完整藏文原文 · 德格版页 当前仅加载第 9 函德格 162b 版页；藏文 NFD、目录标记与异常页序保留在来源切片中，重复版页行以稳定序号区分。
གཅིག་པ་དང་། དེ་བཞིན་དུ་ཁྲུ་ཉི་ཤུ་པ་དང་། ཁྲུ་ཉི་ཤུ་རྩ་གཅིག་པ་ཐོབ་པ་དང་། དེ་བཞིན་དུ་ཁྲུ་བཅུའི་བར་དུ་བསླང་ལ། རས་མ་ཐོབ་པ་དང་། རས་མ་བསླང་ལ། སྣམ་སྦྱར་གྱི་བར་དུ་ཐོབ་པ་ལ་ནི་ལྟུང་བ་མེད་དོ། །སྤང་བའི་ལྟུང་བྱེད་བཞི་པ་
D5.009.0162b01.01རྫོགས་{སྷོ,སོ}།། །།གླེང་གཞི་ནི་མཉན་ཡོད་ནའོ། །དེའི་ཚེ་མཉན་ཡོད་དུ་དགེ་སློང་མ་ཆོམ་རྐུན་པས་བཅོམ་པ་དག་ལྷགས་སོ། །དེ་ནས་བཅུ་གཉིས་སྡེ་དགའ་མོ་དང་། ཉེ་དགའ་མོ་དང་། སྦོམ་དགའ་མོ་རྣམས་ཀྱིས་དེ་དག་གི་ཆེད་དུ་བྲམ་ཟེ་དང་།
D5.009.0162b02.01ཁྱིམ་བདག་དག་གི་ཁྱིམ་རྣམས་སུ་དོང་ནས་གོས་རབ་ཏུ་མང་པོ་དག་བསྒྲུབས་ཏེ། བསྒྲུབས་ནས་འབུལ་དུ་འཇུག་པ་ན་དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་དགེ་སློང་མ་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་
D5.009.0162b03.01ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། དགེ་སློང་མ་གོས་ཕྲོགས་སམ། གོས་རླག་གམ། གོས་ཚིག་གམ། གོས་ཆུས་ཁྱེར་བར་གྱུར་ན་ཁྱིམ་བདག་གམ། ཁྱིམ་བདག་གི་ཆུང་མ་ཉེ་དུ་མ་ཡིན་པའི་དྲུང་དུ་སོང་ནས་གོས་
D5.009.0162b04.01བསླང་བར་བྱའོ། །གལ་ཏེ་དེ་ལ་བྲམ་ཟེ་དང་། ཁྱིམ་བདག་དད་པ་ཅན་གྱིས་གོས་རབ་ཏུ་མང་པོ་སྟོབས་ལ། འདོད་ན་དགེ་སློང་མ་དེས་གོས་དེ་ལས་བླ་གོས་དང་། མཐང་གོས་དང་བཅས་པའི་མཐར་ཐུག་པ་བླང་བར་བྱའོ། །དེ་ལས་ལྷག་པར་ལེན་ན་སྤང་
D5.009.0162b05.01བའི་ལྟུང་བྱེད་དོ། །གོས་ཕྲོགས་སམ་ཞེས་བྱ་བ་ནི་ཆོམ་རྐུན་ནམ། གཡོན་ཅན་གྱིས་དེའི་གོས་དག་ཕྲོགས་པར་གྱུར་པའོ། །སློང་ན་ཞེས་བྱ་བ་ནི་རང་ངམ་གཞན་གྱི་བར་གྱིས་སོ། །གལ་ཏེ་དེ་ལ་ཞེས་བྱ་བ་ནི་དགེ་སློང་མ་དེ་ལའོ། །དད་པ་ཅན་ཞེས་བྱ་
D5.009.0162b06.01བ་ནི་སངས་རྒྱས་ལ་མངོན་པར་དད་པ་དང་། ཆོས་དང་། དགེ་འདུན་ལ་དད་པ་དང་། བདེན་པ་མཐོང་བ་དང་། འབྲས་བུ་ཐོབ་པ་གང་དག་ཡིན་པའོ། །བྲམ་ཟེ་ཞེས་བྱ་བ་ནི་བྲམ་ཟེ་གཙང་སྦྲ་ཅན་ལ་སོགས་པའོ། །ཁྱིམ་བདག་ཅེས་བྱ་བ་ནི་དེ་ལས་རིགས་གཞན་པའོ། །
D5.009.0162b07.01