完整藏文原文 · 德格版页 当前仅加载第 9 函德格 56a 版页；藏文 NFD、目录标记与异常页序保留在来源切片中，重复版页行以稳定序号区分。
མྱོང་བར་འགྱུར་རོ། །ཞེས་སྨྲ་ལ། གལ་ཏེ་དེས་དེ་ལ་འོ་ན་ཁོ་བོས་ཇི་ལྟར་བྱ་ཞེས་ཟེར་བའི་ཚེ་དེས་དེ་ལ་ཚུར་ཤོག །བདག་ཉིད་ཐོང་ཤིག །བདག་ཉིད་སོད་ཅིག །བདག་ཉིད་སྲོག་དང་བྲལ་བར་གྱིས་ཤིག་ཅེས་སྨྲས་ལ། གལ་ཏེ་དེ་དེ་སྐད་
D5.009.0056a01.01སྨྲས་པས་ཇི་སྟེ་བདག་ཉིད་སྲོག་དང་བྲལ་བར་བྱེད་ན་འཆིར་བཅུག་པའི་ཕྱིར་ཕས་ཕམ་པར་འགྱུར་རོ། །གལ་ཏེ་ཚུལ་ཁྲིམས་དང་ལྡན་པ་དེ་འདི་སྙམ་དུ་འདི་ལྟར་དེ་ཡང་དེ་སྐད་ཅེས་ཟེར་མོད་ཀྱི་འོན་ཀྱང་གསོན་པ་ནི་རྙེད་པར་དཀའོ། །བདག་ཉིད་གསོད་པ་ནི་ནུས་པར་དཀའ་
D5.009.0056a02.01བས་བདག་གིས་བདག་ཉིད་མི་གཏང་ངོ་། །བདག་གིས་བདག་ཉིད་མི་གསད་དོ། །བདག་གིས་བདག་ཉིད་སྲོག་དང་བྲལ་བར་མི་བྱའོ་སྙམ་དུ་བསམས་ནས། གལ་ཏེ་བདག་ཉིད་གཏོང་བར་མི་བྱེད། བདག་ཉིད་གསོད་པར་མི་བྱེད། བདག་ཉིད་སྲོག་དང་
D5.009.0056a03.01བྲལ་བར་མི་བྱེད་ན་ཡང་འཆིར་བཅུག་པའི་སྦྱོར་བ་སྔ་མ་དེ་ཉིད་ཀྱིས་ཉེས་པ་སྦོམ་པོར་འགྱུར་རོ། །གལ་ཏེ་དེ་དེ་སྐད་ཅེས་སྨྲས་པས་འགྱོད་པར་གྱུར་ནས། དེའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ཤེས་པར་གྱིས་ཤིག །འདི་ལྟར་བྱིས་པ། བླུན་པ།
D5.009.0056a04.01མི་གསལ་བ། མི་མཁས་པ་ཡིན་པ། བདག་གིས་གྱ་ཚོམ་དང་བྱུང་རྒྱལ་དུ་བདག་གིས་མ་ལེགས་པ་ཞིག་སྨྲས་ཀྱིས། ཁྱོད་བདག་ཉིད་མ་གཏོང་ཞིག །བདག་ཉིད་མ་གསོད་ཅིག །བདག་ཉིད་སྲོག་དང་བྲལ་བར་མ་བྱེད་ཅིག །དེ་ཅིའི་ཕྱིར་ཞེ་ན།
D5.009.0056a05.01ཚེ་དང་ལྡན་པ་ནི་ཚུལ་ཁྲིམས་དང་ལྡན་པ། དགེ་བའི་ཆོས་ཅན། ཡོན་ཏན་དུ་མ་དང་ལྡན་པ། ཁྱོད་ཡུན་རིང་དུ་གསོན་དང་། ཁྱོད་ཡུན་རིང་དུ་གསོན་པས་བསོད་ནམས་མང་པོ་སྐྱེ་བར་འགྱུར་རོ། །འདི་ལྟར་ཁྱོད་ཀྱིས་དེ་ལྟར་བྱས་ན་ཡུན་རིང་དུ་ལྷ་རྣམས་ཀྱི་
D5.009.0056a06.01ནང་དུ་བདེ་བ་རྒྱ་ཆེ་བ་མྱོང་བར་འགྱུར་རོ་ཞེས་སྨྲས་ལ། གལ་ཏེ་དེ་དེ་ལྟར་བཟློག་པ་ན་ཇི་ལྟར་བདག་ཉིད་སྲོག་དང་བྲལ་བར་མི་བྱེད་ན། འཆིར་བཅུག་པའི་སྦྱོར་བ་སྔ་མ་དེ་ཉིད་ཀྱིས་ཉེས་པ་སྦོམ་པོར་འགྱུར་རོ། །གལ་ཏེ་དེ་འདི་སྙམ་དུ་འདི་ལྟར་དེ་ཡང་དེ་སྐད་ཅེས་ཟེར་
D5.009.0056a07.01