完整藏文原文 · 德格版页 当前仅加载第 9 函德格 227a 版页；藏文 NFD、目录标记与异常页序保留在来源切片中，重复版页行以稳定序号区分。
བརྗོད་ནས་འདི་སྐད་ཅེས་བཀའ་སྩལ་ཏོ། །ཡང་དགེ་སློང་མ་གང་ཆུ་དང་སོ་ཤིང་མ་གཏོགས་ཏེ་མ་བྱིན་པར་ཁའི་སྒོ་ནས་མིད་པའི་ཟས་ཟ་ན་ལྟུང་བྱེད་དོ། །ཡང་དགེ་སློང་མ་གང་ཞེས་བྱ་བ་ནི་ཆོས་འདི་པ་དག་གོ། །མ་བྱིན་པར་ཞེས་བྱ་བ་ནི་དེ་ལ་སུས་ཀྱང་མ་
D5.009.0227a01.01བྱིན་པར་གྱུར་པའོ། །ཁའི་སྒོ་ནས་ཞེས་བྱ་བ་ནི་ཁར་ཟ་བའོ། །བཅའ་བ་ཞེས་བྱ་བ་ནི་སྔ་མ་བཞིན་ནོ། །ཆུ་དང་སོ་ཤིང་མ་གཏོགས་པར་ཞེས་བྱ་བ་ནི་ཆུ་དང་སོ་ཤིང་བཞག་སྟེའོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་
D5.009.0227a02.01མས་བྱིན་ལེན་མ་བྱས་པ་ལ་བྱིན་ལེན་བྱས་པར་འདུ་ཤེས་ནས་འཆོས་སམ་ཟོས་ན་ལྟུང་བྱེད་དོ། །དེ་བཞིན་དུ་ཡིད་གཉིས་ཟ་ན་ལྟུང་བྱེད་དོ། །དགེ་སློང་མས་བྱིན་ལེན་བྱས་པ་ལ་བྱིན་ལེན་མ་བྱས་པར་འདུ་ཤེས་ནས་ཟོས་སམ་འཆོས་ན་ཉེས་བྱས་སོ། །དེ་བཞིན་དུ་
D5.009.0227a03.01ཡིད་གཉིས་ཟ་ན་ཉེས་བྱས་སོ།། །།བར་སྡོམ་ལ། བྱིན་ལེན་ལྔ་དང་འབྲས་བུ་དང་། །དེ་བཞིན་རུང་བ་ལྔ་དང་ནི། །སེང་གེ་སྤྲེའུ་དོམ་དག་གི། །དེ་བཞིན་གཤེགས་པས་རྗེས་གནང་སྟེ། །བར་གྱི་སྡོམ་དུ་བསྡུས་པ་ཡིན། །ལྟུང་བྱེད་གསུམ་པའི་ལྔ་པ་རྫོགས་{སྷོ,སོ}།། །།
D5.009.0227a04.01གླེང་གཞི་ནི་ཀཽ་ཤཱམྦཱི་ནའོ། །དེའི་ཚེ་རྒྱལ་དང་ཉེ་རྒྱལ་སྲོག་ཆགས་དང་བཅས་པའི་ཆུ་ལ་སྤྱོད་པ་དང་། དགེ་སློང་མ་དེ་རྣམས་ཀྱིས་སྨྲས་པ། ཕུ་ནུ་མོ་དག་སྲོག་ཆགས་དང་བཅས་པའི་ཆུ་ལ་སྤྱོད་པར་མ་བྱེད་ཅིག །དེ་དག་གིས་འདི་སྐད་ཅེས་ཅི་ཁོ་མོ་ཅག་ལ་བགྲངས་ཏེ་གཏད་
D5.009.0227a05.01དམ། ཤར་གྱི་རྒྱ་མཚོ་ཆེན་པོར་དོང་ན་ཅི་ཉེས། ལྷོ་དང་། ནུབ་དང་། བྱང་གི་རྒྱ་མཚོ་ཆེན་པོར་དོང་ན་ཅི་ཉེས་ཞེས་སྨྲས་པ་དང་། དོན་ཉུང་བའི་དགེ་སློང་མ་རྣམས་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་
D5.009.0227a06.01འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་ཤེས་བཞིན་དུ་སྲོག་ཆགས་དང་བཅས་པའི་ཆུ་ལ་སྤྱོད་ན་ལྟུང་བྱེད་དོ། །ཡང་དགེ་སློང་མ་གང་ཞེས་བྱ་བ་ནི་རྒྱལ་དང་། ཉེ་རྒྱལ་ལོ། །སྲོག་ཆགས་དང་བཅས་པའི་ཆུ་ཞེས་བྱ་བ་ལ།
D5.009.0227a07.01