完整藏文原文 · 德格版页 当前仅加载第 9 函德格 43a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཀྱང་མ་བསྐྱེད་དོ་ཞེས་ཐོས་ན་ད་ལྟར་ནི་དེ་ལ་བསོད་སྙོམས་ཕྱེད་སྦྱིན་པར་བྱེད་དོ་ཞེས་འཕྱ་བར་གྱུར་ཏོ། །དེ་ནས་ཚེ་དང་ལྡན་པ་འོད་སྲུང་ཆེན་པོས་སེར་སྐྱའི་བུ་མོ་བཟང་མོ་ལ་ཡིད་ལ་བྱ་བ་བསྒོ་བ་དང་། དེས་བརྩོན་པ་དང་འབད་པ་དང་། བརྩལ་བ་
D5.009.0043a01.01བྱས་པས་ཉོན་མོངས་པ་ཐམས་ཅད་སྤངས་ཏེ་དགྲ་བཅོམ་པ་ཉིད་མངོན་སུམ་དུ་བྱས་སོ། །རེ་ཞིག་ན་ཚེ་དང་ལྡན་པ་འོད་སྲུང་ཆེན་པོས་དགེ་སློང་དག་འཕྱ་བར་ཐོས་སོ། །ཐོས་ནས་སེར་སྐྱའི་བུ་མོ་བཟང་མོ་ལ་འདི་སྐད་ཅེས་སྨྲས་སོ། །སྲིང་མོ་དགེ་བའི་བཤེས་གཉེན་གྱིས་བྱ་བ་
D5.009.0043a02.01གང་ཡིན་པ་དེ་ངས་བྱས་ཟིན་ལ་{རི་དགས་,རི་དྭགས་}ཀྱིས་{རི་དགས་,རི་དྭགས་}མི་གསོས་ཀྱིས། ད་ནི་རང་གི་སྤྱོད་ཡུལ་སངས་རྒྱས་ཀྱིས་གནང་བ་ཕའི་ཡུལ་དུ་སྦྱངས་པའི་ཡོན་ཏན་བསོད་སྙོམས་རྗེས་སུ་སྤེལ་ཅིག་ཅེས་དེ་སྐད་རྗེས་སུ་བསྟན་ནས་ཚེ་དང་ལྡན་པ་འོད་སྲུང་ཆེན་པོས་བཏང་སྙོམས་སྒོམ་པར་བྱེད་དོ། །
D5.009.0043a03.01དེའི་ཚེ་མ་སྐྱེས་དགྲས་མི་དགེ་བའི་གྲོགས་པོ་ལྷས་བྱིན་ལ་བརྟེན་ནས་ཕ་ཆོས་དང་ལྡན་པ་ཆོས་ཀྱི་རྒྱལ་པོ་སྲོག་དང་ཕྲལ་ཏེ་ཕའི་རྒྱལ་སྲིད་ཀྱི་དབང་ཕྱུག་ལ་དབང་བྱ་བའི་ཕྱིར་འདུག་གོ། །འདུག་མ་ཐག་ཏུ་ཡིད་ལ་གཅགས་པར་གྱུར་ནས་དེ་ཡང་མྱ་ངན་གྱི་ཁང་པར་ཞུགས་སོ། །དེའི་
D5.009.0043a04.01མྱ་ངན་ཐབས་དུ་མས་ཀྱང་བསང་བར་མ་ནུས་ནས་བློན་པོ་རྣམས་ཀྱིས་བསམས་པ། གྲོང་ཁྱེར་ཆེན་པོ་དྲུག་པོ་དག་ན་གར་མཁན་དང་། ཟློས་གར་མཁན་དང་། བཞད་གད་མཁན་དང་། ཤིང་འཛེགས་མཁན་དང་། རོལ་མོ་མཁན་གྱི་བྱེ་བྲག་ཇི་སྙེད་ཡོད་པ་
D5.009.0043a05.01ཐམས་ཅད་བསྡུ་བར་བྱའོ་སྙམ་ནས་དེ་རྣམས་ཀྱིས་དེ་བཞིན་བྱས་སོ། །དེ་ནས་རྒྱལ་པོ་མ་སྐྱེས་དགྲའི་མདུན་དུ་རོལ་མོ་མཁན་གྱི་ཁྱད་པར་དུ་མས་པི་ཝང་དང་། གླིང་བུ་དང་། རྫ་རྔ་དང་། ཁར་རྔ་དང་། ལྕགས་ཀྱི་སིལ་ཁྲོལ་དང་། སྒྲ་སྙན་ལ་སོགས་པ་རོལ་མོའི་སྒྲ་
D5.009.0043a06.01དག་བྱེད། གླུ་དག་ལེན། གར་དག་བྱེད། རྒྱུག་པར་བྱེད། མཆོང་བར་བྱེད་དོ། །དེ་ལྟར་བྱས་ཀྱང་རྒྱལ་པོ་མ་སྐྱེས་དགྲའི་མྱ་ངན་བསང་བར་མ་ནུས་སོ། །དེ་ནས་དུས་གཞན་ཞིག་ན་སེར་སྐྱའི་བུ་མོ་བཟང་མོ་སྔ་དྲོ་ཤམ་ཐབས་བགོས་ཆོས་གོས་དང་ལྷུང་བཟེད་ཐོགས་
D5.009.0043a07.01