完整藏文原文 · 德格版页 当前仅加载第 9 函德格 275a 版页；藏文 NFD、目录标记与异常页序保留在来源切片中，重复版页行以稳定序号区分。
ནས་སྦོམ་དགའ་མོ་རྒྱ་སྐྱེགས་ཀྱི་ཚིགས་མ་མཁན་གྱི་དྲུང་དུ་སོང་སྟེ་ཞེས་བྱ་བ་ནས། རྒྱ་སྐྱེགས་བཅངས་པ་ཞིག་ཉོས་ཏེ། ཇི་ཙམ་ན་དབྱར་ཁང་དུ་འོངས་ནས་མཚན་མོ་རྐང་པའི་རྟིང་པ་ལ་བཅིངས་ནས་ཉོན་མོངས་པ་སེལ་བར་བྱེད་པ་དང་། ཅི་ཙམ་ན་
D5.009.0275a01.01དབྱར་ཁང་དུ་མེ་ཤོར་བར་གྱུར་ཏོ། །དེ་ནས་སྦོམ་དགའ་མོ་སྔངས་ཤིང་བརྟགས་པས་གཅེར་བུ་སྒྲེན་མོར་སྐས་ལས་བབས་པ་དང་། ཀྲོལ་ཀྲོལ་ཟེར་བའི་སྒྲ་བྱུང་བ་ན་སྐྱེ་བོའི་ཚོགས་ཆེན་པོས་བགད་དོ་ཞེས་བྱ་བ་ནས། དེས་འདི་སྐད་ཅེས་མ་ལ་དྲིས་ཤིག །སྲིང་མོ་ལ་
D5.009.0275a02.01དྲིས་ཤིག །བུ་མོ་ལ་དྲིས་ཤིག་ཅེས་སྨྲས་སོ་ཞེས་བྱ་བའི་བར་རོ། །ཇི་ཙམ་ན་དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅས་བའི་བར་
D5.009.0275a03.01དུ་མཛད་དེ། ཡང་དགེ་སློང་མ་གང་རྒྱ་སྐྱེགས་བཅངས་པ་འཆང་ན་ལྟུང་བྱེད་དོ། །ཡང་གང་ཞེས་བྱ་བ་ནི་སྦོམ་དགའ་མོའོ། །བཅངས་པ་ཞེས་བྱ་བ་ནི་རྒྱ་སྐྱེགས་ལས་བཅོས་པའོ། །འཆང་ན་ཞེས་བྱ་བ་ནི་རང་གིས་སོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་
D5.009.0275a04.01ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་རྒྱ་སྐྱེགས་བཅངས་པ་འཆང་ན་ཐམས་ཅད་དུ་ལྟུང་བྱེད་དུ་འགྱུར་རོ། །དགེ་སློང་རྣམས་ཐེ་ཙོམ་སྐྱེས་ནས་ཞེས་བྱ་བ་ནས། བཙུན་པ་སྦོམ་དགའ་མོས་སྐྱེ་བོའི་ཚོགས་ཆེན་པོ་གད་མོ་བཏོན་པ་ལ་གཟིགས་ཞེས་བྱ་བའི་བར་
D5.009.0275a05.01རོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ད་ལྟར་གྱི་འདིར་མ་ཟད་ཀྱིས་འདས་པའི་དུས་ན་ཡང་སྦོམ་དགའ་མོས་སྐྱེ་བོ་ཚོགས་ཆེན་པོ་གད་མོ་སྟོན་པ་དེ་ཉོན་ཅིག །དགེ་སློང་དག་སྔོན་བྱུང་བ་འདས་པ་ན་གྲོང་ཁྱེར་བཱ་རཱ་ཎ་སཱིར་རྒྱལ་པོ་ཚངས་བྱིན་ཞེས་བྱ་བ་རྒྱལ་སྲིད་
D5.009.0275a06.01བྱེད་དུ་འཇུག་གོ། །ཇི་ཙམ་ན་བྲམ་ཟེ་ཅིག་གིས་ལྗོངས་ཀྱི་བྲམ་ཟེ་ཞིག་གི་བུ་མོ་ཆུང་མར་བླངས་པ་དང་ཞེས་བྱ་བ་ནས། བྲམ་ཟེའི་བུ་མོ་དེ་བྲམ་ཟེ་དེ་ལ་འཇར་དུ་མ་བཏུབ་ནས་ཞེས་བྱ་བའི་བར་ཏེ། གྱོས་པོའི་ཁྱིམ་དུ་བསྐྱལ་བའི་ཕྱིར་བུ་མོ་དེ་བོང་བུ་ཞིག་ལ་ཞོན་ཏེ། བུ་མོ་དེའི་ཕའི་ཁྱིམ་
D5.009.0275a07.01