完整藏文原文 · 德格版页 当前仅加载第 9 函德格 218b 版页；藏文 NFD、目录标记与异常页序保留在来源切片中，重复版页行以稳定序号区分。
གི་ཚེ་བཅོམ་ལྡན་འདས་ཀྱིས་ནད་པ་ལ་བལྟ་བར་བྱའོ། །ཞེས་བཀའ་སྩལ་པ་དང་། དེ་ཕྱིན་ཆད་གཎྜཱི་བརྡུངས་ཏེ་དགེ་འདུན་ཐམས་ཅད་ནད་པ་ལ་བལྟ་བའི་ཕྱིར་འདོང་བ་ན། དེ་ནས་ནད་པས་མཐོང་ནས་གང་གི་ཕྱིར་དགེ་འདུན་ཐམས་ཅད་ལྷགས་པ་ལས་ན། བདག་ནི་འཆི་
D5.009.0218b01.01བར་འགྱུར་གོར་མ་ཆག་གོ་སྙམ་ནས་སྐྲག་པར་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་གཅིག་གམ། གཉིས་འགྲོ་བར་བྱའོ། །དེར་དོང་བ་ན་སྟན་དག་མེད་ནས། བཅོམ་ལྡན་འདས་ཀྱིས་བཀའ་སྩལ་པ། ནད་འདྲི་བའི་ཆེད་དུ་སྟན་དག་གདིང་
D5.009.0218b02.01བར་བྱའོ། །གང་གི་ཚེ་བཏིང་བ་དེའི་ཚེ་དེ་དག་འདི་སྙམ་དུ་བཅོམ་ལྡན་འདས་ཀྱིས་བླ་གབ་མེད་པར་གནས་མལ་དོར་བར་མི་བྱའོ་ཞེས་གསུངས་སོ་སྙམ་དུ་སེམས་ཤིང་། དེ་དེ་དག་དེ་ཉིད་ན་སྲུང་ཞིང་འཁོད་པ་ན་དེ་དག་གི་སངས་རྒྱས་དང་། ཆོས་དང་། དགེ་འདུན་དང་།
D5.009.0218b03.01མཁན་པོ་དང་། སློབ་དཔོན་གྱི་བྱ་བ་གང་ཡིན་པ་དེ་དེས་ཉམས་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། བཅོལ་ལ་འདོང་བར་བྱའོ། །དེ་དག་ནད་པ་ལ་འཆོལ་བར་བྱེད་ནས། བཅོམ་ལྡན་འདས་ཀྱིས་བཀའ་སྩལ་པ་ཞེས་བྱ་བ་ནས། རྐྱེན་ལྔས་
D5.009.0218b04.01གནས་མལ་བླ་གབ་མེད་པར་བོར་ཏེ་འདོང་བར་མི་བྱའོ་ཞེས་བྱ་བའི་བར་རོ། །ལྔ་པོ་དེ་དག་གང་ཞེ་ན་ཞེས་བྱ་བ་ནས་རྒས་པ་དང་། ངོ་ཚ་བ་མེད་པ་དང་། བར་ཆད་དང་བཅས་པ་དང་། འགྱོད་པ་མེད་པ་དང་། བསྙེན་པར་མ་རྫོགས་པའོ་ཞེས་བྱ་བའི་བར་ཏེ། དེ་
D5.009.0218b05.01དག་རྐྱེན་དུ་བྱས་ནས་དོར་བར་མི་བྱའོ། །བྱེད་ན་འགལ་ཚབས་ཅན་དུ་འགྱུར་རོ། །གཉིས་ཁྲི་གཅིག་ལ་འདུག་ན་གང་གིས་ཁྲི་བརྟུལ་བར་བྱ། བཅོམ་ལྡན་འདས་ཀྱིས་བཀའ་སྩལ་པ། གཞོན་པས་སོ། །གཉིས་ཀ་གཞོན་པར་གྱུར་ན་གལ་ཏེ་བཟོད་ན་གཅིག་
D5.009.0218b06.01གིས་སོ། །ལྟུང་བྱེད་གཉིས་པའི་བཞི་པ་རྫོགས་{སྷོ,སོ}།། །།གླེང་གཞི་ནི་མཉན་ཡོད་ནའོ། །གང་གི་ཚེ་བཅོམ་ལྡན་འདས་ཀྱིས་ལྷོ་ལམ་ནས་འོངས་པའི་དགེ་སློང་ཞིག་ལ་བརྟེན་ནས་རྩྭའི་གདིང་བའི་བསླབ་པའི་གཞི་བཅའ་བ་མཛད་པ་དེའི་ཚེ་རང་བཞིན་དུ་གནས་
D5.009.0218b07.01