完整藏文原文 · 德格版页 当前仅加载第 9 函德格 245a 版页；藏文 NFD、目录标记与异常页序保留在来源切片中，重复版页行以稳定序号区分。
དུ་མཛད་དེ། ཡང་དགེ་སློང་མ་གང་རིན་པོ་ཆེ་འམ། རིན་པོ་ཆེར་སྨོས་པ་རང་གི་ལག་གིས་ལེན་ཏམ། ལེན་དུ་འཇུག་ན་ཀུན་དགའི་ར་བར་གཏོགས་པ་ན་འདུག་པ་འམ། གནས་ཁང་དུ་གཏོགས་པ་ན་འདུག་པ་མ་གཏོགས་ཏེ་ལྟུང་བྱེད་དོ། །དགེ་སློང་མ་གང་ཞིག་གིས་ཀུན་དགའི་ར་བར་
D5.009.0245a01.01གཏོགས་པའམ། གནས་ཁང་དུ་གཏོགས་པ་ན་རིན་པོ་ཆེའམ། རིན་པོ་ཆེར་སྨོས་པ་འདུག་ན་འདི་སྙམ་དུ། འདི་སུའི་ཡིན་པ་དེ་ཉིད་ལེན་པར་འགྱུར་གྲང་ཞེས་བསམས་ནས་བླང་བར་བྱ་སྟེ། དེ་ལ་ཆོ་ག་ནི་དེ་ཡིན་ནོ། །ཡང་དགེ་སློང་མ་གང་ཞེས་བྱ་བ་ནི་བཅུ་གཉིས་སྡེ་དག་
D5.009.0245a02.01གོ། །རིན་པོ་ཆེ་འམ་རིན་པོ་ཆེར་སྨོས་པ་ནི་གཡུལ་ངོར་སྤྱད་པའི་ཡོ་བྱད་ཐམས་ཅད་དང་། སྐྱེད་མོས་ཚལ་གྱི་ཡོ་བྱད་ཐམས་ཅད་དོ། །ལེན་ན་ཞེས་བྱ་བ་ནི་རང་གིས་སོ། །ལེན་དུ་འཇུག་ན་ཞེས་བྱ་བ་ནི་གཞན་ནོ། །ཀུན་དགའི་ར་བར་གཏོགས་པ་ན་འདུག་པ་ནི་
D5.009.0245a03.01སྐྱེད་མོས་ཚལ་ན་འདུག་པའོ། །གནས་ཁང་དུ་གཏོགས་པ་ན་འདུག་པ་མ་གཏོགས་ཏེ་ཞེས་བྱ་བ་ནི་གཙུག་ལག་ཁང་གི་ནང་ནའོ། །དེས་འདི་སྙམ་དུ་འདི་སུའི་ཡིན་པ་དེ་ཉིད་ལེན་པར་འགྱུར་གྲང་ཞེས་དེ་ཉིད་རྐྱེན་དུ་བྱས་ནས་བླང་བར་བྱའོ། །ཞེས་བྱ་བ་ནི་དེ་ཉིད་
D5.009.0245a04.01རྗེས་སུ་མཐུན་པར་བྱས་པའི་ཆོས་ཡིན་ནོ། །དུས་མ་གཏོགས་ཏེ་ཞེས་བྱ་བ་ནི་བཞག་སྟེའོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མ་ནོར་བུ་ལེན་པར་བྱེད་ན་མིག་ཕུག་པ་ལེན་ན་ལྟུང་བྱེད་དོ། །མིག་མ་
D5.009.0245a05.01ཕུག་པ་ལེན་ན་ཉེས་བྱས་སོ། །ནོར་བུ་ལ་ཇི་ལྟ་བ་དེ་བཞིན་དུ་མུ་ཏིག་དང་། རྡོ་རྗེ་དང་། བཻ་ཌཱུརྱ་དང་། དུང་དང་། མན་ཤེལ་དང་། བྱི་རུ་དང་། དངུལ་དང་། རིན་པོ་ཆེ་དང་། དམར་པོ་དང་། དུང་གཡས་སུ་འཁྱིལ་པ་ཕུག་པ་ལེན་ན་ལྟུང་བྱེད་དོ། །མ་ཕུག་
D5.009.0245a06.01པ་ལེན་ན་ཉེས་བྱས་སོ། །ཐ་ན་ནོར་བུ་མཆིང་བུ་ལེན་ན་ཡང་ཉེས་བྱས་སོ། །མགུལ་གདུབ་ལེན་ན་ལྟུང་བྱེད་དོ། །དེ་བཞིན་དུ་གདུ་བུ་རྒྱན་ཅན་དང་དཔུང་རྒྱན་དང་། དོ་ཤལ་དང་། སེ་མོ་དོ་ལ་སོགས་པ་ལ་ཡང་ལྟུང་བྱེད་དོ། །ཐ་ན་ནོར་བུ་དོ་ཟན་ལེན་ན་ཡང་
D5.009.0245a07.01