完整藏文原文 · 德格版页 当前仅加载第 9 函德格 161a 版页；藏文 NFD、目录标记与异常页序保留在来源切片中，重复版页行以稳定序号区分。
དང་ལྔ་པར་བྱས་ཏེ་བཅང་བར་བྱའོ། །དེ་བཞིན་དུ་གླན་པར་བྱའོ། །དེ་ཡན་ཆད་ནི་ཚེམ་བུའོ། །བཅོམ་ལྡན་འདས་ཆོས་གོས་ཀྱི་ཚད་ཇི་ཙམ་ལགས། ཉེ་བ་འཁོར་གསུམ་སྟེ། ཆོས་གོས་ཆེན་པོ་དང་། འབྲིང་དང་། ཆུང་ངུའོ། །དེ་ལ་
D5.009.0161a01.01སྣམ་སྦྱར་ཆེན་པོ་གང་ཡིན་པའི་སྲིད་དུ་ནི་ཁྲུ་ལྔའོ། །ཞེང་དུ་ནི་ཁྲུ་གསུམ་མོ། །སྣམ་སྦྱར་ཆུང་ངུ་གང་ཡིན་པའི་སྲིད་དུ་ནི་ཁྲུ་ཕྱེད་དང་ལྔའོ། །ཞེང་དུ་ནི་ཁྲུ་ཕྱེད་དང་གསུམ་མོ། །འབྲིང་ནི་དེའི་བར་མའོ། །དེ་བཞིན་དུ་བླ་གོས་ལ་ཡང་རྣམ་པ་གསུམ་མོ། །མཐང་
D5.009.0161a02.01གོས་ལ་ཡང་རྣམ་པ་གསུམ་མོ། །དེ་བཞིན་དུ་རྔུལ་གཟན་དང་། ཤི་ང་དཔུང་ཆད་ལ་ཡང་རྣམ་པ་གསུམ་མོ། །གཞན་ཡང་མཐང་གོས་ཀྱི་སྲིད་དུ་ནི་ཁྲུ་ལྔའོ། །ཞེང་དུ་ནི་ཁྲུ་དོའོ། །གཞན་ཡང་མཐང་གོས་ཀྱི་སྲིད་དུ་ནི་ཁྲུ་བཞིའོ། །ཞེང་དུ་ནི་ཁྲུ་དོའོ། །མཐང་
D5.009.0161a03.01གོས་ཀྱི་ཐ་མ་ནི་ཁོར་གསུམ་ཁེབས་པའི་ཚད་དོ། །སྤང་བ་རྣམས་ཀྱི་ཐ་མ་ནི་ཁྲུ་གང་ཁོར་ཡུག་གོ། །དགེ་སློང་མས་གོས་སྤང་བར་གྱུར་པ་ཞེས་བྱ་བ་ནས། དང་པོ་ཇི་ལྟ་བ་བཞིན་དུ་སྤང་བའི་ལྟུང་བྱེད་དོ་ཞེས་བྱ་བའི་བར་རོ། །སྤང་བའི་ལྟུང་བྱེད་གསུམ་པ་
D5.009.0161a04.01རྫོགས་{སྷོ,སོ}།། །།སངས་རྒྱས་བཅོམ་ལྡན་འདས་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །གང་གི་ཚེ་བཅོམ་ལྡན་འདས་ཀྱིས་ཉེ་དགའ་ལས་བརྟེན་ཏེ་མགོན་མེད་ཟས་སྦྱིན་གྱིས་གསོལ་ནས་ཉེ་དུ་མ་ཡིན་པ་ལས་བསླབ་
D5.009.0161a05.01པའི་གཞི་བཅའ་བ་མཛད་པ་དང་། དགེ་སློང་དག་ཆོམ་རྐུན་པས་བཏོགས་ནས། དགེ་སློང་ཆོམ་རྐུན་པས་བཏོགས་པ་ལས་བརྟེན་ཏེ། བཅོམ་ལྡན་འདས་ཀྱིས་རྗེས་སུ་གནང་ངོ་ཞེས། དགེ་སློང་མ་གནས་བརྟན་གནས་བརྟན་རབ་ཏུ་མང་པོས་ཐོས་ནས་བཅོམ་ལྡན་
D5.009.0161a06.01འདས་གང་ན་བ་དེར་དོང་སྟེ་ལྷགས་པ་དང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་བཅོམ་ལྡན་འདས་ལ་དགེ་སློང་མ་གནས་བརྟན་གནས་བརྟན་རབ་ཏུ་མང་པོས་འདི་སྐད་ཅེས་གསོལ་ཏོ། །
D5.009.0161a07.01