完整藏文原文 · 德格版页 当前仅加载第 9 函德格 177b 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་རྐང་པ་ལ་མགོ་བོས་ཕྱག་བྱས་ཏེ་ཆོས་སྦྱིན་ལ་རྙེད་པ་དང་བཀུར་སྟི་དེ་ཕུལ་ལོ། །ཆོས་སྦྱིན་གྱིས་བསམས་པ། ཅི་བཅོམ་ལྡན་འདས་ལ་འགའ་ཞིག་གིས་ཟླ་བ་གསུམ་དུ་ན་བཟའ་དང་བསོད་སྙོམས་ཀྱིས་བསྟབས་སམ་སྙམ་མོ། །དེ་ནས་དེ་རྟོག་པ་ལ་ཞུགས་པ་
D5.009.0177b01.01ན་བཅོམ་ལྡན་འདས་དེ་དག་ཁོ་ན་ལ་གཞེས་པར་ཤེས་སོ། །དེ་ནས་ཆོས་སྦྱིན་གྱིས་ཉམས་པའི་རྒྱལ་རིགས་དེ་དག་ལ་འདི་སྐད་ཅེས་སྨྲས་སོ། །ཁྱིམ་བདག་དག་དེང་ལ་བཅོམ་ལྡན་འདས་ལ་ཟླ་བ་གསུམ་དུ་ན་བཟའ་དང་བསོད་སྙོམས་དང་། ཞེས་བྱ་བ་ནས་
D5.009.0177b02.01སྨན་དང་། མཁོ་བའི་ཡོ་བྱད་ཀྱི་བར་གྱིས་སྟོབས་ཤིག །དེ་ནས་དེ་དག་དོང་ནས་བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་དང་། ཆོས་སྦྱིན་འཁོར་དང་བཅས་པ་ལ་བསྟབས་སོ། །དེ་ནས་ཉམས་པའི་རྒྱལ་རིགས་ཀྱི་ཆུང་མ་དེ་དག་གིས་དགེ་སློང་མ་
D5.009.0177b03.01དེ་རྣམས་ལ་བསྙེན་བཀུར་བྱ་བར་བརྩམས་སོ། །ཉམས་པའི་རྒྱལ་རིགས་དེ་དག་གིས་ཀྱང་དགེ་སློང་དང་། དགེ་སློང་མ་རྣམས་ཀྱི་ཕྱིར་རིན་ཐང་ཆེན་པོའི་གོས་དང་། གོས་ཕལ་དག་འཇོག་ཏུ་བཅུག་གོ། །དེ་དག་དབྱར་གྱི་ནང་ལོགས་སུ་རྒྱལ་པོས་གཞན་དུ་
D5.009.0177b04.01མངགས་པ་ལས་མགོན་མེད་ཟས་སྦྱིན་གྱིས་དེ་དག་བཟློག་པ་དང་། དེ་དག་ལ་དགེ་སློང་མ་རྣམས་ཀྱིས་དབྱར་ཟད་ནས་གོས་འདོད་པའི་ཕྱིར་བརྡ་བྱས་པ་དང་། དེ་དག་གིས་འདི་སྐད་ཅེས་སྨྲས་སོ། །འཕགས་མ་དག་བདག་ཅག་གིས་གོས་ཀྱི་རིན་དེ་དག་ཕུལ་ལགས་
D5.009.0177b05.01སོ། །སྲིལ་རྣམས་ཀྱིས་ཟོས་སོ། །དགེ་སློང་མ་རྣམས་ཀྱིས་བཅོམ་ལྡན་འདས་ཀྱིས་དབྱར་གྱི་དུས་ཀྱི་རྙེད་པ་དབྱར་གྱི་ནང་ལོགས་སུ་བགོ་བར་མི་བྱའོ། ཞེས་གསུངས་པས། བསླབ་པ་འདོད་པས་མ་བགོས་པའི་སྐབས་དེ་དགེ་སློང་མ་རྣམས་ཀྱིས་དགེ་སློང་
D5.009.0177b06.01དག་ལ་སྨྲས་པ་དང་། དགེ་སློང་དག་གིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། དགེ་སློང་མས་སྟོན་ཟླ་ཐ་{ཆུངས་,ཆུང་}ཉར་ཞག་བཅུས་མ་ཚང་བ་ཚུན་ཆད་
D5.009.0177b07.01