完整藏文原文 · 德格版页 当前仅加载第 9 函德格 54a 版页；藏文 NFD、目录标记与异常页序保留在来源切片中，重复版页行以稳定序号区分。
ཚེ་དང་ལྡན་པ་ཇི་སྲིད་ཡུན་རིང་དུ་འཚོ་བ་དེ་སྲིད་དུ་སྡུག་བསྔལ་བ། མི་བཟད་པ། རྩུབ་པ། ཚ་བ། ཡིད་དུ་མི་འོང་བ་དག་ཉམས་སུ་མྱོང་བར་འགྱུར་རོ་ཞེས་སྨྲས་པ་ན། དེས་དེ་ལ་འདི་སྐད་ཅེས་འོ་ན་ཁོ་བོས་ཇི་ལྟར་བྱ་ཞེས་པ་དེའི་ཚེ་ཚུར་
D5.009.0054a01.01ཤོག །ཁྱོད་ཀྱིས་བདག་ཉིད་ཐོང་ཤིག །བདག་ཉིད་སོད་ཅིག །བདག་ཉིད་སྲོག་དང་བྲལ་བར་བྱེད་དུ་ཆུག་ཤིག་ཅེས་སྨྲས་ལ། གལ་ཏེ་ནད་པ་དེ་བདག་ཉིད་གཏོང་བར་བྱེད་དམ། བདག་ཉིད་གསོད་པར་བྱེད་དམ། བདག་ཉིད་སྲོག་དང་བྲལ་བར་བྱེད་དུ་
D5.009.0054a02.01འཇུག་ན་ཕས་ཕམ་པར་འགྱུར་རོ། །གལ་ཏེ་ནད་པ་དེ་འདི་སྙམ་དུ་དེ་དེ་སྐད་ཅེས་ཟེར་མོད་ཀྱི། འོན་ཀྱང་འཚོ་བ་ནི་རྙེད་པར་དཀའོ། །བདག་ཉིད་གསོད་པ་ནི་ནུས་པར་དཀའ་བས་བདག་གིས་བདག་ཉིད་མི་གཏོང་ངོ་། །བདག་གིས་བདག་ཉིད་མི་གསོད་དོ། །བདག་གིས་
D5.009.0054a03.01བདག་ཉིད་སྲོག་དང་བྲལ་བར་བྱེད་དུ་མི་གཞུག་གོ་སྙམ་བསམས་ནས། གལ་ཏེ་བདག་ཉིད་གཏོང་བར་མི་བྱེད། བདག་ཉིད་གསོད་པར་མི་བྱེད། བདག་ཉིད་སྲོག་དང་བྲལ་བ་བྱེད་དུ་མི་འཇུག་ན། འཆིར་བཅུག་པའི་སྦྱོར་བ་སྔ་མ་དེ་ཉིད་ཀྱིས་ཉེས་པ་སྦོམ་པོར་
D5.009.0054a04.01འགྱུར་རོ། །གལ་ཏེ་དེ་དེ་སྐད་སྨྲས་པས་བདག་ནི་འདི་ལྟ་སྟེ། བྱིས་པ། བླུན་པ། མི་གསལ་བ། མི་མཁས་པ་ཡིན་པས་བདག་གིས་གྱ་ཚོམ་དང་། བྱུང་རྒྱལ་དུ་སོ་སོར་མ་བརྟགས་པའི་ཚིག་སྨྲས་སོ་སྙམ་དུ་འགྱོད་པར་གྱུར་ནས་དེ་དེའི་གན་དུ་
D5.009.0054a05.01སོང་སྟེ་འདི་སྐད་ཅེས་བདག་གིས་ཁྱོད་ལ་བདག་ཉིད་སྲོག་དང་བྲལ་བར་གྱིས་ཤིག་ཅེས་སྨྲས་མོད་ཀྱི། འོན་ཀྱང་ཁྱོད་བདག་ཉིད་ཀྱི་སྲོག་གཏོང་བར་མ་བྱེད་ཅིག །དེ་ཅིའི་ཕྱིར་ཞེ་ན། གལ་ཏེ་ཁྱོད་ཀྱིས་རྗེས་སུ་མཐུན་པའི་སྨན་སོ་སོར་བསྟན་པ་དང་། ཁ་ཟས་
D5.009.0054a06.01འཕྲོད་པ་དག་དང་། ནད་གཡོག་ཚུལ་བཞིན་དུ་བྱེད་པ་དག་གིས་བསྙེན་བཀུར་བྱས་པར་གྱུར་པ་དེ་ལྟ་ན་རིང་པོ་མི་ཐོགས་པར་བདེ་བ་དང་། ནད་མེད་པ་དང་། སྟོབས་དང་ལྡན་པར་གྱུར་ནས་གང་དུ་དགའ་བར་འགྲོ་བར་འགྱུར་བའི་གནས་སྐབས་དེ་ལྟ་བུ་ཡོད་དོ་ཞེས་
D5.009.0054a07.01