完整藏文原文 · 德格版页 当前仅加载第 9 函德格 242a 版页；藏文 NFD、目录标记与异常页序保留在来源切片中，重复版页行以稳定序号区分。
རོ། །དེ་གཉིས་ལ་དགེ་འདུན་གྱིས་གསོལ་བ་དང་བཞིའི་ལས་ཀྱིས་བསྒོ་སྟེ། དེ་གཉིས་ལ་གསོལ་བ་དང་བཞིའི་ལས་ཀྱིས་བསྒོ་བ་ན་ཞེས་བྱ་བ་ནས། འདི་ཉིད་བདེན་གྱི་གཞན་ནི་གཏི་མུག་གོ་ཞེས་བྱ་བའི་བར་དུ་མཆིས་ལགས་ཀྱིས། གལ་ཏེ་
D5.009.0242a01.01འཕགས་མའི་དགེ་འདུན་གྱི་དུས་ལ་བབ་ཅིང་བཟོད་ན་འཕགས་མའི་དགེ་འདུན་གྱིས་གནང་བར་མཛོད་ཅིག་དང་། འདི་ལྟར་འཕགས་མའི་དགེ་འདུན་གྱིས་དགེ་ཚུལ་མ་མཛེས་མ་དང་། རྒྱལ་མ་འདི་གཉིས་ལ་ཕུ་ནུ་མོ་དག་ཁྱེད་ཅག་དེང་ཕན་ཆད་བཅོམ་ལྡན་འདས་དེ་
D5.009.0242a02.01བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་ལ་སྟོན་པའོ་ཞེས་མ་ཟེར་ཅིག །ཚངས་པ་མཚུངས་པར་སྤྱོད་པ་མཁས་པ་བླ་མའི་གནས་ལྟ་བུ་གང་ཡང་རུང་བའི་ཕྱི་བཞིན་དུ་ཡང་མ་འགྲོ་ཤིག །དགེ་ཚུལ་མ་གཞན་དག་དགེ་སློང་མ་རྣམས་དང་ལྷན་
D5.009.0242a03.01ཅིག་ནུབ་གཉིས་ཚུན་ཆད་གནས་གཅིག་ཏུ་ཉལ་བར་གནང་བ་གང་ཡིན་པ་དེ་ཡང་དེང་ཕྱིན་ཆད་ཁྱེད་ལ་མེད་ཀྱིས། བུད་མེད་གཏི་མུག་ཅན་ཁྱོད་གཉིས་གཞན་དུ་དེང་ཤིག་ཅེས་བསྙིལ་བའི་ལས་མཛད་དོ། །འདི་ནི་གསོལ་བའོ། །དེའི་འོག་ཏུ་དེ་གཉིས་ལ་བསྙིལ་བའི་
D5.009.0242a04.01གསོལ་བ་མཛད་ཟིན་གྱིས་སྡིག་པ་ཅན་གྱི་ལྟ་བ་དེ་ཐོང་ཤིག་ཅེས་བསྒོ་བར་བྱའོ། །གལ་ཏེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་དེའི་འོག་ཏུ་ལས་བྱའོ། །བྱ་བ་ནི་འདི་ལྟ་བུ་ཡིན་ཏེ། འཕགས་མའི་དགེ་འདུན་ཕུ་ནུ་མོ་དག་བདག་ལ་གསན་དུ་གསོལ། དགེ་
D5.009.0242a05.01ཚུལ་མ་མཛེས་མ་དང་། རྒྱལ་མ་འདི་གཉིས་ལ་སྡིག་པ་ཅན་གྱི་ལྟ་བའི་རྣམ་པར་སོང་བ་འདི་ལྟ་བུ་འདི་བྱུང་སྟེ། ཇི་ལྟར་བཅོམ་ལྡན་འདས་ཀྱིས་འདོད་པ་དག་ནི་བར་དུ་གཅོད་པ་ཡིན་ནོ་ཞེས་གསུངས་པ་གང་ཡིན་པ་དེ་ལ་སོ་སོར་བསྟེན་ཀྱང་བར་དུ་གཅོད་པར་མི་འགྱུར་
D5.009.0242a06.01བ་དེ་ལྟར་ཁོ་མོ་ཅག་གིས་བཅོམ་ལྡན་འདས་ཀྱིས་ཆོས་བསྟན་པ་ཤེས་སོ་ཞེས་མཆི་ནས། དགེ་ཚུལ་མ་མཛེས་མ་དང་། རྒྱལ་མ་དེ་གཉིས་ལ་དགེ་སློང་མ་རབ་ཏུ་མང་པོས་བཞམས་ནས་བསྒོ་སྟེ། དེ་གཉིས་ལ་བཞམས་ནས་བསྒོ་བ་ན་ཞེས་བྱ་བ་ནས་འདི་ཉིད་བདེན་
D5.009.0242a07.01