完整藏文原文 · 德格版页 当前仅加载第 69 函德格 81a 版页；藏文 NFD、目录标记与异常页序保留在来源切片中，重复版页行以稳定序号区分。
ཇི་ལྟར་ལེགས་པར་བྱས་པའི་ལས་དེ་རྣམས་ཀྱིས་ལུས་མངོན་པར་བསྒྲུབས་པ་དེ་ལྟར་ལྷ་ཡུལ་དུ་ཡང་རྣམ་པར་མཛེས་པ་ཡིན་ནོ། །རྒྱུ་རྐྱེན་དང་འཐུན་པར་སྤྱོད་པ་དེ་ཇི་སྲིད་དུ་འདོད་པ་སྡུག་པ་ཡིད་དུ་འོང་བ་བྱས་ཤིང་བསགས་པའི་ལས་དེ་ཟད་པར་མ་
D287.069.0081a01.01གྱུར་པ་དེ་སྲིད་དུ་ལྷའི་འཇིག་རྟེན་དེ་ན་སིལ་སྙན་ཡན་ལག་ལྔ་དང་ལྡན་པས་དགའ་བར་བྱེད། རྩེ་བར་བྱེད། དགའ་དགུར་སྤྱོད་པར་བྱེད་དོ། །དེ་ཕྱིས་ལྷའི་འཇིག་རྟེན་དེ་ནས་འཆི་བར་འགྱུར་ཏེ། ཤི་ནས་ཀྱང་གལ་ཏེ་ལན་གྲངས་གཞན་ལ་མྱོང་བར་འགྱུར་བའི་ལས་ཀྱིས་
D287.069.0081a02.01སེམས་ཅན་དམྱལ་བ་དང་། {ཡི་དགས་,ཡི་དྭགས་}དང་། དུད་འགྲོའི་ནང་དུ་མ་སྐྱེས་ལ། མི་རྣམས་དང་སྐལ་བ་མཉམ་པར་མིའི་ནང་དུ་སྐྱེས་ན། དེ་ལས་དེ་དང་རྒྱུ་འཐུན་པར་ཤིན་ཏུ་ཉམས་དགའ་བའི་ཡུལ་ལོ་ལེགས་ཤིང་བདེ་བར་སྐྱེ་ལ། ཤིན་ཏུ་འབྱོར་པ་དང་ལྡན་ཞིང་། མཆོག་ཏུ་
D287.069.0081a03.01བདེ་བར་འགྱུར་བ་མཐོང་ངོ་། །དེ་ནས་ཡང་དགེ་སློང་ལས་ཀྱི་འབྲས་བུ་རྣམ་པར་སྨིན་པ་ཤེས་པ་དེ། ལྷ་རྟག་ཏུ་མྱོས་གནས་ཀྱི་གནས་ལ་རྟོག་པར་བྱེད་དེ། དེས་ཐོས་པ་ལས་བྱུང་བའི་ཤེས་པས། ལྷ་རྟག་ཏུ་མྱོས་གནས་རྣམས་ཀྱི་གནས་ཨུད་པ་ལ་མདོག་ཅེས་བྱ་བ་ཇི་ལྟར་
D287.069.0081a04.01གནས་པ་མཐོང་ངོ་། །དེར་སེམས་ཅན་དག་ལས་གང་གིས་སྐྱེ་བར་འགྱུར་སྙམ་ནས། དེས་ཐོས་པ་ལས་བྱུང་བའི་ཤེས་པས་བརྟགས་ན། ཆོས་དང་ལྡན་ཞིང་ཆོས་ཀྱི་རྗེས་སུ་འཇུག་པ། ཚུལ་ཁྲིམས་དང་ལྡན་པ་གང་གིས་འདི་ལྟར་མེ་ཏོག་ཨུད་པ་ལ་བསྐྱེད་པ་འདིས་
D287.069.0081a05.01སངས་རྒྱས་དང་། ཆོས་དང་དགེ་འདུན་རྣམས་ཀྱི་ལོངས་སྤྱོད་བྱའོ་སྙམ་དུ་བསམས་ནས་བསྐྱེད་ལ། དེ་ཡང་འབུལ་བར་བྱེད་ཅིང་དེ་སེམས་ལ་དགའ་བར་ཡང་འཛིན་ན། དེ་ལུས་དང་བྲལ་ནས་བདེ་འགྲོ་མཐོ་རིས་ཀྱི་འཇིག་རྟེན་ཨུད་པ་ལ་མདོག་གི་ལྷ་རྣམས་ཀྱི་ནང་དུ་སྐྱེ་
D287.069.0081a06.01བར་འགྱུར་རོ། །དེར་སྐྱེས་ནས་ཀྱང་ལྷ་ཡུལ་དུ་རྩེ་བའི་སྐྱེ་བོ་དང་། དགའ་དགུར་སྤྱད་པ་དེ་དགའ་ཡ་ཡར་རྩེ་བ་དང་། དགའ་བ་དང་། སྟེག་པ་དང་། འཇོ་བ་དང་། རོལ་མོའི་སྒྲ་དང་། གླུ་དབྱངས་དང་། བྲོ་གར་བྱེད་པ་དང་ནི་ལྡན། བདེ་བ་དུ་མ་ལ་ནི་གནས།
D287.069.0081a07.01