dge slong ma'i 'dul ba rnam par 'byed pa/
当前为德格木刻版 198b。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 198b
- 可引用原文
- 7 行
- 全文规模
- 全经 4242 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 2 函第 9 函 · 德格 198b
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文གནས་སུ་སོང་བའི་སྲོག་ཆགས་དེ་དག་ཀྱང་ཕྲ་མས་ཀུན་དུ་སྤྱད་པ་ན་ཇི་ཙམ་ན་གཅིག་ལ་གཅིག་གསོད་པར་བྱེད་ན་བུད་མེད་ལྷག་པར་ཁྲོ་བ་ལྟ་སྨོས་ཀྱང་ཅི་དགོས་ཞེས་སྔོན་གྱི་སྦྱོར་བ་འདི་རྒྱས་པར་བརྗོད་པར་བྱའོ། །གཞན་ཡང་སྔོན་གྱི་སྦྱོར་བ་ནི་དགེ་སློང་མ་དག་སྔོན་བྱུང་བ་སེང་གེ་ཕྲུ་གུ་བཙས་ནས་རིང་པོ་མ་ལོན་པ་ཞིག་མ་སྤྱོད་ཡུལ་དུ་སོང་བ་དང་ལྟོགས་ཤིང་འཕྱན་པ་ན། དེ་དང་ཧ་ཅང་ཡང་མི་རིང་བ་ཞིག་ན་སྟག་མོ་ཞིག་འབྲངས་སོ། །དེ་འཕྱན་པ་ན་སྟག་མོ་ཞིག་དང་ཕྲད་ནས་ནུ་མ་བསྣུན་པར་བརྩམས་སོ་ཞེས་བྱ་བ་ནས། གནས་
གཅིག་ཏུ་འཁོད་དོ་ཞེས་བྱ་བའི་བར་རོ། །དེ་ལ་ཡང་སེང་གེའི་མིང་ནི་མཆེ་{བཟངས་,བཟང་}ཞེས་བྱའོ། །སྟག་གི་མིང་ནི་དཔུང་{བཟངས་,བཟང་}ཞེས་བྱའོ་ཞེས་བྱ་བ་ནས། དེ་གཉིས་ལ་ཡང་ཝ་ཞིག་གིས་དབྱེན་བྱ་བར་བརྩམས་སོ་ཞེས་བྱ་བའི་བར་རོ། །ཇི་ཙམ་ན་སེང་གེས་ཚིགས་སུ་བཅད་དེ་སྨྲས་པ། ཆུ་ཞེང་ཕུན་སུམ་ཚོགས་པ་དང་། །རྩལ་དང་ཤུགས་དང་ལྡན་པ་ཡི། །མཆེ་{བཟངས་,བཟང་}ལ་ནི་རྒོལ་བྱེད་པ། །དཔུང་{བཟངས་,བཟང་}དེ་ནི་ལེགས་པ་མིན། །དཔུང་{བཟངས་ཀྱིས་,བཟང་གིས་}སྨྲས་པ། ཆུ་ཞེང་ཕུན་སུམ་ཚོགས་པ་དང་། །རྩལ་དང་ཤུགས་དང་ལྡན་
པ་ཡི། །དཔུང་{བཟངས་,བཟང་}ལ་ནི་རྒོལ་བྱེད་པ། །མཆེ་{བཟངས་,བཟང་}དེ་ནི་ལེགས་པ་མིན། །དེ་གཉིས་ཀྱིས་གཅིག་ལ་གཅིག་དྲིས་ནས་ཞེས་བྱ་བ་ནས་ཝ་བསད་དོ་ཞེས་བྱ་བའི་བར་རོ། །ཇི་ཙམ་ན་ལྷས་ཚིགས་སུ་བཅད་དེ་སྨྲས་པ། གཞན་གྱི་ཚིག་གིས་གྲོགས་པོ་མི་སྤང་སྟེ། །གཞན་གྱིས་སྨྲས་པ་དག་ནི་བརྟག་པར་བྱ། །དབྱེ་བར་འདོད་པ་རྣམས་ནི་གླགས་ཚོལ་བྱེད། །དེ་བས་སྐྱེ་བོ་ཕྲ་མ་ཡིད་མི་རྟོན། །གྲོགས་པོ་འབྱེད་པའི་ཕྲ་མ་ཅན། །{བརྫུན་,རྫུན་}དུ་སྨྲ་བའི་ཝ་སྐྱེས་པོ། །གྲོང་རྒྱུན་སྐྱེས་ཏེ་རོ་འདི་ནི། །བསད་ནས་བདེ་
བས་དགའ་བར་བྱེད། །དགེ་སློང་མ་དག་རེ་ཞིག་དུད་འགྲོའི་སྐྱེ་གནས་སུ་སོང་བའི་སྲོག་ཆགས་དེ་དག་ཀྱང་གཅིག་ལ་གཅིག་ཕྲ་མས་ཀུན་དུ་སྤྱད་པ་ན། སྡུག་བསྔལ་དང་ཡིད་མི་བདེ་བ་མང་པོ་གནས་པར་བྱེད་ན། བུད་མེད་ལྷག་པར་ཁྲོ་བ་ལྟ་སྨོས་ཀྱང་ཅི་དགོས།
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D5
- 德格版页
- 198b
- 显示
- 忠实保留藏文原典·未添加机器译文
研究边界
书目关系边界：BDRC WA0RK0005 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。