完整藏文原文 · 德格版页 当前仅加载第 9 函德格 178a 版页；藏文 NFD、目录标记与异常页序保留在来源切片中，重复版页行以稳定序号区分。
དུ་བརྟད་པ་ལས་བྱུང་བའི་གོས་ཤིག་རྙེད་ལ། བརྟད་པ་ལས་བྱུང་བའི་གོས་འདོད་ན་དགེ་སློང་མ་དེས་བླང་བར་བྱའོ། །བླངས་ནས་གོས་སྦྱིན་པའི་དུས་ཀྱི་བར་དུ་བཅང་བར་བྱའོ། །དེ་ལས་འདས་པར་འཆང་ན་སྤང་བའི་ལྟུང་བྱེད་དོ། །ཞག་བཅུ་
D5.009.0178a01.01ཞེས་བྱ་བ་ནི་ཞག་བཅུ་པ་ལ་དགག་དབྱེ་འབྱུང་བར་འགྱུར་བའོ། །དགེ་སློང་མ་ཞེས་བྱ་བ་ནི་ཆོས་འདི་པ་དག་གིའོ། །རྙེད་པ་ཞེས་བྱ་བ་ནི་གཞན་ལས་སོ། །བརྟད་པ་ལས་བྱུང་བའི་གོས་ཞེས་བྱ་བ་ལ་བརྟད་པ་ལས་བྱུང་བའི་གོས་ལྔ་སྟེ། ལྔ་གང་ཞེ་ན། འོངས་པ་དང་།
D5.009.0178a02.01འགྲོ་བར་ཆས་པ་དང་། ནད་པ་དང་། ནད་གཡོག་དང་། དགེ་སྐོས་མའོ། །གོས་ཞེས་བྱ་བ་ནི་བདུན་པོ་གང་ཡང་རུང་བའོ། །འདོད་ན་ཞེས་བྱ་བ་ནས་གལ་ཏེ་དོན་དུ་གཉེར་ནའོ། །གོས་སྦྱིན་པའི་དུས་སུ་བཅང་བར་བྱའོ་ཞེས་བྱ་བ་ནི་གོས་སྦྱིན་པའི་དུས་ཞག་
D5.009.0178a03.01བཅུའི་དགག་དབྱེ་གང་ཡིན་པའོ། །དེ་ལས་འདས་པར་ཞེས་བྱ་བ་ནི་དེ་ལས་ལྷག་པར་རོ། །སྤང་བའི་ལྟུང་བྱེད་དོ་ཞེས་བྱ་བ་ནི་སྔ་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། གང་ཡང་དགེ་སློང་མས་དབྱར་གྱི་རྙེད་པ་ཅི་ཡང་རུང་དབྱར་གྱི་ནང་ལོགས་སུ་འགེད་པ་
D5.009.0178a04.01དང་། དགག་དབྱེ་ལས་འདས་པར་འཆང་ན་ཐམས་ཅད་དུ་སྤང་བའི་ལྟུང་བྱེད་དུ་འགྱུར་རོ། །གལ་ཏེ་གོས་སྦེད་པའི་དགེ་སློང་མ་བསྐོས་ན་ཡང་ལྟུང་བ་མེད་དོ། །སྤང་བའི་ལྟུང་བྱེད་བཅུ་བདུན་པ་རྫོགས་{སྷོ,སོ}།། །།གླེང་གཞི་ནི་མཉན་ཡོད་ནའོ། །གང་གི་ཚེ་
D5.009.0178a05.01བཅོམ་ལྡན་འདས་ཀྱིས་ཉེ་དགའ་ལ་བརྟེན་ཏེ་དགེ་འདུན་གྱི་གང་ཟག་རང་གིར་སྒྱུར་བར་བྱེད་པའི་བསླབ་པའི་གཞི་བཅའ་བ་མཛད་པ་དེའི་ཚེ་དགེ་སློང་མ་བཅུ་གཉིས་སྡེ་རྣམས་ཀྱིས་དགེ་འདུན་གྱི་ཆེད་དུ་རྙེད་པ་བླངས་ནས་གང་ཟག་གིར་སྒྱུར་བར་བྱེད་པ་ན་དོན་ཉུང་བའི་དགེ་
D5.009.0178a06.01སློང་མ་རྣམས་སྨོད་པར་བྱེད་པའི་སྐབས་དེ་དགེ་སློང་མ་རྣམས་ཀྱིས་དགེ་སློང་དག་ལ་སྨྲས་པ་དང་། དགེ་སློང་དག་གིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ།
D5.009.0178a07.01