完整藏文原文 · 德格版页 当前仅加载第 69 函德格 168b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱང་སྲིན་བུ་རྣམས་གསད་པར་མི་བྱའོ་སྙམ་ནས་སྲིན་བུ་གསད་པའི་སྨན་སྦྱོར་བར་མི་བྱེད་ཅིང་གཞན་ཡང་བྱེད་དུ་མི་འཇུག་ལ་དེ་ལྟར་སྲོག་ཆད་དུ་དོགས་ཀྱང་སྲིན་བུ་གསོད་པར་མི་བྱེད་པ་ཡིན་ཏེ། འདི་ནི་བདག་དང་གཞན་ལ་ཕན་པར་སྦྱོར་བ་ཡིན་ནོ། །མ་བྱིན་པར་ལེན་པ་སྤངས་པ་ཇི་ལྟ་བུ་
D287.069.0168b01.01ཡིན་ཞེ་ན། འདི་ལ་མ་བྱིན་པར་ལེན་པ་ཤིན་ཏུ་ཕྲ་མོ་ཡང་མི་ལེན་པ་ཡིན་ནོ། །སྦྱིན་པ་ཡང་སྦྱིན་པར་བྱེད་དེ་རྣམ་པ་དུ་ཡོད་ཅེ་ན། འདི་ལ་བདག་ཉིད་ཀྱི་ནད་རབ་ཏུ་ཞི་བར་བྱ་བའི་ཕྱིར་སྨན་སྦྱར་བ་དེ་གཞན་མཐོང་ངམ་ཐོས་ནས་བདག་ཉིད་ཀྱིས་སྨན་སྦྱར་བ་དེ་བདག་གིར་མ་བྱས་ཀྱང་རུང་
D287.069.0168b02.01འདི་ལྟར་དེ་བདེ་བར་གྱུར་ཅིག་སྙམ་ནས་གཞན་ལ་སྦྱིན་པར་བྱེད་དེ། སྦྱིན་བདག་དམ་པ་མྱ་ངན་ལས་འདས་པའི་མཐར་ཐུག་པའི་སྦྱིན་པ་སྦྱིན་པ་དེ། ལུས་དང་བྲལ་ནས་བདེ་འགྲོ་མཐོ་རིས་ཀྱི་འཇིག་རྟེན་སུམ་ཅུ་རྩ་གསུམ་པའི་ལྷ་རྣམས་ཀྱི་ནང་ཀུན་ཏུ་གསལ་བར་སྤྱོད་པ་ཞེས་བྱ་བའི་
D287.069.0168b03.01གནས་དེར་སྐྱེ་བར་འགྱུར་རོ། །དེར་སྐྱེས་ནས་ཀྱང་དེའི་ལེགས་པར་བྱས་པའི་ལས་དེས། གནས་དེ་ཡང་རིན་པོ་ཆེ་ཐམས་ཅད་ཀྱི་འོད་ཀྱིས་ཀུན་དུ་གསལ་བ་བཞིན་དུ་རྣམ་པར་མཛེས་པ་ཡིན་ནོ། །དེ་དེར་སྐྱེས་པ་དང་ཤིན་ཏུ་རྒྱ་ཆེ་བ་དང་ལྡན་པའི་ལྷ་མོ་རྣམས་ཀྱིས་མངོན་པར་མཆོད་ནས།
D287.069.0168b04.01ཚལ་སིལ་སྙན་རྣམ་པ་སྣ་ཚོགས་ཀྱི་སྒྲ་དང་ལྡན་པའི་འཁོར་ཞེས་བྱ་བ་དེར་འདོང་བར་བྱེད་དོ། །བྱ་དང་ཤིང་ལྗོན་པས་བརྒྱན་པ་ཞེས་བྱ་བའི་ཚལ་དེ་ཡང་དེ་རྣམས་ཀྱིས་ཉེ་བར་བརྒྱན་པ་ཡིན་ནོ། །བྱ་དེ་རྣམས་ཀྱི་མཐུ་ནི་འདི་ལྟ་བུ་ཡིན་ཏེ། བྱ་དེ་གང་དང་གང་དུ་ནམ་མཁའ་ལ་འགྲོ་
D287.069.0168b05.01བ་དེ་དང་དེར་ཤིང་དེ་དག་ཀྱང་བྱ་དེ་རྣམས་ཀྱི་མཐུས་ནམ་མཁའ་ལ་འགྲོའོ། །ལྷ་གང་དག་ཤིང་ལྗོན་པ་ལ་གནས་པའི་ཤིང་དེ་དག་ཀྱང་དེ་བཞིན་དུ་ནམ་མཁའ་ལ་འགྲོའོ། །གནས་དེ་ན་ཤིང་ལ་གནས་པ་རྣམས་ཀྱི་པད་མའི་རྫིང་དག་འབྱུང་བར་འགྱུར་ཏེ། པད་མ་སྣ་ཚོགས་གསེར་
D287.069.0168b06.01གྱིས་བརྒྱན་པ། འདབ་མ་བཻ་ཌཱུརྱ་སྡོང་བུ་གསེར་ལ། ཟེ་བ་དངུལ་ཡིན་ཏེ། པད་མ་དེ་དག་ལྷ་མོ་རྣམས་འཛེགས་ནས་སྙིང་པོ་ལ་འཁོད་ཅིང་གླུ་དབྱངས་ལེན་ནོ། །གླུ་དབྱངས་ལེན་པ་ན་དགེ་བའི་ལས་དེས་པད་མ་དེ་དག་གི་བར་བར་ནས་ཆང་ཞིམ་པོ་དག་འབྱུང་བར་འགྱུར་ལ། དེ་ཡང་དགའ་
D287.069.0168b07.01