完整藏文原文 · 德格版页 当前仅加载第 9 函德格 51a 版页；藏文 NFD、目录标记与异常页序保留在来源切片中，重复版页行以稳定序号区分。
བྱིས་པའོ། །བླུན་པའོ། །རྐུ་བའོ་ཞེས་བྱ་བ་དེ་དག་ནི་སྤྱོ་བའི་ཚིག་གོ། །ཟེར་ཞིང་ཞེས་བྱ་བ་ནི་རྗོད་ཅིང་ངོ་། །གསོད་དམ་ཞེས་བྱ་བ་ནི་སྲོག་དང་བྲལ་བར་བྱེད་པའོ། །འཆིང་ངམ་ཞེས་བྱ་བ་ནི་ཆིངས་མ་གསུམ་པོ་ལྕགས་ལས་བྱས་པ་དང་། ཤིང་ལས་
D5.009.0051a01.01བྱས་པ་དང་། རྩྭ་ལས་བྱས་པ་དག་གིས་སོ། །སྤྱུགས་ཀྱང་རུང་ཞེས་བྱ་བ་ནི་ཡུལ་མེད་པར་བྱས་ཀྱང་རུང་སྟེའོ། །དགེ་སློང་མ་ཞེས་བྱ་བ་ནི་གང་ལ་དགེ་སློང་མའི་དངོས་པོ་ཡོད་པའོ་ཞེས་བྱ་བ་ནས་དེ་ཡང་ཞེས་བྱ་བ་འདི་ནི་ཉེ་བར་བསྟན་པ་དང་། ཀུན་དུ་བསྟན་པའི་ཚིག་བླ་
D5.009.0051a02.01དགས་སོ་ཞེས་བྱ་བ་དང་། གསོལ་བ་དང་། གསོལ་བ་དང་། གཉིས་དང་། གསོལ་བ་དང་བཞིའི་ལས་ཞེས་བྱ་བའི་བར་དུ་ཕས་ཕམ་པ་དང་པོ་ཇི་ལྟ་བ་དེ་བཞིན་དུ་རྒྱ་ཆེར་བརྗོད་པར་བྱའོ། །དེ་ལ་ལྟུང་བར་ཇི་ལྟར་འགྱུར་ཞེ་ན།། །།སྤྱི་སྡོམ་ལ། བདག་ཉིད་ས་
D5.009.0051a03.01དང་ནམ་མཁའ་དང་། །ས་ཡི་གཅལ་དང་བཞོན་དང་གྲུ། །སྟོན་ཀ་འབྱུང་དང་ཆུ་དང་ནི། །རྐུ་དང་ས་གཞི་འཚོལ་བ་དང་། །རྐང་མེད་དང་ནི་གདོལ་པ་དང་། །འཕྱང་བར་གྱུར་པ་ཐ་མ་ཡིན། །སྡོམ་ལ། བདག་ཉིད་དང་ནི་མ་བྱིན་དང་། །སེམས་དང་ཡོངས་སུ་
D5.009.0051a04.01བཟུང་བ་དང་། །འདུ་ཤེས་དང་ནི་བཞི་པ་བཞི། །ལྔ་པ་གཉིས་སུ་བྱས་པ་ཡིན། །དགེ་སློང་མས་རྒྱུ་གསུམ་གྱིས་གཞན་གྱི་ཡོ་བྱད་ལྕི་བ་མ་བྱིན་པར་ལེན་ན་ཕས་ཕམ་པར་འགྱུར་ཏེ། གསུམ་གང་ཞེ་ན། བདག་ཉིད་ཀྱིས་དང་། ཞལ་ཏ་བྱས་པས་དང་། མངགས་
D5.009.0051a05.01པས་སོ། །ཇི་ལྟར་བདག་ཉིད་ཀྱིས་ཤེ་ན། བདག་ཉིད་ཀྱིས་རྐུ་བ་དང་། བདག་ཉིད་ཀྱིས་རྐུར་འཇུག་པ་དང་། བདག་ཉིད་ཀྱིས་གནས་ནས་གནས་སུ་སྦེད་པར་བྱེད་པ་སྟེ། དེ་ལྟར་ན་བདག་ཉིད་ཀྱིས་སོ། །ཇི་ལྟར་ཞལ་ཏ་བྱས་པས་ཤེ་ན། ཞལ་ཏ་བྱས་ཏེ་རྐུ་བ་
D5.009.0051a06.01དང་། ཞལ་ཏ་བྱས་ཏེ་རྐུར་འཇུག་པ་དང་། ཞལ་ཏ་བྱས་ཏེ་གནས་ནས་གནས་སུ་སྦེད་པར་བྱེད་པ་སྟེ། དེ་ལྟར་ན་ཞལ་ཏ་བྱས་པས་སོ། །ཇི་ལྟར་མངགས་པས་ཤེ་ན། མངགས་ནས་རྐུ་བ་དང་། མངགས་ནས་རྐུར་འཇུག་པ་དང་། མངགས་ནས་གནས་སུ་
D5.009.0051a07.01