完整藏文原文 · 德格版页 当前仅加载第 69 函德格 32b 版页；藏文 NFD、目录标记与异常页序保留在来源切片中，重复版页行以稳定序号区分。
འཁོད་ཅིག །འདི་དག་གིས་ཅི་སྟེ་གནོད་ཅེས་སྨྲས་སོ། །དེ་ནས་དེའི་ཚེ་དེ་ཐོས་ནས་ཡང་ལྷ་མ་ཡིན་རྣམས་གཡུལ་འགྱེད་དུ་ཕྱིར་ལོག་གོ། །དེ་ནས་ཡང་དེས་གཟེངས་བསྟོད་ཅིང་མགུ་བར་བྱས་པ། ང་རྒྱལ་གྱིས་ཁེངས་པ་རྣམས། ལྷ་རྣམས་ག་ལ་བ་དེར་གཡུལ་བཀྱེ་བ་
D287.069.0032b01.01དང་། དེ་ནས་ཡང་འབྲོས་སོ། །དེ་ནས་སྒྲ་གཅན་ནི་ལྷ་མ་ཡིན་དེ་དག་ཀུན་གྱི་དང་པོ་ཁོ་ན་ལ་འདུག་སྟེ། དེ་དང་པོ་ཁོ་ནར་འདུག་སྟེ། དེ་ལ་རྟེན། དེས་སྐྱོབ། དེ་ལ་འཁོར་བའི་ལྷ་མ་ཡིན་དེ་དག་ཐམས་ཅད་རྒྱལ་ཆེན་བཞིའི་ལྷ་ག་ལ་བ་དེར་སྒྲ་གཅན་གྱི་མཐུ་ལ་རྟེན་པ།
D287.069.0032b02.01སྟོབས་སྐྱེས་པ་དག་རྒྱུག་པར་བྱེད་ཅིང་། འདི་ལྟར་བདག་ཅག་གི་ལྷ་མ་ཡིན་གྱི་དབང་པོ་སྒྲ་གཅན་འདི་དང་པོ་ཁོ་ན་ལ་ཞུགས་པས་ལྷ་རྣམས་དབང་པོ་དང་བཅས་པ་ཡང་ཐུབ་པར་འགྱུར་ན། རྒྱལ་ཆེན་བཞིའི་ལྷ་འབའ་ཞིག་ལྟ་སྨོས་ཀྱང་ཅི་དགོས་སྙམ་སེམས་སོ། །དེ་ནས་
D287.069.0032b03.01ཡང་ཕན་ཚུན་རྟོག་ཅིང་མཚོན་ཆའི་ཚོགས་ཀྱི་རྒྱུན་གཅིག་ལ་གཅིག་འདེབས་པ་ན། སྒྲ་གཅན་ཡང་ལྷ་མ་ཡིན་རྣམས་རྒྱལ་བར་བྱ་ཞིང་ལྷ་རྣམས་ཕམ་པར་བྱ་བའི་ཕྱིར་ལྷ་ག་ལ་འཁོད་པ་དེར་རྡོ་རི་ཙམ་འཕེན་ཅིང་གནོད་པར་བྱེད་དོ། །དེ་ནས་སྒྲ་གཅན་དེ། དེ་ལྟར་ལྷ་རྣམས་
D287.069.0032b04.01ལ་རྡོ་ཆར་ལྟར་འབེབས་པ། འཇིག་རྟེན་སྐྱོང་བ་དག་གིས་མངོན་པར་མཐོང་ནས། ལྷ་རྣམས་ལ་སྒྲ་གཅན་འདི་ནི་རྡོ་ཆར་ལྟར་འབེབས་པས་བདག་ཅག་ལ་མངོན་པར་གནོད་པར་བྱེད་ན། ལྷ་དག་མཚོན་ཆ་དང་། ལག་ཆ་ཆར་ལྟར་དབབ་པ་རྣམས་ཀྱིས་དེ་བཟློག་ཅིང་། འདི་ལྟར་
D287.069.0032b05.01ཡང་ལྷ་རྣམས་ལ་གནོད་པ་མེད་པར་མཛོད་ཅིག །དེ་དག་ལ་འཇིག་རྟེན་སྐྱོང་བ་དག་གིས་འདི་སྐད་སྨྲས་ནས། ལྷ་མ་ཡིན་གྱི་དབང་པོ་སྒྲ་གཅན་ག་ལ་བ་དེར་སྒྲ་གཅན་ཕམ་པར་བྱ་བའི་ཕྱིར་ཁྲོ་བའི་ཤུགས་ཀྱིས་རྒྱུག་པར་བྱེད་དོ། །དེ་ནས་སྒྲ་གཅན་དང་། འཇིག་
D287.069.0032b06.01རྟེན་སྐྱོང་བ་དག་ཤིན་ཏུ་སྤུ་ཟིང་ཞེས་བྱེད་པ། རྡོ་དང་ལག་ཆར་བསྲེས་པའི་གཡུལ་བཀྱེའོ། །རྡོ་ཆར་ལྟར་འབེབས་པ་དེས་རྒྱ་མཚོ་ཀུན་ནས་རབ་ཏུ་འཁྲུག་པར་བྱེད་ཅིང་། ལྷའི་རྡོ་ཆར་ལྟར་འབེབས་པ་རྣམས་ཀྱིས་ཀྱང་། དེ་ལྟར་རྒྱ་མཚོ་ན་གནས་པའི་སེམས་
D287.069.0032b07.01