完整藏文原文 · 德格版页 当前仅加载第 9 函德格 102a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་མདའ་མ་འཕངས་སམ། དེས་སྨྲས་པ། འཕངས་ཏེ་དོང་པ་སྟོང་པར་འདུག་པ་ལ་ལྟོས། དེ་དག་གིས་འདི་སྙམ་དུ་འདི་ལྟར་གྱད་བུ་ནོར་འཕང་བ་དེ་ལྟ་བུ་དག་ལ་དེ་ལྟར་བྱང་བར་གྱུར་ཏོ་ཞེས་བྱ་བ་དེའི་གྲགས་པ་{བརྫུན་,རྫུན་}པ་ལྟ། རྣམ་པ་གཅིག་
D5.009.0102a01.01ཀྱང་མི་ཤེས་ན་བཞི་ཆར་ཤེས་པ་ལྟ་སྨོས་ཀྱང་ཅི་དགོས་སྙམ་དུ་བསམས་ཏེ། ཞེས་བྱ་བ་ནས་དེའི་གྲོགས་པོ་རྣམས་སྨོད་པར་བྱེད་དོ་ཞེས་བྱ་བའི་བར་དང་། རང་གི་ཁྱིམ་དུ་འོངས་ནས་སྟེང་གི་ཁང་{བཟངས་ཀྱི་,བཟང་གི་}ཐོག་ན་ལག་པ་འགྲམ་པ་ལ་གཏད་ནས་སེམས་ཁོང་
D5.009.0102a02.01དུ་ཆུད་དོ་ཞེས་བྱ་བའི་བར་ནས། ཕ་མ་འོངས་ནས་འདི་སྐད་ཅེས་སྨྲས་སོ། །ཞེས་བྱ་བའི་བར་དང་། བུ་ཅིའི་ཕྱིར་ཁྱོད་ཀྱིས་{རི་དགས་,རི་དྭགས་}མ་བསད་དེས་སྨྲས་པ། ཡབ་ཡུམ་ཁྱེད་ཅག་ལ་བདག་སྡུག་ལགས་སམ། བུ་ཤིན་ཏུ་སྡུག་གོ། །གལ་ཏེ་འགའ་ཞིག་གིས་
D5.009.0102a03.01བདག་སྲོག་དང་ཕྲལ་ན་ཁྱེད་ཅག་ཇི་ལྟ་བུར་འགྱུར། དེ་དག་གིས་སྨྲས་པ། ཤིན་ཏུ་སྡུག་བསྔལ་བ་དང་། ཡིད་མི་བདེ་བར་འགྱུར་མོད། དེ་སྨྲས་པ། ཁྱེད་ཅག་ལ་ཡང་སྲོག་མི་ཕངས་ལགས་སམ། དེ་དག་གིས་སྨྲས་པ་ཤིན་ཏུ་ཕངས་སོ། །འོ་ན་ཁྱེད་ཅག་ཅིའི་སླད་དུ་
D5.009.0102a04.01བདག་གཞན་གྱི་སྲོག་གཅོད་པ་ལ་སྦྱོར་བར་མཛད་གཞན་ཡང་ཡབ་ཡུམ་ཁྱེད་ཅག་གིས་འདི་ལྟར། འབྱུང་པོ་རྣམས་ལ་ཕན་འདོད་སྙིང་བརྩེ་བས། །སྲོག་གཅོད་པ་དང་གསོད་དང་འཆིང་བ་སྤོངས། །ཇི་ལྟར་རང་གི་སྲོག་ཕངས་སྲུང་བ་ལྟར། །དེ་བཞིན་གཞན་རྣམས་
D5.009.0102a05.01ཀྱི་ཡང་སྲོག་བསྲུང་ངོ་། །ཞེས་བགྱི་བ་ཅི་མ་གསན་ཏམ་ཞེས་བྱ་བའི་བར་དུའོ། །དེ་ནས་དེ་དག་གི་བུ་དེའི་ངེས་པ་ཁོང་དུ་ཆུད་ནས་འདི་སྐད་ཅེས་སྨྲས་སོ། །བུ་དེ་ལྟ་ན་ཕྱིར་ཡང་སྟེང་གི་ཁང་{བཟངས་ཀྱི་,བཟང་གི་}ཐོག་ཏུ་བཙུན་མོའི་འཁོར་རྣམས་དང་ལྷན་ཅིག་རྩེད་མོ་གྱིས་ཤིག །
D5.009.0102a06.01དེ་ནས་གྱད་བུ་ནོར་གྱི་སྟེང་གི་ཁང་{བཟངས་ཀྱི་,བཟང་གི་}ཐོག་ནས་འདི་སྐད་ཅེས་རྐང་གཉིས་པ་དང་། རྐང་མེད་པ་དང་། སྨན་དང་། རིག་སྔགས་དང་། གསང་སྔགས་འཆང་བ་གང་གིས་བདག་འཁོར་བའི་དགོན་པ་ལས་ཡོངས་སུ་ཐར་བར་བྱེད་པ་སུ་ཡོད་ཅེས་སྨྲས་སོ། །དེའི་ཚེ་
D5.009.0102a07.01