完整藏文原文 · 德格版页 当前仅加载第 9 函德格 247b 版页；藏文 NFD、目录标记与异常页序保留在来源切片中，重复版页行以稳定序号区分。
བྱིན་གྱིས་མ་བརླབས་ན་ཇི་སྲིད་དུ་ཆུ་ལྟེ་བར་སོན་གྱི་བར་དུ་ནི་ཉེས་བྱས་སོ། །ཆུ་ལྟེ་བ་ལས་འདས་ན་ལྟུང་བྱེད་དོ། །དགེ་སློང་མས་འཇུག་པའི་ཁྲུས་ཀྱིས་ཁྲུས་བྱེད་ན་དེས་དུས་བྱིན་གྱིས་བརླབ་པར་བྱའོ། །བྱིན་གྱིས་མ་བརླབས་ན་ཇི་སྲིད་དུ་ཆུ་ལྟེ་བར་སོན་གྱི་བར་དུ་
D5.009.0247b01.01ཉེས་བྱས་སོ། །ཆུ་ལྟེ་བ་ལས་འདས་ན་ལྟུང་བྱེད་དོ། །དེ་བཞིན་དུ་དབང་བསྐུར་བའི་ཁྲུས་ཀྱིས་ཁྲུས་བྱས་ནས་འཇུག་པའི་ཁྲུས་འདོད་ན་དུས་གཞན་བྱིན་གྱིས་བརླབ་པར་བྱའོ། །བྱིན་གྱིས་མ་བརླབས་ན་ཇི་སྲིད་དུ་ཆུ་ལྟེ་བར་སོན་གྱི་བར་དུ་ཉེས་བྱས་སོ། །འདས་ན་ལྟུང་བྱེད་དོ། །
D5.009.0247b02.01དེ་བཞིན་དུ་འཇུག་པའི་ཁྲུས་ཀྱིས་ཁྲུས་བྱས་ནས་དབང་བསྐུར་བའི་ཁྲུས་ཀྱིས་ཁྲུས་བྱེད་པར་འདོད་ན། དེ་ཡང་ཞེས་བྱ་བ་ནས་ཇི་སྲིད་དུ་ཆུས་ལྟེ་བར་སོན་གྱི་བར་དུ་ནི་ཉེས་བྱས་སོ། །འདས་ན་ལྟུང་བྱེད་དོ། །དེ་བཞིན་དུ་དྲོན་མོའི་ཁྲུས་བྱས་ནས་བསིལ་བའི་ཁྲུས་འདོད་ན། དེ་ཡང་
D5.009.0247b03.01ཞེས་བྱ་བ་ནས་ཉེས་བྱས་སོ། །འདས་ན་ལྟུང་བྱེད་དོ། །དེ་བཞིན་དུ་བསིལ་བའི་ཁྲུས་བྱས་ནས་དྲོན་མོའི་ཁྲུས་འདོད་ན། དེ་ཡང་ཞེས་བྱ་བ་ནས་ཉེས་བྱས་སོ། །འདས་ན་ལྟུང་བྱེད་དོ། །དེ་བཞིན་དུ་གལ་ཏེ་ཁྲུས་དེ་ཉིད་ཀྱིས་ཡང་བྱེད་པར་འདོད་ན་དེ་སྲིད་དུ་དུས་གཞན་བྱིན་གྱིས་
D5.009.0247b04.01བརླབ་པར་བྱའོ། །གལ་ཏེ་བརྒྱལ་བ་ལ་ཆུས་གཏོར་བ་དང་། རྒལ་ཏེ་འགྲོ་བ་དང་། མཆོངས་པ་ན་ཆུར་ལྟུང་བ་དང་། ཆུ་བོ་རྒལ་བའམ། མཚོ་ཆེན་པོ་རྒལ་བ་ན་ཆུར་ནུབ་པ་ལ་ནི་ལྟུང་བ་མེད་དོ། །ལྟུང་བྱེད་ལྔ་པའི་གསུམ་པ་རྫོགས་{སྷོ,སོ}།། །།གླེང་གཞི་
D5.009.0247b05.01ནི་མཉན་ཡོད་ནའོ། །གང་གི་ཚེ་བཅོམ་ལྡན་འདས་ཀྱིས་འཆར་ཀ་ལ་བརྟེན་ཏེ་ཆེད་དུ་བསམས་པའི་དུད་འགྲོའི་སྐྱེ་གནས་ཀྱི་བསླབ་པའི་གཞི་བཅའ་བ་མཛད་པ་དེའི་ཚེ་བཅུ་གཉིས་སྡེ་དེ་དག་གིས་ཆེད་དུ་བསམས་པ་དང་། ཆེད་དུ་མ་བསམས་པར་དུད་
D5.009.0247b06.01འགྲོའི་སྐྱེ་གནས་སུ་གཏོགས་པའི་སྲོག་ཆགས་རྣམས་ཀྱི་སྲོག་གཅོད་པར་བྱེད་པ་དང་། དོན་ཉུང་བའི་དགེ་སློང་མ་དག་སྨོད་པའི་སྐབས་དེ་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་
D5.009.0247b07.01