完整藏文原文 · 德格版页 当前仅加载第 9 函德格 231a 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱད་པར་ནི་འདི་ཡོད་དེ། དགེ་སློང་མ་དེ་རྣམས་ཁོ་ན་ལ་ཞེས་བྱ་བ་ནས་ཐལ་མོ་གཟས་པ་དང་། ཞེས་བྱ་བའི་བར་རོ། །ཇི་ཙམ་ན་དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་
D5.009.0231a01.01བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་ཁྲོས་འཁྲུགས་རྔམ་པར་གྱུར་ཏེ་ཡི་མ་རངས་ནས་དགེ་སློང་མ་ལ་རྡེག་པར་གཟས་ན་ཐ་ན་ཐལ་མོས་ཀྱང་རུང་སྟེ་ལྟུང་བྱེད་དོ། །ཡང་དགེ་སློང་མ་གང་ཞེས་བྱ་བ་ནི་སྦོམ་དགའ་མོའོ། །གཞན་
D5.009.0231a02.01ནི་སྔ་མ་བཞིན་ནོ། །ཁྱད་པར་ནི་འདི་ཡོད་དེ། གཟས་ན་ཞེས་བྱ་བ་ནི་གདེངས་ནས་མ་བརྒྱབ་པའོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དེ་ཁོ་ན་བཞིན་དུ་ལྟུང་བའི་རིམ་པ་བརྗོད་པར་བྱ་སྟེ། དགེ་སློང་མས་ཇི་ཙམ་ཅུང་ཟད་
D5.009.0231a03.01དགེ་སློང་མ་ལ་གཟས་ན་ཐམས་ཅད་དུ་ལྟུང་བྱེད་དུ་འགྱུར་རོ། །ལྟུང་བྱེད་བཞི་པའི་གཉིས་པ་རྫོགས་{སྷོ,སོ}།། །།དགེ་སློང་མའི་འདུལ་བ་རྣམ་པར་འབྱེད་པ། བམ་པོ་བཅུ་དགུ་པ། གླེང་གཞི་ནི་མཉན་ཡོད་ནའོ། །དེ་ནས་ཚེ་དང་ལྡན་པ་འཆར་ཀ་སྔ་དྲོ་ཤམ་
D5.009.0231a04.01ཐབས་བགོས་ལྷུང་བཟེད་དང་། ཆོས་གོས་བླངས་ནས་མཉན་ཡོད་དུ་བསོད་སྙོམས་ཀྱི་ཕྱིར་ཞུགས་ཏེ། མཉན་ཡོད་དུ་བསོད་སྙོམས་སྤྱད་ནས་སྦེད་མའི་ཁྱིམ་གང་ན་བ་དེར་སོང་བ་དང་། སྦེད་མས་འཆར་ཀ་རྒྱང་རིང་པོ་ཁོ་ན་ནས་འོང་བ་མཐོང་ངོ་། །མཐོང་ནས་ཀྱང་འདི་སྐད་
D5.009.0231a05.01ཅེས་སྨྲས་སོ། །འཆར་ཀ་རབ་ཏུ་བྱུང་ན་ད་བདག་གིས་ཅི་དག་བགྱི། དེ་ནས་འཆར་ཀས་སྦེད་མ་ལ་འདི་སྐད་ཅེས་སྨྲས་སོ། །བྱང་ཆུབ་སེམས་དཔས་བཙུན་མོ་དྲུག་ཁྲི་སྤངས་ཏེ་རབ་ཏུ་བྱུང་ན་ཁྱོད་ཀྱིས་དེ་དག་གི་རྐང་པ་འཁྲུ་བར་ཡང་མི་ཁོམ་ན་དེ་དག་ཅི་བྱེད། དེས་འདི་སྐད་
D5.009.0231a06.01ཅེས་སྨྲས་སོ། །བདག་ཀྱང་རབ་ཏུ་འབྱུང་ལགས་གྲང་། དེ་ནས་འཆར་ཀས་སྦེད་མ་ལ་འདི་སྐད་ཅེས་སྨྲས་སོ། །ཁྱིམ་གྱི་བྱ་བ་དག་ལེགས་པར་སྤོངས་ཤིག །དེས་ལེགས་པར་སྤངས་ནས་འཆར་ཀ་དང་རྒྱལ་པོའི་ཁབ་ཏུ་སོང་སྟེ་དབྱར་གནས་སོ། །དེ་ནས་སྦེད་མ་རྒྱལ་
D5.009.0231a07.01