完整藏文原文 · 德格版页 当前仅加载第 9 函德格 71b 版页；藏文 NFD、目录标记与异常页序保留在来源切片中，重复版页行以稳定序号区分。
བྱ་བ་ནས། འདིས་ལས་བྱས་ཤིང་ཤེས་བྱ་བ་དང་། ཆུང་མ་ཆུན་མར་གྱུར་ཅིང་ཁྱོ་ཤི་བར་གྱུར་ནས་ཁྱིམ་ནས་བྱུང་སྟེ། བཅོམ་ལྡན་འདས་འོད་སྲུང་གི་གསུང་རབ་ལ་ཁྱིམ་མེད་པར་རབ་ཏུ་བྱུང་ནས་དེར་འདིས་ལོ་སྟོང་ཕྲག་བཅུའི་བར་དུ་ཚངས་པར་སྤྱོད་པ་ལ་གནས་
D5.009.0071b01.01ཤིང་ཡོངས་སུ་བསྲུངས་ཏེ། ཕུང་པོ་དང་། ཁམས་དང་། སྐྱེ་མཆེད་ལ་མཁས་པ་དང་། གནས་དང་གནས་མ་ཡིན་པ་ལ་མཁས་པ་དང་། རྟེན་ཅིང་འབྲེལ་པར་འབྱུང་བ་ལ་མཁས་པར་གྱུར་ཀྱང་ཡེ་ཤེས་མཐར་ཐུག་པར་ཁོང་དུ་ཆུད་པར་མ་གྱུར་མོད་ཀྱི་འོན་ཀྱང་
D5.009.0071b02.01དེའི་ཚེ་སྨོན་ལམ་བཏབ་པ། བཅོམ་ལྡན་འདས་འོད་སྲུང་གིས་བྲམ་ཟེའི་ཁྱེའུ་བླ་མ་རྫོགས་པའི་བྱང་ཆུབ་ཏུ་ལུང་བསྟན་པ་དེ་བདག་གིས་མཉེས་པར་བྱེད་ཀྱི་མི་མཉེས་པར་བྱེད་པར་མ་གྱུར་ཅིག་ཅེས་བྱས་པས་འདིས་ང་མཉེས་པར་བྱས་ཏེ། མི་མཉེས་པར་མ་བྱས་ལ་ཚངས་པར་སྤྱོད་
D5.009.0071b03.01པ་གང་ཡིན་པ་ལ་གནས་ཤིང་དེ་ཡོངས་སུ་བསྐྱངས་པའི་ལས་དེའི་རྣམ་པར་སྨིན་པས་དགྲ་བཅོམ་པ་ཉིད་ཐོབ་པར་གྱུར་ཏོ། །གསུང་རབ་དེ་ལ་ཡང་དགེ་སློང་མ་གང་གི་དྲུང་དུ་རབ་ཏུ་འབྱུང་བར་བྱེད་པ་དེ་བཅོམ་ལྡན་འདས་འོད་སྲུང་གིས་དེ་མངོན་པར་ཤེས་པ་མྱུར་བ་རྣམས་ཀྱི་མཆོག་ཏུ་
D5.009.0071b04.01བསྟན་པ་དེའི་ཚེ་ཡང་འདིས་སྨོན་ལམ་བཏབ་པ། བཅོམ་ལྡན་འདས་འོད་སྲུང་གིས་བདག་གི་མཁན་པོ་མངོན་པར་ཤེས་པ་མྱུར་བའི་མཆོག་ཏུ་བསྟན་པ་ཇི་ལྟ་བ་དེ་བཞིན་དུ། བྲམ་ཟེའི་ཁྱེའུ་བླ་མ་རྫོགས་པར་བྱང་ཆུབ་པར་ཐོབ་པ་ན་བདག་ཀྱང་མངོན་པར་ཤེས་པ་མྱུར་བའི་མཆོག་ཏུ་
D5.009.0071b05.01བསྟན་པར་ཤོག་ཤིག་ཅེས་བྱ་བ་ནས། དགེ་སློང་དག་དེ་ལྟར་བསླབ་པར་བྱའོ། །ཞེས་བྱ་བའི་བར་དུའོ། །ཡང་དགེ་སློང་རྣམས་ཐེ་ཚོམ་སྐྱེས་ཏེ་ཞེས་བྱ་བ་ནས་ཚེ་དང་ལྡན་པ་འོད་སྲུང་ཆེན་པོས་ལས་ཅི་ཞིག་བགྱིས་ཤིང་བསགས་ན། འདི་ལྟར་ལས་ཀྱི་རྣམ་པར་སྨིན་པས་
D5.009.0071b06.01ནོར་མང་བ་དང་། ལོངས་སྤྱོད་ཆེ་བའི་ཁྱིམ་དུ་སྐྱེས་ཤིང་། དེའི་འབྱོར་པ་འདི་ལྟར་ལས་ཀྱི་མཐའ་པའི་གྲོང་སུམ་བཅུ་དང་ཞེས་བྱ་བ་ནས། གསེར་གྱི་ནས་ཀྱིས་གང་བའི་སྦྱང་བ་བརྒྱད་བཅུ་དང་། རྨོན་པ་དོར་དགུ་བརྒྱ་དགུ་བཅུ་རྩ་དགུ་ཞེས་བྱ་བའི་བར་དུའོ། །དགེ་སློང་
D5.009.0071b07.01