完整藏文原文 · 德格版页 当前仅加载第 9 函德格 289a 版页；藏文 NFD、目录标记与异常页序保留在来源切片中，重复版页行以稳定序号区分。
དགའ་མོས་བུད་མེད་དེ་ལ་འདི་སྐད་ཅེས་སྨྲས་སོ། །ཕུ་ནུ་མོ་ཁྱོད་ཅིའི་ཕྱིར་རབ་ཏུ་མི་འབྱུང་། དེས་འདི་སྐད་ཅེས་སྨྲས་སོ། །བདག་ནི་ཤིན་དུ་གཏུམ་མོ་ལགས་ན་སུ་ཞིག་གིས་བདག་རབ་ཏུ་འབྱིན་པར་འགྱུར། དེ་ནས་སྦོམ་དགའ་མོས་འདི་སྐད་ཅེས་སྨྲས་སོ། །
D5.009.0289a01.01ཁོ་མོས་ཁྱོད་རབ་ཏུ་དབྱུང་ངོ་ཞེས་དེས་དེ་རབ་ཏུ་ཕྱུང་བསྙེན་པར་རྫོགས་པར་བྱས་སོ། །དེ་ནས་སྦོམ་དགའ་མོ་དུས་གཞན་ཞིག་ན་དགེ་སློང་མ་རྣམས་དང་ལྷན་ཅིག་འཐབ་མོ་བྱུང་བ་ན་དེའི་གྲོགས་མོ་དེ་ཡང་སེམས་ལས་བསྟུངས་ཏེ་ཅང་མི་སྨྲའོ། །དེ་ནས་སྦོམ་དགའ་མོས་
D5.009.0289a02.01དགེ་སློང་མ་དེ་ལ་འདི་སྐད་ཅེས་སྨྲས་སོ། །ཁོ་མོས་ཁྱོད་དོན་འདིའི་ཕྱིར་རབ་ཏུ་ཕྱུང་བསྙེན་པར་རྫོགས་པར་བྱས་ན། ད་ལྟར་ཁྱོད་བསམ་གཏན་བཞི་པ་ལ་སྙོམས་པར་ཞུགས་པ་བཞིན་དུ་འདུག་གམ། ཁྱོད་ཁོ་མོ་འཐབ་མོ་བྱུང་བའི་གྲོགས་གྱིས་ཤིག །དེས་འདི་སྐད་ཅེས་
D5.009.0289a03.01སྨྲས་སོ། །བདག་གིས་ཁྱིམ་པ་མོ་དེ་དག་གི་ཁ་ན་མ་ཐོ་བ་ནི་ཤེས་ཀྱི། བདག་གིས་དགེ་སློང་མ་འདི་དག་གི་ཁ་ན་མ་ཐོ་བ་ནི་མི་ཤེས་སོ། །སྦོམ་དགའ་མོས་འདི་སྐད་ཅེས་སྨྲས་སོ། །ཁོ་མོས་ཁྱོད་ལ་དེ་དག་གི་མཚང་བསྟན་གྱིས་རེ་ཞིག་སྐྱེ་དགུའི་བདག་མོ་ཆེན་མོ་འདི་ནི་རང་ཞུགས་
D5.009.0289a04.01ཡིན་ནོ། །ཨུཏྤ་ལའི་མདོག་འདི་ནི་གྲོང་ཁྱེར་ཆེན་པོ་དྲུག་དག་ཏུ་སྨད་འཚོང་བྱས་པ་ཡིན་ནོ། །གཽ་ཏ་མཱི་སྐེམ་མོ་འདི་ནི་བུའི་ཤ་ཟོས་པ་དང་། དུར་དུ་བཅུག་པ་སེམས་འཁྲུགས་པ་ཡིན་ནོ། །དེ་ནས་དུས་གཞན་ཞིག་ན་དགེ་སློང་མ་རྣམས་དང་འཐབ་མོ་བྱུང་བ་ན་དགེ་སློང་མ་
D5.009.0289a05.01ཤིན་ཏུ་གཏུམ་མོ་དེས་དགེ་སློང་མ་རྣམས་ལ་ཁ་ན་མ་ཐོ་བ་རབ་ཏུ་བསྒྲགས་པས་སྤྱོ་བར་བརྩམས་སོ། །དེ་ནས་སྐྱེ་དགུའི་བདག་མོ་ཆེན་མོས་དགེ་སློང་མ་ཤིན་ཏུ་གཏུམ་མོ་དེ་མཐོང་ནས་འདི་སྐད་ཅེས་སྨྲས་སོ། །ཤིན་ཏུ་གཏུམ་མོ་འདི་སུས་རབ་ཏུ་ཕྱུང་དེ་དག་གིས་འདི་སྐད་ཅེས་
D5.009.0289a06.01སྦོམ་དགའ་མོ་ལགས་སོ་ཞེས་སྨྲས་པའི་སྐབས་དེ་དགེ་སློང་མ་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་ཤེས་བཞིན་དུ་བུད་མེད་གཏུམ་མོ་
D5.009.0289a07.01