完整藏文原文 · 德格版页 当前仅加载第 9 函德格 74b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ཡང་ཀཱར་ཥཱ་པ་ཎ་ཁྱེར་ཏེ། གྲོང་དང་། གྲོང་ཁྱེར་དང་། ཡུལ་འཁོར་དང་། རྒྱལ་པོའི་ཕོ་བྲང་འཁོར་དུ་སོང་ནས་འདྲི་ཞིང་འདྲི་ཞིང་མཉན་ཡོད་དུ་ཕྱིན་ཏོ། །དེ་ནས་བྲམ་ཟེ་དེ་ཨུཏྤ་ལའི་མདོག་གང་ན་བ་དེར་སོང་སྟེ་ཕྱིན་ནས་ཨུཏྤ་ལའི་མདོག་ལ་རྒྱལ་བ་སྤེལ་བ་བྱས་ཏེ་འདི་
D5.009.0074b01.01སྐད་ཅེས་སྨྲས་སོ། །ཀྱེ་ཀཱར་ཥཱ་པ་ཎ་དག་བཞེས་ཤིག་དེས་ཀྱང་བསམས་ནས་བྲམ་ཟེ་ལ་འདི་སྐད་ཅེས་སྨྲས་སོ། །བྲམ་ཟེ་བདག་གིས་ནི་དམ་པའི་ཆོས་མ་ཡིན་པ་དེ་སྤངས་སོ། །དེ་སྐད་ཅེས་སྨྲས་པ་དང་། བྲམ་ཟེས་ཨུཏྤ་ལའི་མདོག་ལ་འདི་སྐད་ཅེས་སྨྲས་སོ། །གལ་ཏེ་ཁྱོད་ཀྱིས་
D5.009.0074b02.01སྤངས་ཀྱང་བདག་གིས་ནི་མ་སྤངས་སོ། །དེ་ནས་ཨུཏྤ་ལའི་མདོག་གིས་བྲམ་ཟེ་དེ་ལ་འདི་སྐད་ཅེས་སྨྲས་སོ། །བྲམ་ཟེ་ཁྱོད་བདག་གི་ཡན་ལག་གི་ཆ་གང་ལ་སེམས་ལྷག་པར་ཆགས་པར་གྱུར། དེས་འདི་སྐད་ཅེས་སྨྲས་ཏེ། མིག་ལའོ། །དེས་མིག་དེ་རྫུ་འཕྲུལ་གྱིས་
D5.009.0074b03.01ལག་མཐིལ་དུ་བཞག་སྟེ། བྲམ་ཟེ་དེ་ལ་འདི་སྐད་ཅེས་སྨྲས་སོ། །བྲམ་ཟེ་གལ་ཏེ་འདོད་ན་ལོང་ཤིག །དེ་ནས་བྲམ་ཟེས་མིག་དེ་མཐོང་བ་དང་ཁྲོས་འཁྲུགས་རྔམ་པར་གྱུར་ཏེ། དགེ་སློང་མ་ཨུཏྤ་ལའི་མདོག་གི་ཀླད་དུ་ཁུ་ཚུར་གཅིག་བསྣུན་ནས་སོང་ངོ་། །དེ་ནས་
D5.009.0074b04.01ཨུཏྤ་ལའི་མདོག་གིས་སྐབས་དེ་དགེ་སློང་མ་རྣམས་ལ་སྨྲས་སོ། །དགེ་སློང་མ་རྣམས་ཀྱིས་དགེ་སློང་དག་ལ་སྨྲས་སོ། །དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་བུད་མེད་ནི་མཐུ་སྟོབས་ཆུང་བ།
D5.009.0074b05.01གཡོན་ཅན་དང་། འཕྱོན་མ་དང་། ཟོལ་པ་ལ་སོགས་པས་འདོད་པར་བྱ་བ་ཡིན་པས་དེའི་ཕྱིར་དེང་ཕྱིན་ཆད་དགེ་སློང་མས་དགོན་པར་གནས་པར་མི་བྱའོ། །བཅོམ་ལྡན་འདས་ཀྱིས་གང་གི་ཚེ་དགེ་སློང་མ་ལ་དགོན་པ་བཀག་པ་དེའི་ཚེ་སྲང་དང་། བཞི་མདོ་དང་། སུམ་
D5.009.0074b06.01མདོ་དག་ཏུ་གནས་པ་ན། གཡོན་ཅན་ལ་སོགས་པས་ཀྱང་བགྲོད་པར་གྱུར་ཏོ། །རེ་ཞིག་ན་དེ་དག་དེ་ན་གནས་པར་གྱུར་པ་དེའི་ཚེ་མཉན་ཡོད་ན་{རི་དགས་,རི་དྭགས་}འཛིན་གྱི་བུ་དགེ་བསྙེན་ས་ག་ཞེས་བྱ་བ་དད་པ་དང་ལྡན་པ། དགེ་བའི་བསམ་པ་བཟང་བ་བསླབ་པའི་གཞི་ལྔ་
D5.009.0074b07.01