完整藏文原文 · 德格版页 当前仅加载第 9 函德格 189a 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་ཀྱིས་སྨད་པར་མཛད་དེ། དགེ་སློང་མ་དག་བུད་མེད་ནི་ལེགས་པར་སྦས་ཀྱང་མཛེས་པ་མ་ཡིན་ན། མ་སྦས་ན་ལྟ་སྨོས་ཀྱང་ཅི་དགོས་ཞེས་རྣམ་གྲངས་དུ་མས་རྣམ་པར་སྨད་ནས་དགེ་སློང་མ་རྣམས་ལ་བཀའ་སྩལ་པ། དགེ་སློང་
D5.009.0189a01.01མ་དག་ངས་ཕན་ཡོན་བཅུ་ཡང་དག་པར་རྗེས་སུ་གཟིགས་ནས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བ་མཛད་དེ། འདི་ལྟ་སྟེ། དགེ་འདུན་ཡང་དག་པར་བསྡུ་བའི་ཕྱིར་དང་། ཞེས་བྱ་བ་ནས་ལྷ་དང་མིའི་བར་ལ་ཡང་དག་པར་ལེགས་པར་རབ་ཏུ་བཤད་
D5.009.0189a02.01པར་འགྱུར་བའི་བར་རོ། །ཡང་ངའི་ཉན་ཐོས་མ་རྣམས་ཀྱིས་འདུལ་བ་ལ་བསླབ་པའི་གཞི་འདི་སྐད་ཅེས་གདོན་པར་བྱ་སྟེ། ཡང་དགེ་སློང་མ་གང་ཡང་ལ་རིན་ཆེ་བའི་གོས་གྱོན་ན་སྤང་བའི་ལྟུང་བྱེད་དོ། །ཡང་དགེ་སློང་མ་གང་ཞེས་བྱ་བ་ནི་གཙུག་དགའ་མོའོ། །
D5.009.0189a03.01གོས་ཡང་ལ་ཞེས་བྱ་བ་ནི་སེང་རས་སོ། །རིན་ཆེ་བ་ཞེས་བྱ་བ་ནི་ཀཱར་ཥཱ་པ་ཎ་ཉི་ཤུ་རི་བའམ། ཀཱར་ཥཱ་པ་ཎ་ཉི་ཤུ་རྩ་ལྔ་རི་བའོ། །སྤང་བའི་ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མ་སེང་རས་གྱོན་ན་སྤང་བའི་
D5.009.0189a04.01ལྟུང་བྱེད་དོ། །སྣ་ཚོགས་སུ་བཀྲ་བ་གྱོན་ནམ། སྲབ་མོ་གྱོན་ན་ཐམས་ཅད་དུ་སྤང་བའི་ལྟུང་བྱེད་དུ་འགྱུར་རོ། །ལས་དང་པོ་པ་ལ་སོགས་པ་ལ་ནི་ལྟུང་བ་མེད་དོ། །སྤང་བའི་ལྟུང་བྱེད་སུམ་བཅུ་གསུམ་པ་རྫོགས་སོ། །དགེ་སློང་མའི་འདུལ་བ་རྣམ་པར་འབྱེད་
D5.009.0189a05.01པ་ལས་སྤང་བའི་ལྟུང་བྱེད་རྣམས་རྫོགས་{སྷོ,སོ}།། །།དགེ་སློང་མའི་འདུལ་བ་རྣམ་པར་འབྱེད་པ། བམ་པོ་{བཅྭ་,བཅོ་}ལྔ་པ། ད་ནི་ལྟུང་བྱེད་རྣམས་སྨྲ་བར་བྱ་སྟེ། བསྡུས་པའི་སྡོམ་ནི། ཤེས་བཞིན་དང་ནི་ས་བོན་དང་། །དེ་བཞིན་ཁུར་བ་ཉིད་དང་ནི། །
D5.009.0189a06.01ཐལ་མོ་རྡེབས་དང་ཆེད་བསམས་དང་། །རྐུན་མ་བང་ཆེན་ཉིད་དང་ངོ་། །སྡོམ་ནི། ཤེས་བཞིན་དང་ནི་སྐྱོན་ནས་འདྲུ། །ཕྲ་མ་དང་ནི་སྐྱོ་སྔོགས་དང་། །སྐྱེས་པ་ལ་སྟོན་ཆོས་དང་ནི། །ཡིད་འོང་བསླབ་པ་ཁྱད་གསོད་པའོ། །སངས་རྒྱས་བཅོམ་ལྡན་འདས་
D5.009.0189a07.01