完整藏文原文 · 德格版页 当前仅加载第 9 函德格 321b 版页；藏文 NFD、目录标记与异常页序保留在来源切片中，重复版页行以稳定序号区分。
བཟས་པར་ཁ་གདང་བར་མི་བྱ་བ་དང་། ཁ་ཁམ་གྱིས་བཀང་བ་དང་བཅས་པས་སྨྲ་བར་མི་བྱ་བ་དང་། ཁམ་ཧ་ཅང་ཆུང་བ་མ་ཡིན་པ་དང་། ཁམ་ཧ་ཅང་ཆེ་བ་མ་ཡིན་པར་ཁམ་རན་པར་བྱ་བ་ལ་བསླབ་པར་བྱའོ། །ཞེས་བྱ་བའི་བར་རོ། །དེ་ནས་བཅུ་གཉིས་སྡེ་དག་ཁ་
D5.009.0321b01.01ཟས་ཙུག་ཙུག་བྱེད་ཅིང་ཟ་བ་ན་དེ་དག་ལ་དགེ་སློང་མ་རྣམས་ཀྱིས་སྨྲས་པ་དེ་ལྟར་བྱེད་པ་ཅི་ཐ་ཚིག་དེ་དག་གིས་འདི་སྐད་ཅེས་བྱིས་པ་དག་ཟ་བ་འདི་ལྟར་བྱེད་དོ་ཞེས་སྨྲས་པ་ནས། བཅོམ་ལྡན་འདས་ཀྱིས་བཀའ་སྩལ་པ། ཙུག་ཙུག་མི་བྱ་བར་ཁ་ཟས་བཟའ་བར་བྱའོ་ཞེས་
D5.009.0321b02.01བྱ་བའི་བར་རོ། །དེ་ནས་བཅུ་གཉིས་སྡེ་དག་ཧུ་ཧུ་བྱེད་ཅིང་ཁ་ཟས་ཟ་བ་ན་ཞེས་བྱ་བ་ནས་འདི་སྐད་ཅེས་ནད་པ་ཡི་གར་མི་འོང་བ་དག་འདི་ལྟར་ཟའོ་ཞེས་སྨྲས་པ་ནས། བཅོམ་ལྡན་འདས་ཀྱིས་བཀའ་སྩལ་པ། བཟའ་བར་མི་བྱའོ་ཞེས་བྱ་བའི་བར་རོ། །ཇི་ཙམ་ན་
D5.009.0321b03.01ཁྱིམ་བདག་ཅིག་གི་ཁྱིམ་དུ་དགེ་སློང་མའི་དགེ་འདུན་མགྲོན་དུ་བོས་པ་ན་དེས་འབྲས་ཆན་ནི་མང་ལ་ཚོད་མ་ཉུང་ངུ་བྲིམས་པ་དང་། དེ་དག་དགོད་པའི་བསམ་པས་བལྕག་བལྕག་བྱེད་ཅིང་ཟ་བ་དང་། དེ་ནས་ཁྱིམ་བདག་དེ་ཞུམ་ཞུམ་པོར་གྱུར་ནས་འདི་སྐད་ཅེས་འཕགས་མ་
D5.009.0321b04.01དག་འབྲས་ཆན་སྐམ་པར་བདག་གིས་འཚལ་མོད་ཀྱི། ཚོད་མའི་རྫེའུ་ཆག་ལགས་སོ་ཞེས་སྨྲས་པ་ནས། བཅོམ་ལྡན་འདས་ཀྱིས་བཀའ་སྩལ་པ། བལྕག་བལྕག་མི་བྱ་བར་ཁ་ཟས་བཟའ་བར་བྱའོ་ཞེས་བྱ་བའི་བར་རོ། །དེ་བཞིན་དུ་ཁྱིམ་བདག་ཅིག་གིས་
D5.009.0321b05.01མགྲོན་དུ་བོས་པ་ན་ཁྱིམ་བདག་དེ་ཡང་དབུལ་པོ་ཞིག་ཡིན་པས་དེས་དགུན་ཀའི་དུས་ན་ཁ་ཟས་གྲང་མོ་དག་བྲིམས་པ་དང་། དེ་དག་དགོད་པའི་བསམ་པས་ཕུ་ཕུ་ཞེས་བྱས་ཏེ་ཟ་བར་བྱེད་དོ། །དེ་ནས་ཁྱིམ་བདག་དེ་ཞུམ་ཞུམ་པོར་གྱུར་ནས་འདི་སྐད་ཅེས་
D5.009.0321b06.01འཕགས་མ་དག་བདག་གིས་འཚལ་མོད་ཀྱི། བདག་གཞི་ངན་པས་ཅི་བགྱིར་ཡང་མ་མཆིས་སོ་ཞེས་སྨྲས་པ་ནས། བཅོམ་ལྡན་འདས་ཀྱིས་བཀའ་སྩལ་པ། ཕུ་ཕུ་མི་བྱ་བར་ཁ་ཟས་བཟའ་བར་བྱའོ། །ཞེས་བྱ་བའི་བར་རོ། །དེ་ནས་བཅུ་གཉིས་སྡེ་དག་ལྗོངས་རྒྱུ་ཞིང་
D5.009.0321b07.01