完整藏文原文 · 德格版页 当前仅加载第 69 函德格 50b 版页；藏文 NFD、目录标记与异常页序保留在来源切片中，重复版页行以稳定序号区分。
མ་ཡིན་དག་ངས་དབང་པོ་ས་སྲུང་གི་བུ་དང་བཅས་ཏེ་ཕྱིར་བཟློག་པར་བྱས། མ་འཇིགས་ཤིག་མ་འཇིགས་ཤིག །དེ་སྐད་སྨྲས་ནས་གླང་པོ་ཆེའི་རྒྱལ་པོ་ས་སྲུང་གི་བུ་ག་ལ་བ་དེར་བརྒྱུགས་སོ།། །།འཕགས་པ་དམ་པའི་ཆོས་དྲན་པ་ཉེ་བར་གཞག་པ། བམ་པོ་
D287.069.0050b01.01ཉེར་ལྔ་པ། དེ་འོང་བ་མངོན་པར་མཐོང་ནས། ས་སྲུང་གི་བུའི་སྣའི་ཐོར་ཏོས་བཟུང་སྟེ། ནམ་མཁའ་ལ་གསོབ་བཞིན་སྐོར་བར་བྱེད་དོ། །དེ་བསྐོར་བ་ན་སྲོག་གི་ལྷག་མ་{ཆུང་ཟད་,ཅུང་ཟད་}ཅིག་ལུས་ནས་བཏང་ངོ་། །དེ་བཏང་བ་དང་དེ་ནས་ཡང་འདུ་ཤེས་རྙེད་ནས་ལྷ་མ་ཡིན་དེ་དག་ལ་འདི་
D287.069.0050b02.01སྐད་སྨྲའོ། །ཅི་དཔུང་འདི་གཅིག་པུ་དཔའ་བ་ཡིན་ནམ། ལྷ་མ་ཡིན་གྱི་དབང་པོ་ཁྱེད་ཀུན་ལྷའི་དབང་པོ་ལ་རྒོལ་མི་ནུས་སམ། དེ་ནས་ལྷ་མ་ཡིན་གྱི་དབང་པོ་བསྡུས་པ་དེ་དག་ཐམས་ཅད་དེ་ནས་ཡང་ས་སྲུང་གི་བུ་ག་ལ་བ་དེར་བརྒྱུགས་སོ། །དེ་དག་འོང་བ་མངོན་པར་མཐོང་ནས།
D287.069.0050b03.01དབང་པོས་དེ་དག་གི་སྲོག་གཅད་པར་བྱ་བའི་ཕྱིར་ནི་མ་ཡིན་གྱི། ཕ་རོལ་ཕམ་པ་ཁོ་ནར་བྱ་བའི་ཕྱིར་སྒྱུ་མའི་སེར་བ་རྡོ་རྗེ་ལྟ་བུ་རྣམ་པ་དུ་མ་ཕབ་བོ། །དེ་ནས་ཡང་དབང་པོ་ག་ལ་བ་དེར་རི་ཆར་ལྟར་འབེབས་ཤིང་ལྷའི་དབང་པོ་དེའི་སྟེང་དུ་མཚོན་ཆ་རྣམ་པ་སྣ་ཚོགས་འཕེན་ཏོ། །
D287.069.0050b04.01དེ་ལ་རི་བོ་དེ་ཆར་ལྟར་འབེབས་པ་ན། ཆར་གྱི་རྒྱུན་དུས་སུ་འབབ་པ་ལྟར་རི་བོ་ཆར་ལྟར་འབབ་པ་རྣམས་ཀྱང་མཛེས་པ་ཡིན་ཏེ། དེ་ལྟར་ལྷ་དང་ལྷ་མ་ཡིན་གྱི་གཡུལ་དཔེ་མེད་པ་རྣམ་པ་སྣ་ཚོགས་བཀྱེའོ། །དེ་ནས་ལྷ་རྣམས་ཀྱིས་ལྷ་མ་ཡིན་དེ་དག་མངོན་པར་མཐོང་ནས།
D287.069.0050b05.01དེ་ནས་ཡང་ལྷ་རྣམས་ལྷ་མ་ཡིན་གྱི་དཔུང་ག་ལ་བ་དེར་བརྒྱུགས་སོ། །དེ་ནས་ལྷ་མ་ཡིན་ཡང་གཡུལ་འགྱེད་པའི་ཕྱིར། ལྷ་རྣམས་ག་ལ་བ་དེར་བརྒྱུགས་སོ། །དེ་ནས་རྣམ་པ་དུ་མར་འཁྲུགས་ཤིང་སྐྲག་པར་བྱེད་པ་རྣམ་པ་དུ་མ་བྱུང་སྟེ། དེ་ལྟར་ལྷ་དང་ལྷ་མ་
D287.069.0050b06.01ཡིན་རྣམས་ཀྱང་གཡུལ་གསལ་བར་བཀྱེའོ། །དེ་ལྟར་དབང་པོ་དང་ལྷ་མ་ཡིན་རྣམས་མཚོན་ཆ་དང་རྡོ་རྗེས་འཇོམས་པ་ལྟ་བུའི་གཡུལ་ཆེན་པོ་གཞན་དང་མི་འདྲ་བ་མང་པོ་བཀྱེའོ། །ལྷ་མ་ཡིན་རྣམ་པ་དུ་མ་དག་མངོན་པར་མཐོང་ནས་བརྒྱ་བྱིན་གྱིས་ལྷ་མ་ཡིན་
D287.069.0050b07.01