完整藏文原文 · 德格版页 当前仅加载第 9 函德格 98b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། མངལ་དུ་ཞུགས་པ་ཤེས་པ་དང་། གང་ལས་མངལ་དུ་ཞུགས་པ་དེ་ཡང་ཤེས་པ་དང་། ཁྱེའུར་ཤེས་ཤིང་བུ་མོར་ཤེས་པ་སྟེ། གལ་ཏེ་ཁྱེའུ་ཡིན་ན་དཀུ་གཡས་པར་རྟེན་ཅིང་འདུག་ལ། གལ་ཏེ་བུ་མོ་ཡིན་ན་དཀུ་གཡོན་པར་རྟེན་ཅིང་འདུག་པའོ། །དེས་
D5.009.0098b01.01ཀྱང་བདག་ལ་སེམས་ཅན་ཞུགས་པ་དེ་དཀུ་གཡས་པར་རྟེན་ཅིང་འདུག་པས་ན་ཁྱེའུར་འགྱུར་རོ་སྙམ་དུ་རིག་ནས་དགའ་ཞིང་མགུ་ལ་ཡིད་རབ་ཏུ་དགའ་བས་ཁྱིམ་ཐབ་ལ་སྨྲས་པ། རྗེའི་སྲས་ཁྱོད་ལ་བཀའ་མཆིད་སྙན་པ་ཞིག་གསོལ་ལོ། །དེས་སྨྲས་པ། བཟང་མོ་ལྷ་དང་
D5.009.0098b02.01མིའི་གཏམ་སྙན་པ་ཐོབ་པར་གྱུར་ཅིག །གཏམ་སྙན་པ་ཇི་ལྟ་བུ་ཞིག །རྗེའི་སྲས་བདག་ལ་སེམས་ཅན་ཞུགས་པར་གྱུར་པ་ཇི་ལྟར་བདག་གི་དཀུ་གཡས་པ་མི་བདེ་བ་ལས་གོར་མ་བཀུམ་པར་བདག་གིས་བུ་རྙེད་དོ། །དེ་ནས་གྱད་ཀྱི་སྣ་ཆེན་པོ་ལ་གཏོགས་པ་རྒྱལ་
D5.009.0098b03.01སྡེས་དེ་ཐོས་མ་ཐག་ཏུ་དགའ་ཞིང་མགུ་ལ་ཡིད་རབ་ཏུ་དགའ་སྟེ། བཞིན་པད་མ་རྒྱས་པ་ལྟ་བུས་དགའ་བའི་ཚིག་འདི་སྐད་ཅེས་སྨྲས་སོ། །བཟང་མོ་ཁྱོད་ཀྱི་བུ་དེ་བཞིན་དུ་སྐྱེ་བར་ཤོག་ཤིག །ཁོ་བོས་ཀྱང་བུ་སྡུག་པའི་ངོ་མཐོང་བ་དང་། ཁོ་བོས་ཡུན་རིང་མོ་ཞིག་
D5.009.0098b04.01ནས་བསམས་པའི་བུ་ཡིན་ལ་བསམ་པ་བཞིན་དུ་འགྲུབ་པ་དང་། ཁོ་བོ་དང་མཐུན་པར་སྐྱེ་ཞིང་མི་མཐུན་པར་མི་སྐྱེ་བ་དང་། ཁོ་བོའི་བྱ་བ་དག་བྱེད་པ་དང་། གསོས་པས་ཕྱིར་གསོ་བ་དང་། ཁོ་བོའི་ནོར་རྫས་ལ་སྤྱོད་པ་དང་། ཁོ་བོའི་རིགས་རྒྱུད་ཀྱང་ཡུན་རིང་དུ་
D5.009.0098b05.01གནས་པར་འགྱུར་བ་དང་། དེ་ཡང་ཕྱུག་པ་དང་། ནོར་མང་བ་དང་། ལོངས་སྤྱོད་ཆེ་བ་དང་། ཡོངས་སུ་གཟུང་བ་ཡངས་ཤིང་རྒྱ་ཆེ་བར་གྱུར་ནས་བདག་གི་དབང་ཕྱུག་ཀྱང་ཉམས་པར་མི་འགྱུར་བ་དང་། བདག་ཅག་ཤི་ཞིང་དུས་ལས་འདས་པ་ན་བདག་
D5.009.0098b06.01ཅག་གི་ཕྱིར་སྦྱིན་པ་དག་སྦྱིན་ཞིང་བསོད་ནམས་དག་བྱས་ནས་འདི་དེ་གཉིས་གང་དུ་སྐྱེས་པ་དེར་རྗེས་སུ་འགྲོ་བར་གྱུར་ཅིག་ཅེས་ཡོན་སྔོ་བར་བྱེད་པར་ཤོག་ཤིག །དེ་ལ་སེམས་ཅན་ཞུགས་པར་རིག་ནས་དེ་ཚུན་ཆད་ཆུང་མ་ལ་དགའ་བར་གྱུར། བཀུར་སྟི་ཆེ་བར་
D5.009.0098b07.01