完整藏文原文 · 德格版页 当前仅加载第 69 函德格 276b 版页；藏文 NFD、目录标记与异常页序保留在来源切片中，重复版页行以稳定序号区分。
ཤིན་ཏུ་སྙན་པ་གང་གི་ཚལ་དང་། ཉེ་བའི་ཚལ་ཐམས་ཅད་གླུ་ལེན་པ་ལྟ་བུའི་བྲག་ཅའི་སྒྲས་དགའ་བར་བྱེད། དགའ་དགུར་སྤྱོད་པར་བྱེད་དོ། །གླུ་དབྱངས་ལེན་པའི་སྒྲ་དང་། བུང་བ་སྒྲ་འབྱིན་པ་དང་། བྱ་རྣམས་ཀྱང་སྒྲ་འབྱིན་པ་རྣམ་པ་དེ་ལྟ་བུར་སྙན་ཅིང་འཐུན་པའི་སྒྲ་དེ་དག་ཉིད་
D287.069.0276b01.01གཅིག་ཏུ་འདུས་ཏེ་འབྱུང་བ་དེས། རི་རབ་ཤིན་ཏུ་ཉམས་དགའ་བ་དེ་ཡང་རྣས་འཐད་པའི་གླུ་དབྱངས་དང་། མཐོང་ན་དགའ་བ་དེས་ཡང་ཉིས་འགྱུར་དུ་དགའ་བར་གྱུར་ལ། དེ་ལ་ལྷ་རྣམས་ལྷ་མོའི་ཚོགས་བྱད་གཟུགས་དང་། ཆ་བྱད་དང་འཛུམ་པ་དང་གཡེར་བག་ཅན་དང་། ལྷན་ཅིག་
D287.069.0276b02.01འདོད་པའི་ཚོགས་ལ་ཉེ་བར་སྤྱོད། རྩེ་བར་བྱེད། དགའ་བར་བྱེད། དགའ་དགུར་སྤྱོད་པར་བྱེད་དོ། །དེ་རྣམས་གནས་དེ་དག་ན་ཇི་སྲིད་དུ་འདོད་པ། སྡུག་པ་ཡིད་དུ་འོང་བ་བྱས་ཤིང་བསགས་པ་སོ་སོ་ཡང་དག་པར་མྱོང་བར་འགྱུར་བའི་ལས་ཟད་པ་དང་། སྤངས་པ་དང་། གཏུགས་པར་
D287.069.0276b03.01མ་གྱུར་པ་དེ་སྲིད་དུ་དགའ་བར་བྱེད། རྩེ་བར་བྱེད་དོ། །འདི་ལྟ་སྟེ། ཟད་པར་གྱུར་ན། དེ་ཕྱིས་ལྷའི་རིས་འདོད་པ་དང་། བདེ་བའི་ཚོགས་དུ་མ་དེ་ནས་འཆི་བར་འགྱུར་ཏེ། ཤི་ནས་ཀྱང་ལས་ཉེ་བར་འགྲོ་བ་ཇི་ལྟ་བ་བཞིན་སེམས་ཅན་དམྱལ་བ་དང་། {ཡི་དགས་,ཡི་དྭགས་}དང་། དུད་འགྲོ་རྣམས་ཀྱི་ནང་
D287.069.0276b04.01དུ་སྐྱེ་བར་འགྱུར་རོ། །གལ་ཏེ་མི་རྣམས་དང་སྐལ་བ་མཉམ་པར་མིའི་ནང་དུ་སྐྱེས་ན། དེ་ལས་དེ་དང་རྒྱུ་འཐུན་པར་ཤིན་ཏུ་བདེ་བར་འགྱུར་ཏེ། ཡིད་རྩེ་བར་དགའ་བ་དག་ཐམས་ཅད་མགུ་ཞིང་རབ་ཏུ་དགའ་བ་དང་། བྱད་གཟུགས་སྡུག་པ་དང་། ཇི་ལྟར་འདུག་པ་མཐོང་ངོ་། །དེ་ནས་ཡང་
D287.069.0276b05.01དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེ། སུམ་ཅུ་རྩ་གསུམ་པའི་ལྷ་རྣམས་ཀྱི་གནས་ལ་རྟོག་པར་བྱེད་དེ། དེས་ཐོས་པ་ལས་བྱུང་བའི་ཤེས་པས་སུམ་ཅུ་རྩ་གསུམ་པའི་ལྷ་རྣམས་ཀྱི་གནས་གཟི་ཕྲེང་འབར་བ་ཇི་ལྟར་འདུག་པ་མཐོང་ངོ་། །དེར་སེམས་ཅན་དག་ལས་གང་གིས་སྐྱེ་
D287.069.0276b06.01བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། དགེ་ཞིང་ལེགས་པའི་སྐྱེས་བུ་གང་གིས་ལྷའི་ནང་དུ་ངེས་པར་སྐྱེ་བར་འགྱུར་བའི་བསོད་ནམས་དག་བྱས་པས་འགྱུར་ཏེ། འདི་ལྟ་སྟེ་སྐྱེས་བུ་དགེ་བ། གཡོ་སྒྱུ་མེད་པ། གཞན་ལ་གནོད་པ་མེད་པ། དམ་པའི་ཆོས་རྟོགས་པ།
D287.069.0276b07.01