完整藏文原文 · 德格版页 当前仅加载第 69 函德格 107a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ལ་ཚུལ་ཁྲིམས་གང་དང་རྣམ་པ་དུས་ལྷའི་འཇིག་རྟེན་གང་དུ་སྐྱེ་བར་འགྱུར་སྙམ་ནས། དེས་བརྟགས་ན་ཚུལ་ཁྲིམས་རྣམ་པ་བདུན་གྱིས་ལྷའི་རིས་དྲུག་རྣམས་ཀྱི་ནང་དུ་ཐ་མ་དང་འབྲིང་དང་མཆོག་ཏུ་སྐྱེ་བར་འགྱུར་ཏེ། སྲོག་གཅོད་པ་སྤངས་པའི་ཚུལ་ཁྲིམས་ཀྱིས་རྒྱལ་ཆེན་
D287.069.0107a01.01བཞི་པ་རྣམས་ཀྱི་ནང་དུ་སྐྱེ་བར་འགྱུར་རོ། །སྲོག་གཅོད་པ་དང་། མ་བྱིན་པར་ལེན་པ་སྤངས་པས་སུམ་ཅུ་རྩ་གསུམ་པ་རྣམས་ཀྱི་ནང་དུ་སྐྱེ་བར་འགྱུར་རོ། སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་སྤངས་པས་འཐབ་བྲལ་བ་རྣམས་ཀྱི་ནང་དུ་སྐྱེ་བར་འགྱུར་
D287.069.0107a02.01རོ། །སྡོམ་པ་བླངས་ཏེ་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་སྤངས་ཤིང་{བརྫུན་,རྫུན་}དང་ཕྲ་མ་དང་། ཚིག་རྩུབ་པོ་དང་། ངག་ཀྱལ་པ་སྤངས་པས་དགའ་ལྡན་པ་རྣམས་ཀྱི་ནང་དུ་སྐྱེ་བར་འགྱུར་རོ། །འཇིག་རྟེན་པའི་སྡོམ་པ་བླངས་ཏེ། སངས་རྒྱས་
D287.069.0107a03.01འབའ་ཞིག་ལ་དད་ལ། སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། {བརྫུན་,རྫུན་}དང་། ཕྲ་མ་དང་། ཚིག་རྩུབ་པོ་སྤངས་པས་འཕྲུལ་དགའ་བ་རྣམས་ཀྱི་ནང་དུ་སྐྱེ་བར་འགྱུར་རོ། །དེ་བཞིན་དུ་སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་
D287.069.0107a04.01ལོག་པར་གཡེམ་པ་དང་། {བརྫུན་,རྫུན་}དང་། ཕྲ་མ་དང་། ཚིག་རྩུབ་པོ་དང་། ངག་ཀྱལ་པ་སྤངས་པས་གཞན་འཕྲུལ་དབང་བྱེད་ཀྱི་ལྷ་རྣམས་ཀྱི་ནང་དུ་སྐྱེ་བར་འགྱུར་རོ། །དེ་ལྟར་དགེ་སློང་དེ་ལས་དང་ཚུལ་ཁྲིམས་སུ་འབྲེལ་པ་རྣམས་ལྷའི་འཇིག་རྟེན་དུ་སྐྱེ་བ་ལ་རྗེས་སུ་སེམས་ཏེ། སྡོམ་པ་བླངས་པའི་
D287.069.0107a05.01གང་ཟག་གང་དུ་ཇི་ལྟར་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ནས། སྲོག་གཅོད་པ་སྤངས་པའི་སྡོམ་པ་བླངས་པ་ནི་དེ་རྒྱལ་ཆེན་བཞི་པ་རྣམས་ཀྱི་ནང་དུ་སྐྱེ་བར་འགྱུར་ཏེ། སྲོག་གཅོད་པ་སྤངས་པ་སྔ་མ་བས། བོང་ཚོད་དང་། བརྩོན་འགྲུས་དང་། ཁ་དོག་
D287.069.0107a06.01དང་། དབང་ཕྱུག་དང་། ཚེ་དག་ཆེས་རིང་བར་འགྱུར་རོ། །སྲོག་གཅོད་པ་དང་། མ་བྱིན་པར་ལེན་པ་དག་སྤངས་པའི་སྡོམ་པ་བླངས་པ་ནི་སུམ་ཅུ་རྩ་གསུམ་པ་རྣམས་ཀྱི་ནང་དུ་སྐྱེ་བར་འགྱུར་ཏེ། སྤངས་པ་དེ་དག་པས་བོང་ཚོད་དང་། བརྩོན་འགྲུས་དང་། སྤྲོ་བ་དང་། གཟུགས་དང་། སྟོབས་
D287.069.0107a07.01