完整藏文原文 · 德格版页 当前仅加载第 9 函德格 122b 版页；藏文 NFD、目录标记与异常页序保留在来源切片中，重复版页行以稳定序号区分。
ཅེས་ཕུ་ནུ་མོ་གལ་ཏེ་བུ་ཟན་མའི་བུ་རྣམས་འོངས་ན་ལྷུང་བཟེད་ནག་པོས་སོ་གཅག་གིས་རྟོན་ཅིག་ཅེས་སྨྲས་སོ། །དེས་འདི་སྙམ་དུ་བཅུ་གཉིས་སྡེ་ཁ་བྱ་འདི་དག་གིས་ནི་ནོན་མི་ནུས་སོ་སྙམ་དུ་བསམས་ནས་དེ་སྐྱེ་དགུའི་བདག་མོ་ཆེན་མོ་གཽ་ཏ་མཱི་ལ་སྐྱབས་སུ་སོང་བ་དང་། དེས་
D5.009.0122b01.01སྨྲས་པ། འདི་ལྟར་ཕས་ཡོངས་སུ་བཏང་བ། མས་ཡོངས་སུ་བཏང་བ། དམག་མིས་ཡོངས་སུ་བཏང་བ། རྒྱལ་པོས་ཡོངས་སུ་བསྒོ་བ། ཁྱིམ་ཐབ་ཀྱིས་སྤངས་པ་ཁྱོད་སུས་རབ་ཏུ་ཕྱུང་ཞེས་བྱ་བ་ནས་བཙུན་མོ་ཕྲེང་ལྡན་མ་ལ་སྐྱབས་སུ་སོང་བའི་བར་དུའོ། །དེ་
D5.009.0122b02.01ནས་བཙུན་མོ་ཕྲེང་ལྡན་མས་དཔོག་བྱེད་ཀྱི་བུ་མོ་སྡེ་ཅན་མའི་ཕྱིར་རྒྱལ་པོ་ལ་གསོལ་བ་བཏབ་པ་དང་། རྒྱལ་པོས་ཀྱང་ཁས་བླངས་སོ། །དེ་ནས་རྒྱལ་པོ་དམག་མི་ག་ལ་བ་དེར་སོང་སྟེ་ཕྱིན་ནས་འདི་སྐད་ཅེས་སྨྲས་སོ། །དཔོག་བྱེད་ཀྱི་བུ་མོ་སྡེ་ཅན་མ་འདི་ནི་སངས་རྒྱས་ལ་
D5.009.0122b03.01སྐྱབས་སུ་སོང་བ། ཆོས་ལ་སྐྱབས་སུ་སོང་བ། དགེ་འདུན་ལ་སྐྱབས་སུ་སོང་བ། ང་ལ་སྐྱབས་སུ་འོངས་པ། ཁྱེད་ཅག་ལ་སྐྱབས་སུ་སོང་བ་ཡིན་གྱིས་མ་གསོད་ཅིག་དེ་དག་གིས་སྨྲས་པ། ལྷ་ཅི་ཁྲིམས་དྲལ་བར་བགྱིའམ། དེས་འདི་སྐད་ཅེས་ག་ལ་དྲལ་གྱི་
D5.009.0122b04.01སྟེང་དུ་ལེགས་པར་རབ་ཏུ་བསྲུང་མོད་ཀྱིས་འོན་ཀྱང་འདིའི་ཕྱིར་མཆོག་ཞིག་སྦྱིན་པར་བྱའོ་ཞེས་སྨྲས་པའི་སྐབས་དེ་དགེ་སློང་མ་རྣམས་ཀྱིས་དགེ་སློང་དག་ལ་སྨྲས་སོ། །དགེ་སློང་རྣམས་ཀྱིས་ཀྱང་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་
D5.009.0122b05.01འདི་དང་། གླེང་གཞི་འདི་དང་། དངོས་པོ་འདི་དང་། སྐབས་འདི་ལ་ཞེས་བྱ་བ་ནས་བསླབ་པ་བཅས་པའི་བར་དུའོ། །ཡང་དགེ་སློང་མ་གང་བུད་མེད་གང་ཞིག་རྒྱལ་པོས་བསྒོ་བ། ཁྱིམ་ཐབ་ཀྱིས་སྤངས་པ། ཕ་མས་ཡོངས་སུ་བཏང་བ། དམག་མི་རྣམས་ལ་
D5.009.0122b06.01སོད་ཅིག་ཅེས་བསྒོ་བར་ཤེས་བཞིན་དུ་འཁོར་དུ་འཇོག་པར་བྱེད་ན་ཆོས་འདི་ཡང་དང་པོ་ཉིད་ཀྱིས་ལྟུང་བར་འགྱུར་ལ། ངེས་པར་འབྱུང་བ་དང་བཅས་པ་སྟེ་དགེ་འདུན་ལྷག་མར་འགྱུར་རོ། །ཡང་དགེ་སློང་མ་གང་ཞེས་བྱ་བ་ནི་འཕྱར་མོའོ། །བུད་མེད་གང་ཞིག་ཅེས་བྱ་བ་ནི་
D5.009.0122b07.01