完整藏文原文 · 德格版页 当前仅加载第 69 函德格 65b 版页；藏文 NFD、目录标记与异常页序保留在来源切片中，重复版页行以稳定序号区分。
གང་ཡིན་པ་བདག་ཉིད་ཀྱི་ལས་ཀྱི་འབྲས་བུའི་རྣམ་པ་མཐོང་བ་དེས། འཇིག་རྟེན་སྐྱོང་བ་དེ་དག་ལ་སྨྲས་པ། སངས་རྒྱས་བཅོམ་ལྡན་འདས་འཇིག་རྟེན་དུ་བྱུང་བ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་
D287.069.0065b01.01རྟེན་མཁྱེན་པ། བླ་ན་མེད་པ། སྐྱེས་བུ་འདུལ་བའི་ཁ་ལོ་སྒྱུར་བ། དེ་སུ་ཞིག་ཡིན། དེ་ནས་འཇིག་རྟེན་སྐྱོང་བ་དེ་དག་གིས་སླར་སྨྲས་པ། འཛམ་བུའི་གླིང་དུ་བྱུང་བ་འདི་ནི་སེམས་ཅན་ཐམས་ཅད་ལ་ཆོས་སྟོན་པ་ཡིན་ནོ། །དེ་ནས་ལྷ་དེ་འཇིག་རྟེན་སྐྱོང་བ་དག་ལས་དེ་སྐད་ཐོས་ནས་
D287.069.0065b02.01འཛམ་བུའི་གླིང་ག་ལ་བ་དེར་འགྲོ་བར་བྱེད་དེ། ལྷ་དེ་ལྷའི་འཇིག་རྟེན་ནས་འཆི་བའི་སྡུག་བསྔལ་གྱིས་འཇིགས་སྐྲག །མིའི་འཇིག་རྟེན་ནས་འཆི་བས་འཇིགས་སྐྲག །དུད་འགྲོའི་འཇིག་རྟེན་ན། གཅིག་ལ་གཅིག་ཟ་བས་འཇིགས་སྐྲག །{ཡི་དགས་,ཡི་དྭགས་}ཀྱི་འཇིག་རྟེན་ན་བཀྲེས་
D287.069.0065b03.01པ་དང་། སྐོམ་པའི་སྡུག་བསྔལ་གྱིས་འཇིགས་སྐྲག །སེམས་ཅན་དམྱལ་བ་དག་ན་གནོད་པས་འཇིགས་སྐྲག་སྟེ། དེ་ལྟར་འགྲོ་བ་ལྔ་རྣམས་ན་འཇིགས་པ་ལྔ་ཡོད་པར་མཐོང་ནས། བཅོམ་ལྡན་འདས་ཀྱི་དྲུང་དུ་སོང་བ་དང་། བཅོམ་ལྡན་འདས་མཛེས་པ། གསལ་བ། དབང་
D287.069.0065b04.01པོ་ཞི་བ། ཐུགས་ཞི་བ། དུལ་བ་དང་ཞི་གནས་མཆོག་བརྙེས་པ། དུལ་བ་དང་ཞི་གནས་དམ་པ་བརྙེས་པ། སྐྱེས་བུ་གླང་པོ། སྐྱེས་བུ་ཅང་མཁྱེན་པ། གསེར་གྱི་ཕུང་པོ་ལྟར་གཟི་བརྗིད་འབར་བ། ཉི་མ་གཉིས་པ་ལྟར་འོད་གསལ་བ། རི་རབ་ལྟར་བརྟན་པ། མཚོ་ལྟར་ཟབ་པ། གསེར་
D287.069.0065b05.01གྱི་རི་བོ་ལྟ་བུ་ཤིང་ལྗོན་པའི་དྲུང་ན་བཞུགས་པ་དེས་རྒྱང་རིང་པོ་ནས་མཐོང་ངོ་། །ལྷའི་ཡང་ལྷ་རྣམས་དེ་ལྟ་བུ་དེ་མཐོང་ནས་དད་པ་སྐྱེས་པའི་ལྷ་བཅོམ་ལྡན་འདས་ག་ལ་བ་དེར་སོང་ནས། བཅོམ་ལྡན་འདས་ཀྱི་ཞབས་གཉིས་ལ་གཏུགས་ཏེ་ཕྱག་འཚལ་ནས་ཕྱོགས་གཅིག་ཏུ་འདུག་སྟེ། ལྷས་
D287.069.0065b06.01བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གང་རྟག་པ་བརྟན་པ་ཐེར་ཟུག་འགྱུར་བ་མ་མཆིས་པའི་ཆོས་དང་ལྡན་པའི་གནས་ལྟ་མཆིས་ལགས་སམ། དེ་ནས་བཅོམ་ལྡན་འདས་ཀྱིས་ལྷ་དག་ལ་འཕགས་པའི་བདེན་པ་བཞིའི་གཏམ་དེ་དག་བསྟན་ཏོ། །དེ་
D287.069.0065b07.01