完整藏文原文 · 德格版页 当前仅加载第 9 函德格 81b 版页；藏文 NFD、目录标记与异常页序保留在来源切片中，重复版页行以稳定序号区分。
ཏ་མཱི་གང་ན་བ་དེར་སོང་སྟེ་ཕྱིན་ནས་དོན་འདི་དྲི་བར་བྱའོ་སྙམ་དུ་བསམས་ཏེ། དགེ་སློང་གྲེ་སྐྱེས་སྐྱེ་དགུའི་བདག་མོ་ཆེན་མོ་གཽ་ཏ་མཱི་གང་ན་བ་དེར་སོང་སྟེ་ཕྱིན་ནས་སྐྱེ་དགུའི་བདག་མོ་ཆེན་མོ་གཽ་ཏ་མཱི་ལ་འདི་སྐད་ཅེས་སྨྲས་སོ། །སྲིང་མོ་རེ་ཞིག་བདག་གིས་ཉེས་པ་བྱས་པས་དེའི་
D5.009.0081b01.01ཕྱིར་དགེ་སློང་གི་དགེ་འདུན་གྱིས་ནི་བདག་གནས་ནས་དབྱུང་གྲང་ན་དགེ་སློང་མའི་དགེ་འདུན་ལ་ཀོ་བདག་གིས་ཉེས་པ་ཅི་ཞིག་བྱས་ན། གང་གི་ཕྱིར་བདག་ལ་ཕྱག་བྱ་བའི་འོས་མ་ཡིན་པའི་སྡོམ་པ་བསྒོ་བ་བྱས། དེ་ལྟ་མོད་ཀྱི་ཁ་ཅིག་དགེ་སློང་མ་ལ་ཁ་ཟེར་བ་ཡོད་པ་དེ་ལ་བདག་གིས་
D5.009.0081b02.01ཁྲོས་འཁྲུགས་རྔམ་པར་བྱས་ཏེ་ཞུམ་ཞུམ་པོར་གཞུག་པར་བྱ། ཁྲོ་བ་བསྐྱེད་པར་བྱའོ། །དེ་ལྟར་བདག་གིས་དགེ་སློང་མ་ཁྱེད་ཅག་གི་ཕྱོགས་བྱས་ན་ཁྱེད་ཅག་ཅིའི་ཕྱིར་བདག་ལ་ཕྱག་བྱ་བའི་འོས་མ་ཡིན་པའི་སྡོམ་པ་བསྒོ་བར་བྱེད། དེ་སྐད་ཅེས་སྨྲས་པ་དང་། སྐྱེ་དགུའི་བདག་
D5.009.0081b03.01མོ་ཆེན་མོ་གཽ་ཏ་མཱིས་དགེ་སློང་གྲེ་སྐྱེས་ལ་འདི་སྐད་ཅེས་སྨྲས་སོ། །བཙུན་པ་གྲེ་སྐྱེས་ཁྱོད་དགེ་སློང་མའི་ཕྱོགས་སུ་གནོད་པ་བྱེད་དུ་ལྟ་ཡོང་ཡང་སུས་བཅུག །དེའི་སྟེང་དུ་དགེ་སློང་གི་དགེ་འདུན་གྱིས་ཁྱོད་གནས་ནས་དབྱུང་བའི་ལས་བྱས་ལ། བཅོམ་ལྡན་འདས་ཀྱིས་ཀྱང་དགེ་སློང་
D5.009.0081b04.01མ་རྣམས་ལ་ཕྱག་བྱ་བའི་འོས་མ་ཡིན་པའི་སྡོམ་པ་སྒོ་ཤིག་ཅེས་བཀའ་སྩལ་ཏོ། །དེའི་ཕྱིར་བདག་ཅག་གིས་ཕྱག་བྱ་བའི་འོས་མ་ཡིན་པའི་སྡོམ་པ་བསྒོའོ། །གཞན་ཡང་གྲེ་སྐྱེས་གསོན་ཅིག །རེ་ཞིག་ཁྱོད་ཤཱཀྱའི་བུ་ཤཱཀྱའི་རིགས་ལས་རབ་ཏུ་བྱུང་བ། སྡེ་སྣོད་
D5.009.0081b05.01གསུམ་དང་ལྡན་པ། ཆོས་སྨྲ་བར་བྱེད་པ་འདི་ལྟར་ཡང་ཁྱོད་ནི་མང་དུ་ཐོས་པ་ཡིན་ན་དགེ་འདུན་ལ་བཟོད་པ་མི་གསོལ་བར་ཕྱི་ལང་བྱེད་དམ། དེ་ནས་དགེ་སློང་གྲེ་སྐྱེས་ཀྱིས་འདི་སྙམ་དུ་སྐྱེ་དགུའི་བདག་མོ་ཆེན་མོ་འདིས་ནི་ཕན་པར་སྨྲས་ཀྱི་མི་ཕན་པ་མ་ཡིན་པའི་སྟེང་
D5.009.0081b06.01དུ་མི་གང་ཞིག་སའི་སྟེང་དུ་འགྱེལ་ན་དེས་ས་དེ་ཉིད་ལས་བརྟེན་ནས་ལྡང་བ་བཞིན་དུ། བདག་གིས་ཀྱང་དགེ་འདུན་ལ་ཉེས་པ་བྱས་པས་དེ་ཉིད་དུ་སོང་ལ་དགེ་འདུན་ལ་སྤུ་བསྙལ་བར་བྱའོ། །མཐུན་པར་བྱེད་པ་བསྟན་པར་བྱའོ། །མཚམས་ཀྱི་ནང་དུ་འདུག་སྟེ་
D5.009.0081b07.01