完整藏文原文 · 德格版页 当前仅加载第 9 函德格 42b 版页；藏文 NFD、目录标记与异常页序保留在来源切片中，重复版页行以稳定序号区分。
བྱུང་བ་དེ་ལྟ་བུ་རིག་ནས་སེར་སྐྱའི་བུ་མོ་བཟང་མོ་ལ་འདི་སྐད་ཅེས་སྨྲས་སོ། །སྲིང་མོ་མ་འཇིགས་ཤིག །བཅོམ་ལྡན་འདས་ཀྱི་བསྟན་པ་ནི་དྲི་ང་བ་མེད་པ་དང་། སྡིག་པ་མེད་པ་ཡིན་ནོ། །དེའི་ཉན་ཐོས་རྣམས་ནི་ལྷའི་འདོད་པ་རྣམས་ཀྱང་དོན་དུ་མི་གཉེར་ན་མི་
D5.009.0042b01.01རྣམས་ཀྱི་ལྟ་སྨོས་ཀྱང་ཅི་དགོས་པ་ཡིན་ནོ། །དེས་དེ་སྐྱེ་དགུའི་བདག་མོ་ཆེན་མོ་ལ་ཡོངས་སུ་གཏད་ནས་དེས་དེ་རབ་ཏུ་ཕྱུང་བསྙེན་པར་རྫོགས་པར་བྱས་སོ། །དེ་བསོད་སྙོམས་ཀྱི་ཕྱིར་ཞུགས་པ་ན། གཡོན་ཅན་དང་། འཕྱོན་མ་དང་། ཟོལ་པ་དག་
D5.009.0042b02.01གཟུགས་འདི་ལྟ་བུར་སྡུག་པ་འདི་ཡོངས་སུ་ལོངས་སྤྱོད་པ་མེད་པར་དགའ་བར་བྱེད་དོ་ཞེས་ཁ་ཟེར་རོ། །དེ་ནས་དུས་གཞན་ཞིག་ན་ཚེ་དང་ལྡན་པ་འོད་སྲུང་ཆེན་པོ་སྔ་དྲོ་ཤམ་ཐབས་བགོས་ཆོས་གོས་དང་། ལྷུང་བཟེད་ཐོགས་ཏེ་རྒྱལ་པོའི་ཁབ་ཏུ་བསོད་སྙོམས་ཀྱི་ཕྱིར་ཞུགས་
D5.009.0042b03.01སོ། །སེར་སྐྱའི་བུ་མོ་བཟང་མོ་ཡང་སྔ་དྲོ་ཤམ་ཐབས་བགོས་ཆོས་གོས་དང་ལྷུང་བཟེད་ཐོགས་ཏེ་རྒྱལ་པོའི་ཁབ་ཏུ་བསོད་སྙོམས་ཀྱི་ཕྱིར་ཞུགས་པ་དང་། ཚེ་དང་ལྡན་པ་འོད་སྲུང་ཆེན་པོས་སེར་སྐྱའི་བུ་མོ་བཟང་མོ་མཐོང་ངོ་། །མཐོང་ནས་ཀྱང་འདི་སྐད་ཅེས་སྨྲས་སོ། །སྲིང་
D5.009.0042b04.01མོ་ཅི་ཁྱོད་བཅོམ་ལྡན་འདས་ཀྱི་བསྟན་པ་ལ་མངོན་པར་དགའ་འམ། དེས་སྨྲས་པ། བདག་བཅོམ་ལྡན་འདས་ཀྱི་བསྟན་པ་ལ་མངོན་པར་དགའ་སྟེ་མངོན་པར་མི་དགའ་བ་མ་མཆིས་སོ། །འོན་ཀྱང་བདག་ནི་ལུག་ཚོན་པོ་དང་འདྲ་བར་གཟུགས་འདིས་གནོད་པར་
D5.009.0042b05.01བྱུང་སྟེ། གང་དང་གང་དུ་མཆི་བ་དེ་དང་དེ་ནས་སྐྱེ་བོ་དག་བདག་ལ་གཡར་མཆིའོ། །ཚེ་དང་ལྡན་པ་འོད་སྲུང་ཆེན་པོས་སྨྲས་པ། བསོད་སྙོམས་ཀྱི་ཕྱིར་ཉོན་མོངས་པར་མ་བྱེད་ཅིག །ངས་ཁྱོད་ལ་ཉི་མ་རེ་རེ་ཞིང་རང་གི་བསོད་སྙོམས་ལས་ཕྱེད་ཕྱེད་སྦྱིན་ནོ། །དེ་
D5.009.0042b06.01བསོད་སྙོམས་ལ་བརྒྱུས་ཏེ་ཕྱེད་ནི་བདག་ཉིད་ཀྱིས་སྤྱད། ཕྱེད་ནི་དེ་ལ་བྱིན་ནོ། །དེ་དེ་ལྟར་ཞུགས་པ་ན་དྲུག་སྡེ་རྣམས་འོད་སྲུང་ཆེན་པོ་འདི་ཁྱིམ་པར་གྱུར་པ་ན་བཟང་མོ་འདི་དང་ལྷན་ཅིག་ཁྱིམ་གཅིག་ན་ལོ་བཅུ་གཉིས་འདུག་ཀྱང་ལན་འགའ་ཡང་ཀུན་དུ་ཆགས་པའི་
D5.009.0042b07.01