完整藏文原文 · 德格版页 当前仅加载第 9 函德格 66b 版页；藏文 NFD、目录标记与异常页序保留在来源切片中，重复版页行以稳定序号区分。
སྙམ་དུ་བསམས་ནས་དེས་སྨྲས་པ། དེང་འདི་ལ་བསོད་སྙོམས་འབུལ་བར་བྱེད་པ་གང་ཡིན་པ་དེ་ལ་ནི་དེང་གྲོང་ཁྱེར་གྱི་མཆོག་སྦྱིན་པར་བྱའོ། །ཚོང་དཔོན་དེ་ཡང་འཁོར་དེ་ཉིད་དུ་འདུས་ཏེ་འདུག་པས་དེས་འདི་སྙམ་དུ། བདག་གིས་བསོད་སྙོམས་པ་ཐམས་ཅད་ལ་སྦྱིན་པ་
D5.009.0066b01.01བྱིན་ཅིག་ཅེས་ཁྱིམ་དུ་བསྒོ་བས་གདོན་མི་ཟ་བར་བདག་གི་ཁྱིམ་ནས་བསོད་སྙོམས་ཕུལ་བ་ཡིན་གྱིས། སོང་ལ་བརྟག་པར་བྱའོ་སྙམ་དུ་བསམས་ནས་དེ་ལངས་ནས་རིངས་པར་ཁྱིམ་དུ་སོང་ངོ་། །ཆུང་མ་དེས་ཀྱང་དེའི་རྫུ་འཕྲུལ་མཐོང་སྟེ་སེམས་དད་པར་གྱུར་ནས། བྲན་མོ་ལ་
D5.009.0066b02.01སྨྲས་པ། བྲན་མོ་བསོད་ནམས་ནི་ང་ཡིར་བྱའོ། །ཁྱོད་ལ་ནི་ངས་ཁ་ཟས་མཆོག་ཏུ་བསོད་པ་དག་སྦྱིན་ནོ། །དེས་དེ་ལ་སྨྲས་པ། ཁྱོད་ཇོ་མོ་ཡིན་པས་བདག་གི་སྲོག་ལ་དབང་གི །བསོད་ནམས་ལ་ནི་མ་ཡིན་པས་མི་སྦྱིན་ནོ། །དེ་ཁྲོས་ཤིང་འཁྲུགས་པས་ཀུན་
D5.009.0066b03.01ནས་དཀྲིས་ཤིང་འདུག་པས་ལག་པའི་མཁྲིག་མ་གདུ་བུ་དང་བཅས་པས་དེའི་མགོར་བརྒྱབ་པ་དང་། གདུ་བུས་ཕོག་པས་དེའི་མགོ་སྣད་ནས་ཁྲག་བྱུང་བར་གྱུར་པ་དང་། ཚོང་དཔོན་ཡང་འོངས་ཏེ་དེས་འདི་ཅི་ཉེས་ཞེས་དྲིས་སོ། །དེས་ཀྱང་ཇི་ལྟར་གྱུར་པ་དེ་ལ་རྒྱ་ཆེར་
D5.009.0066b04.01སྨྲས་པ་དང་། ཚོང་དཔོན་དེ་ཁྲོས་ནས་བྲན་མོ་དེ་རྒྱན་ཐམས་ཅད་ཀྱིས་བརྒྱན་ཏེ་ཁྱིམ་བདག་ཏུ་བཅུག་ནས། དེས་ཀྱང་ཇི་ལྟར་གྱུར་པ་རྒྱལ་པོ་ལ་གསོལ་པ་དང་། རྒྱལ་པོས་སྨྲས་པ། དེ་ནི་ཇོ་མོར་འོས་ཏེ། ཁྱོད་ཀྱིས་ལེགས་པ་ཞིག་བྱས་སོ། །གལ་ཏེ་
D5.009.0066b05.01ཁྱོད་ཀྱིས་དེ་ལྟར་མ་བྱས་སུ་ཟིན་ན་ངས་བྲན་མོ་མ་ཡིན་པར་བྱས་པར་འགྱུར་རོ། །འོན་ཀྱང་ངས་དེ་ལ་གྲོང་ཁྱེར་གྱི་མཆོག་སྦྱིན་ནོ། །དེ་དད་པ་ཐོབ་པ་དང་། རྐྱེན་རྙེད་པས་དགེ་སྦྱོང་དང་། བྲམ་ཟེ་དང་། ཚོང་པ་རྣམས་ལ་སྦྱིན་པ་ནི་བྱིན། བསོད་ནམས་ནི་བྱས།
D5.009.0066b06.01ཚུལ་ཁྲིམས་ཀྱང་བསྲུངས་ནས་འཆི་བའི་དུས་བྱས་ཏེ། སུམ་བཅུ་རྩ་གསུམ་གྱི་ལྷ་རྣམས་ཀྱི་ནང་དུ་སྐྱེས་སོ། །དེ་གཟུགས་ཕུན་སུམ་ཚོགས་པ་འོད་དང་། གཟི་མདངས་དང་། སྣང་བ་རྒྱ་ཆེན་པོ་ཅན་དེ་ལྟ་བུར་གྱུར་པ་དང་། ལྷའི་ཚོགས་གང་ཡིན་པ་དེ་དག་ཐམས་
D5.009.0066b07.01