完整藏文原文 · 德格版页 当前仅加载第 69 函德格 91a 版页；藏文 NFD、目录标记与异常页序保留在来源切片中，重复版页行以稳定序号区分。
དག་རྟོགས་ནས། སྲེད་པར་མི་བྱེད་དོ། །དེ་ལྟར་དྲི་དགའི་ས་ཕྱོགས་ན་བདེ་བ་རྣམ་པ་དུ་མ་དག་ཇི་སྲིད་དུ་འདོད་པ་སྡུག་པ་ཡིད་དུ་འོང་བ་ལེགས་པར་བྱས་པའི་ལས་དེ་ཟད་པར་མ་གྱུར་པ་དེ་སྲིད་དུ་མྱོང་བར་བྱེད་དོ། །དེ་ཕྱིས་ལྷའི་འཇིག་རྟེན་དེ་ནས་འཆི་
D287.069.0091a01.01བར་འགྱུར་ཏེ། ཤི་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་སེམས་ཅན་དམྱལ་བ་དང་། {ཡི་དགས་,ཡི་དྭགས་}དང་། དུད་འགྲོའི་ནང་དུ་མ་སྐྱེས་ལ། མི་རྣམས་དང་སྐལ་བ་མཉམ་པར་མིའི་ནང་དུ་སྐྱེས་ན། དེ་ལས་དེ་དང་རྒྱུ་འཐུན་པར་རྟག་ཏུ་ས་
D287.069.0091a02.01ཕྱོགས་བདེ་བ་ཐོབ་ཅིང་ཤིན་ཏུ་འབྱོར་པ་དང་ལྡན་པར་འགྱུར་བ་མཐོང་ངོ་། །དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེ། ལྷ་པི་བང་ཅན་གསུམ་པ་རྣམས་ཀྱི་གནས་ལ་རྟོག་པར་བྱེད་དེ། དེས་ཐོས་པ་ལས་བྱུང་བའི་ཤེས་པས། ལྷ་རྣམས་ཀྱི་
D287.069.0091a03.01གནས་སྒྲ་སྙན་པ་ཞེས་བྱ་བ་ཇི་ལྟར་འདུག་པ་མཐོང་ངོ་། །དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། ལེགས་པར་བྱས་པའི་ལས་སྤྱད་ཅིང་། སེམས་པ་དང་། ཡང་དག་པའི་ལྟ་བ་དང་ལྡན་པར་གྱུར་པ་
D287.069.0091a04.01གང་གིས་ལྟ་བ་ལོག་པར་ཞུགས་པ་དག་ལ་ཚིགས་བཅད་གཅིག་བསྟན་ལ། དེ་དག་ཀྱང་སེམས་ཡུད་ཙམ་ཞིག་སངས་རྒྱས་ལ་དད་པ་སྐྱེས་ན། དེ་ལུས་དང་བྲལ་ནས་བདེ་འགྲོ་མཐོ་རིས་ཀྱི་འཇིག་རྟེན་སྒྲ་སྙན་པའི་ལྷ་རྣམས་ཀྱི་ནང་དུ་སྐྱེ་བར་འགྱུར་རོ། །དེར་སྐྱེས་ནས་ཀྱང་
D287.069.0091a05.01དབང་པོ་ཡུལ་ལ་དགའ་ཞིང་བདེ་བ་དེ་ལྷའི་མཚོ་འགྲམ་ན་རྩེ་བ་ལ་ནི་དགའ། པད་མའི་ཚལ་གྱི་ཕྲེང་བ་དང་། གསེར་གྱི་རི་ལ་གནས་ཤིང་ལྷའི་རོལ་མོ་བྱེད་པ་ལ་ནི་དགའ། ལྷ་མོ་གཟུགས་དང་། རྣམ་པ་སྣ་ཚོགས་ཐོགས་པ། འཛུམ་ཞིང་འཇོ་སྒེག་ལ་མངོན་པར་དགའ་
D287.069.0091a06.01བ། བྱད་བཞིན་གྱི་མདངས་སྡུག་ཅིང་དབང་ཕྱུག་མཚུངས་པ་མེད་པ་ལ་དགའ་བ་རྣམས་ཀྱིས་ནི་ཡོངས་སུ་བསྐོར། རྟག་ཏུ་ཉིན་གཅིག་བཞིན་བདེ་བ་ལ་གནས་པ་རབ་ཏུ་འཕེལ་ཞིང་བཻ་ཌཱུརྱའི་རིའི་རྩེ་མོ་དག་ན་གནས་ལ། བདེ་བ་སྣ་ཚོགས་སྤྱོད་པ་མེ་ཏོག་གི་ཕྲེང་བ་དང་། ཕྱེ་མ་དང་།
D287.069.0091a07.01