完整藏文原文 · 德格版页 当前仅加载第 9 函德格 41a 版页；藏文 NFD、目录标记与异常页序保留在来源切片中，重复版页行以稳定序号区分。
ཆུབ་ཀྱི་ཡན་ལག་བདུན་བསྒོམ་པར་བྱ། རྣམ་པར་ཐར་པ་བརྒྱད་ལུས་ཀྱིས་མངོན་སུམ་དུ་བྱས་ཏེ་རྫོགས་པར་བྱས་ནས་གནས་པར་བྱའོ། །བདག་གི་སྟོན་པ་དང་ཚངས་པ་མཚུངས་པར་སྤྱོད་པ་མཁས་པ་རྣམས་ལ་ངོ་ཚ་ཤེས་པ་དང་། ཁྲེལ་ཡོད་
D5.009.0041a01.01པ་ཤས་ཆེར་ཉེ་བར་གནས་པར་འགྱུར་བ་དང་། རྟག་ཏུ་བདག་གི་ལུས་ལ་དྲན་པ་དང་ལྡན་ཞིང་མི་གཏོང་བ་དང་། བྲལ་བར་མ་གྱུར་པར་ལུས་ལ་གནས་པར་འགྱུར་བ་དེ་ལྟར་འོད་སྲུང་ཁྱོད་ཀྱིས་བསླབ་པར་བྱའོ། །དེ་ནས་བཅོམ་ལྡན་འདས་ཀྱིས་འོད་སྲུང་ལ་ཡང་དག་
D5.009.0041a02.01པར་བསྟན། ཡང་དག་པར་ལེན་དུ་བཅུག །ཡང་དག་པར་གཟེངས་བསྟོད། ཡང་དག་པར་རབ་ཏུ་མགུ་བར་མཛད་ནས་གདན་ལས་བཞེངས་ཏེ་གཤེགས་སོ། །དེ་ནས་ཚེ་དང་ལྡན་པ་འོད་སྲུང་བཅོམ་ལྡན་འདས་ཀྱི་ཞབས་འབྲིང་དུ་འབྲང་ཞིང་བཅོམ་ལྡན་འདས་གནས་
D5.009.0041a03.01གང་དུ་བཞུགས་པ་དེར་བདག་གིས་རས་ཡུག་ཆེན་གྱི་སྣམ་སྦྱར་སྟོང་ཕྲག་བརྒྱ་རི་བ་བལྟ་བ་སྟེ། གདན་དུ་གདིང་བར་བྱའོ་སྙམ་དུ་སེམས་སོ། །དེ་ནས་བཅོམ་ལྡན་འདས་ཀྱིས་དགེ་སློང་འོད་སྲུང་གི་སེམས་ཀྱི་ཀུན་དུ་རྟོག་པ་ཐུགས་ཀྱིས་མཁྱེན་ནས་ལམ་བོར་ཏེ་ཕྱོགས་གཅིག་
D5.009.0041a04.01ཏུ་བཞུགས་སོ། །དེ་ནས་ཚེ་དང་ལྡན་པ་འོད་སྲུང་གིས་མྱུར་བ་མྱུར་བ་ཁོ་ནར་རས་ཡུག་ཆེན་གྱི་སྣམ་སྦྱར་སྟོང་ཕྲག་བརྒྱ་རི་བ་བལྟ་བ་སྟེ། བཅོམ་ལྡན་འདས་ཀྱི་ཆེད་དུ་གདན་བཤམས་སོ། །འདི་སྐད་ཅེས་ཀྱང་གསོལ་ཏོ། །བཅོམ་ལྡན་འདས་ཐུགས་བརྩེ་བའི་
D5.009.0041a05.01སླད་དུ་གདན་བཤམས་པ་ལ་བཞུགས་སུ་གསོལ། བདེ་བར་གཤེགས་པ་གདན་བཤམས་པ་ལ་བཞུགས་སུ་གསོལ། དེ་ནས་བདག་ལ་ཡུན་རིང་པོའི་དོན་དང་། ཕན་པ་དང་། བདེ་བར་འགྱུར་ལགས་སོ། །བཅོམ་ལྡན་འདས་གདན་བཤམས་པ་ལ་
D5.009.0041a06.01བཞུགས་ཏེ། བཞུགས་ནས་ཚེ་དང་ལྡན་པ་འོད་སྲུང་ལ་བཀའ་སྩལ་པ། འོད་སྲུང་ཁྱོད་ཀྱི་རས་ཡུག་ཆེན་གྱི་སྣམ་སྦྱར་ཡང་ངོ་། །འོད་སྲུང་ཁྱོད་ཀྱི་རས་ཡུག་ཆེན་གྱི་སྣམ་སྦྱར་འཇམ་མོ། །དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་ཚེ་དང་ལྡན་པ་འོད་
D5.009.0041a07.01