完整藏文原文 · 德格版页 当前仅加载第 9 函德格 173a 版页；藏文 NFD、目录标记与异常页序保留在来源切片中，重复版页行以稳定序号区分。
གྱིས་མིང་འདི་ཞེས་བགྱི་བ་ལྷུང་བཟེད་འབྲེལ་པ་མེད་པ་འབྲིམ་པར་བསྐོས་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །དེའི་འོག་ཏུ་ལྷུང་བཟེད་འབྲེལ་བ་མེད་པ་འབྲིམ་པའི་དགེ་སློང་མས་ཚོགས་པའི་དུས་སུ་དགེ་འདུན་
D5.009.0173a01.01ལ་སང་སྔ་དྲོ་འབྲེལ་བ་མེད་པའི་ལྷུང་བཟེད་འབྲིམ་གྱིས། རང་རང་གི་ལྷུང་བཟེད་སྣོམས་ལ་སྤྱོན་ཅིག་ཅེས་བརྗོད་པར་བྱའོ། །དེ་ནས་ནམ་ནངས་པ་དང་འབྲིམ་པར་བྱེད་པའི་དགེ་སློང་མས་གནས་མལ་བཤམས་པ་བྱས་ཏེ། དགེ་སློང་མའི་དགེ་འདུན་ཚོགས་ཤིང་
D5.009.0173a02.01མཐུན་པར་གྱུར་པ་དང་། ལྷུང་བཟེད་འབྲེལ་པ་མེད་པ་ཐོགས་ཏེ། དགེ་སློང་མའི་གནས་བརྟན་གྱི་མདུན་དུ་འདུག་ནས་ལྷུང་བཟེད་འབྲེལ་པ་མེད་པའི་བསྔགས་པ་ཇི་ལྟ་བ་བཞིན་བརྗོད་པར་བྱ་ཞིང་། འདི་སྐད་ཅེས་གནས་བརྟན་མ་ལྷུང་བཟེད་བཞེས་ཤིག་ཅེས་ཀྱང་
D5.009.0173a03.01བརྗོད་པར་བྱའོ། །གལ་ཏེ་དགེ་འདུན་གྱིས་གནས་བརྟན་གྱི་ལྷུང་བཟེད་འབྲེལ་པ་མེད་པ་བླངས་ན། དགེ་འདུན་གྱིས་གནས་བརྟན་གྱི་ལྷུང་བཟེད་གནས་བརྟན་གཉིས་པ་ཤོས་ལ་སྦྱིན་པར་བྱའོ། །གནས་བརྟན་གཉིས་པ་ཤོས་ཀྱི་ལྷུང་བཟེད་གསུམ་པ་ཤོས་ལ་སྦྱིན་
D5.009.0173a04.01པར་བྱ་སྟེ། དེ་བཞིན་དུ་དགེ་འདུན་གསར་བུའི་བར་དུ་ཡང་ངོ་། །གལ་ཏེ་དགེ་འདུན་གྱི་གནས་བརྟན་གྱིས་ལྷུང་བཟེད་འབྲེལ་བ་མེད་པ་མ་བླངས་ལ། གནས་བརྟན་གསུམ་པའི་ཐད་དུ་ཕྱིན་པ་ལས། གལ་ཏེ་སླར་ཡང་དགེ་འདུན་གྱི་གནས་བརྟན་གྱིས་སློང་ན་སྦྱིན་པར་མི་
D5.009.0173a05.01བྱའོ། །ལན་གཉིས་སློང་ན་ཡང་སྦྱིན་པར་མི་བྱའོ། །གལ་ཏེ་ལན་གསུམ་དུ་སློང་ན་སྦྱིན་པར་བྱ་སྟེ། འདུལ་བ་དང་འགལ་བའི་ཉེས་བྱས་བཤགས་པར་བྱའོ། །དེ་བཞིན་དུ་དགེ་འདུན་གསར་བུའི་བར་དུ་སྟེ། གལ་ཏེ་སུས་ཀྱང་ལྷུང་བཟེད་འབྲེལ་བ་མེད་པ་མ་བླངས་སམ་
D5.009.0173a06.01གཞན་གྱི་ལྷག་པར་གྱུར་ན་དེ་ཉིད་ལ་སྦྱིན་པར་བྱའོ། །དེས་དེའི་འོག་ཏུ་ཀུན་དུ་སྤྱད་པར་བརྗོད་པར་བྱའོ། །ཞེས་བཅོམ་ལྡན་འདས་ཀྱིས་བཀའ་སྩལ་ན་མ་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། ལྷུང་བཟེད་འབྲེལ་བ་མེད་པ་འཆང་བའི་དགེ་སློང་མའི་
D5.009.0173a07.01