའི་གདིང་བའམ། ལོ་མའི་གདིང་བ་བླ་གབ་མེད་པར་བཏིང་ངམ། འདིང་དུ་བཅུག་ནས་གཙུག་ལག་ཁང་དུ་ཞུགས་ཏེ་དྲན་པ་ཉེ་བར་མ་བཞག་པ་ཉེ་བར་གཞག་པ་དང་། སེམས་མཉམ་པར་མ་བཞག་པ་མཉམ་པར་གཞག་
D5.009.0219b04.01པ་དང་། སེམས་རྣམ་པར་མ་གྲོལ་བ་རྣམ་པར་གྲོལ་བར་བྱའོ་ཞེས་ནང་དུ་ཡང་དག་པར་བཞག་ལ་ཐུན་དང་པོ་ཕྱེད་ཁོར་ན་བྱུང་ལ་ཕན་ཕུན་དུ་གྱུར་ན་ལྟུང་བྱེད་དོ། །ཕན་ཕུན་དུ་མ་གྱུར་ན་ཉེས་བྱས་སོ། །ཉི་མ་ནུབ་ཀ་ན་ཞེས་བྱ་བ་ནས་ཕན་ཕུན་དུ་གྱུར་ན་ལྟུང་བྱེད་
D5.009.0219b05.01དོ། །ཕན་ཕུན་དུ་མ་གྱུར་ན་ཉེས་བྱས་སོ་ཞེས་བྱ་བའི་བར་གནས་མལ་ལ་ཇི་ལྟ་བ་བཞིན་དུ་རྒྱས་པར་སྦྱར་བར་བྱའོ། །ལམ་ཀར་གནས་མལ་བཏིང་བ་ལ་ཉལ་བ་དེ་དག་འགྱོད་པར་གྱུར་པ་ནས། བཅོམ་ལྡན་འདས་ཀྱིས་བཀའ་སྩལ་པ། གློང་བར་བྱའོ། །གློང་
D5.009.0219b06.01བར་མི་བྱེད་ན་འགལ་ཚབས་ཅན་དུ་འགྱུར་རོ། །དེ་ནས་ཕྱིས་དབྱར་ཁང་དུ་ཚོན་རྩིའི་ལས་དག་བྱེད་པ་ན་དགེ་སློང་མ་རྣམས་ཀྱིས་རྩྭ་དག་བཀྲམ་པར་གྱུར་པ་དང་། བསླབ་པ་འདོད་པ་དེ་དག་གིས་རྩྭ་དེ་དག་བསྡུས་ནས་དབྱར་ཁང་གི་ཕྱི་རོལ་དུ་བོར་བ་དང་། གཞན་
D5.009.0219b07.01