'phags pa dam pa'i chos dran pa nye bar gzhag pa/
当前为德格木刻版 56a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 56a
- 可引用原文
- 7 行
- 全文规模
- 全经 15132 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 4 函第 69 函 · 德格 56a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文རྟག་ཏུ་དགོད་པ་དང་། ལྡེམ་པ་དང་། རྩེ་བ་དང་། ཡོངས་སུ་སྤྱོད་པ་རྣམས་ཀྱིས་གང་བ་ཡིན་ནོ། །དེ་ན་དེ་ལྷ་མོའི་ཚོགས་མང་པོ་དག་གིས་ཤིན་ཏུ་མཆོད་ལ། ལུས་རིན་པོ་ཆེ་སྣ་ཚོགས་ཀྱིས་བརྒྱན་ཏོ། །རྣ་བར་སིལ་སྙན་རྣམ་པ་ལྔ་དང་ལྡན་ལ། ལྷ་མོ་དེ་རྣམས་ཀྱིས་ཉེ་བར་རྩེན་ཏེ། བདེ་བར་གནས་པ། ཚལ་དང་། ཉེ་བའི་ཚལ་དང་། ལྟེང་ཀ་དང་། ཀུན་དགའ་ར་བ་རྣམས་སུ་བདེ་བ་མྱོང་བར་བྱེད་དོ། །དེ་ན་ལྟེང་ཀ་ཡོད་པ་དག་ནི་འདི་ལྟ་སྟེ། འབབ་བདེ་དང་། བུད་མེད་སྡུག་དང་། མཐོང་དགའ་དང་། ཀུན་དགའ་
དང་། སྤྲིན་ཕྲེང་དང་། ལྟེང་ཀ་ཕྲེང་དང་། ཡིད་བཞིན་སྣ་ཚོགས་དང་། དུས་མི་མཐོང་ངོ་། །ཚལ་དག་ཀྱང་ཡོད་དེ། མཐོང་ན་ཉམས་དགའ་དང་། མཐོང་ན་ཡིད་འཐུན་དང་། རླུང་ལེགས་པར་མངོན་ལྡང་དག་གོ །མེ་ཏོག་གི་རྣམ་པས་མཛེས་པ་བཞི་ཡོད་དེ།འདི་ལྟ་སྟེ། སྤོས་འབྱུང་དང་། སྣ་ཚོགས་དང་། བུང་བ་མངོན་དགའ་དང་། རྟག་ཏུ་ཉམས་དགའ་སྟེ། ཚལ་དེ་རྣམས་སུ་ལྷ་དེ་ལྷ་མོ་རྣམ་པ་སྣ་ཚོགས་དག་གིས་ཡོངས་སུ་བསྐོར་ཅིང་འདོད་པའི་ཡོན་ཏན་ལྔ་ལ་སེམས་ཆགས་པ་བདེ་བ་མྱོང་བར་བྱེད་དོ། །རིན་པོ་ཆེ་སྣ་
ཚོགས་ཀྱིས་ལུས་བརྒྱན་པ་དེ་ཐོགས་པ་མེད་པའི་འགྲོས་དང་། ཉམས་པ་མེད་པའི་འགྲོས་ཀྱིས་གང་དགའ་བར་འགྲོ་ཞིང་གར་དགའ་བར་བྱེད་དོ། །ཡུལ་ལྔ་ལ་ཆགས་པ་དེ་རི་ལས་ཆུ་བོ་འབབ་པ་ལྟར་ཉིན་གཅིག་བཞིན་བདེ་བ་འཕེལ་ཏེ། དབང་པོ་ལྔ་པོ་ཆུ་ལྟ་བུ་འདོད་པ་རླབས་ལྟ་བུ་དག་ལ་རྩེ་ཞིང་སྐྱེད་མོས་ཚལ་ནས་སྐྱེད་མོས་ཚལ། ནགས་ཚལ་ནས་ནགས་ཚལ། ལྟེང་ཀ་ནས་ལྟེང་ཀ །གསེར་གྱི་རིའི་རྩེ་མོ་རིན་པོ་ཆེ་སྣ་ཚོགས་ཀྱིས་བརྒྱན་པ་ནས། རིའི་རྩེ་མོ་གཞན་དག་ལ་འགྲོ་བར་བྱེད་དོ། །རྩེ་བར་བྱེད་པ་ལྷ་མོ་ཡིད་དུ་འོང་ཞིང་
དགའ་བ་མེ་ཏོག་ཕྲེང་བཟང་པོ་དཔེ་མེད་པ་ཐོགས་པ་རྣམས་ཀྱིས་ཡོངས་སུ་བསྐོར་ཅིང་བཟའ་བ་དང་། བཏུང་བ་རྣམ་པ་སྣ་ཚོགས་ཀྱིས་ལུས་ཤིན་ཏུ་ཚིམ་པ་ཡིན་ཏེ། དེ་ལྟར་དེ་ཇི་སྲིད་དུ་དེའི་འདོད་པ་སྡུག་པ། ཡིད་དུ་འོང་བ་ལེགས་པར་བྱས་པའི་ལས་ཀྱི་སྤྲུལ་པ་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D287
- 德格版页
- 56a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0287 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。