完整藏文原文 · 德格版页 当前仅加载第 9 函德格 100a 版页；藏文 NFD、目录标记与异常页序保留在来源切片中，重复版页行以稳定序号区分。
དང་ཞེས་བྱ་བ་ནས་སྐྱེད་པར་བྱེད་དོ་ཞེས་བྱ་བའི་བར་དུའོ། །མངག་གཞུག་མ་བུ་མོ་ཞིག་གིས་དེ་ཕྲག་པ་ལ་བླངས་ཏེ་སྲང་དུ་ཞུགས་པ་དང་། དེ་ན་བྲམ་ཟེ་མཚན་མཁན་ཞིག་གིས་མཐོང་ནས་འདི་སྐད་ཅེས་སྨྲས་སོ། །རྐང་གཉིས་པ་བསོད་ནམས་
D5.009.0100a01.01ཀྱི་ཞིང་ཡིན་ནོ་ཞེས་བྱ་བ་ནས་ཕ་ལས་བླངས་ཏེ་ཞེས་བྱ་བའི་བར་དང་། ཏིལ་མར་དྲི་ཞིམ་པོས་བྱུགས་ནས་ཞེས་བྱ་བ་ནས་མཆོད་པ་བྱས་ནས་ཕྱིར་ཁྱིམ་དུ་བསྐྱལ་ཏོ་ཞེས་བྱ་བའི་བར་དུའོ། །གང་གི་ཚེ་ཆེན་པོར་གྱུར་པ་དེའི་ཚེ་ཡི་གེ་དང་། རྩིས་སློབ་ཏུ་བཅུག་གོ་ཞེས་བྱ་བ་
D5.009.0100a02.01ནས་རྩིས་དང་། གཞན་དག་ལ་དེ་བློ་རྣོ་བ་དང་། བྱང་བར་གྱུར་ཏོ། །རྒྱལ་རིགས་རྣམས་ཀྱི་བཟོའི་གནས་དང་། ལས་ཀྱི་གནས་གང་དག་ཡིན་པ་འདི་ལྟ་སྟེ། གླང་པོ་ཆེའི་གཉའ་བར་ཞོན་པ་དང་། རྟ་ལ་ཞོན་པ་དང་། ཤིང་རྟའི་ཐབས་དང་། རལ་གྲིའི་
D5.009.0100a03.01ཐབས་དང་། འཕོང་ཐབས་དང་། ཕྱིར་བསྣུར་བ་དང་། མདུན་དུ་བསྣུར་བ་དང་། ལྕགས་ཀྱུས་བསྒྱུར་བའི་ཐབས་དང་། ཞགས་པ་གདབ་པ་དང་། རྡོ་རྗེ་རྩེ་གཅིག་པ་འཕང་བ་དང་། འཁོར་ལོ་འཕང་བའི་ཐབས་དང་། མདའ་བོ་ཆེ་འཕང་བའི་ཐབས་དང་། འཛིན་
D5.009.0100a04.01སྟངས་དང་། གོམ་སྟངས་དང་། ཐོར་ཚུགས་བཅིང་བ་དང་། བཅད་པ་དང་། གཏུབ་པ་དང་། དབུག་པ་དང་། དྲལ་བ་དང་། གཤེག་པ་དང་། རྒྱང་ནས་ཕོག་པ་དང་། སྒྲ་གྲག་པར་ཕོག་པ་དང་། གནད་དུ་སྣུན་པ་དང་། མི་འཆོར་བར་ཕོག་པ་དང་།
D5.009.0100a05.01ཚབས་ཆེར་ཕོག་པར་བྱ་བ་ལ་ཕ་རོལ་དུ་ཕྱིན་པར་གྱུར་ཏོ། །གནས་བཞི་རྣམས་དང་། འཕེན་པ་ལྔ་རྣམས་དང་། རིག་པའི་གནས་{བཅྭ་,བཅོ་}བརྒྱད་པོ་རྣམས་ལ་མཆོག་ཏུ་བློ་རྣོ་བ་དང་བྱང་བར་གྱུར་ཏོ། །ཕས་ཀྱང་དེའི་སྐྱེད་མོས་ཚལ་གསུམ་པོ་དགུན་གྱི་དང་། དཔྱིད་ཀྱི་
D5.009.0100a06.01དང་། དབྱར་གྱི་རྣམས་བྱེད་དུ་བཅུག་སྟེ། དགུན་གྱི་ནི་གཅིག་ཏུ་དྲོ་བའོ། །དཔྱིད་ཀྱི་ནི་གཅིག་ཏུ་བསིལ་བའོ། །དབྱར་གྱི་ནི་ཧ་ཅང་མི་དྲོ་ཧ་ཅང་མི་གྲང་བའོ། །ཆུང་མའི་འཁོར་གསུམ་པོ་ཆེན་མ་དང་། བར་མ་དང་། ཆུན་མ་ཡང་བཞག་གོ། །དེ་ཡང་
D5.009.0100a07.01