完整藏文原文 · 德格版页 当前仅加载第 9 函德格 124a 版页；藏文 NFD、目录标记与异常页序保留在来源切片中，重复版页行以稳定序号区分。
ཞེས་བྱ་བ་ནི་བུ་ལོན་བདའ་བའི་དཔང་རྒྱའོ། །ལེན་པར་བྱེད་ན་ཞེས་བྱ་བ་ནི་ལེན་ནའོ། །ཆོས་འདི་ཡང་ཞེས་བྱ་བ་འདི་ནི་ཆོས་མ་ཡིན་པ་ལ་ཆོས་ཀྱི་སྒྲར་བསྟན་པའོ། །གཞན་ནི་སྔ་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་
D5.009.0124a01.01མ་ཆགས་རྒྱ་ལེན་པར་བྱེད་ན་ཇི་ལྟར་ཡང་རུང་སྟེ་དགེ་འདུན་ལྷག་མར་འགྱུར་རོ། །ཚེགས་ཆུང་ངུས་ཁུགས་པ་དང་། ལས་དང་པོ་པ་ལ་སོགས་པ་ལ་ལྟུང་བ་མེད་དོ། །དགེ་སློང་མའི་རྣམ་པར་འབྱེད་པ་ལས་དགེ་འདུན་ལྷག་མ་བཅུ་གཅིག་པ་རྫོགས་{སྷོ,སོ}།། །།གླེང་
D5.009.0124a02.01གཞི་ནི་མཉན་ཡོད་ནའོ། །དེའི་ཚེ་མཉན་ཡོད་ན་དགེ་སློང་མ་འདུན་མ་ཞེས་བྱ་བ་འཐབ་མོ་བྱེད་པ། འགྱེད་པར་བྱེད་པ། འཐབ་ཀྲོལ་བྱེད་པ། རྩོད་པར་བྱེད་པ། དེའི་བུ་མོ་འདུན་མ་མོ་ཞེས་བྱ་བ་དེ་ཐོས་སོ་ཅོག་དེ་ཐམས་ཅད་མ་ལ་ཟློས་པར་བྱེད་དོ། །དེའི་
D5.009.0124a03.01རྒྱུས་དགེ་སློང་མའི་དགེ་འདུན་རྣམས་འཚང་ཀར་ལྷགས་ཏེ་འཐབ་པ་དང་རྩོད་པར་བྱེད་དོ། །དེ་ནས་དགེ་སློང་མའི་དགེ་འདུན་གྱིས་རྩད་ཆོད་ནས་འདུན་མ་བསོད་སྙོམས་ལ་སོང་བའི་འོག་ཏུ་དགེ་སློང་མའི་དགེ་འདུན་གྱིས་དགེ་སློང་མ་འདུན་མ་མོ་མ་མཐོང་བའི་ཕྱིར་གནས་ནས་
D5.009.0124a04.01དབྱུང་བའི་ལས་བྱས་སོ། །དེ་ནས་འདུན་མ་མོ་ངུ་ཞིང་མ་ལ་དགེ་འདུན་མས་བདག་ལ་མ་མཐོང་བའི་ཕྱིར་གནས་ནས་དབྱུང་བའི་ལས་བྱས་སོ་ཞེས་སྨྲས་པ་དང་། དེས་འདི་སྐད་ཅེས་ཁམས་གསུམ་ནས་བསྐྲད་པའི་ལས་ཀྱང་བྱེད་ལ་རག་གོ་ཞེས་སྨྲས་ནས། དེ་ཡང་
D5.009.0124a05.01དཀྱིལ་འཁོར་གྱི་མཚམས་ཀྱི་ཕྱི་རོལ་དུ་སོང་སྟེ་བཟོད་པ་གསོལ་དུ་བཅུག་ནས་དེ་དང་ལྷན་ཅིག་གནས་པར་བྱེད། ལྷན་ཅིག་ཟ་བར་བྱེད། ལྷན་ཅིག་ཁྱིམ་ན་ཉལ་བར་བྱེད་པ་དང་། དགེ་སློང་མ་དེ་དག་གིས་འདུན་མ་ལ་འདི་སྐད་ཅེས་སྨྲས་སོ། །ཁྱོད་ཅི་བསྐྲད་པ་དང་
D5.009.0124a06.01ལྷན་ཅིག་གནས་པར་བྱེད་དམ། ཟ་བར་བྱེད་དམ། ཁྱིམ་ན་ལྷན་ཅིག་གནས་པར་བྱེད་དམ། དེས་འདི་སྐད་ཅེས་སྨྲས་སོ། །ཅི་བསྐྲད་ཅེས་ཏེ་ཕྱོགས་དང་ཡུལ་དུ་འདུག་ཏུ་མི་རུང་ངམ། དགེ་སློང་མ་དེ་དག་གིས་སྨྲས་པ། དགེ་སློང་མའི་དགེ་འདུན་མ་ལ་བཟོད་པ་
D5.009.0124a07.01