完整藏文原文 · 德格版页 当前仅加载第 69 函德格 239b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་གཅིག་ཟ་བ་དང་གསོད་པ་དང་ངོ་བོ་ཡོད་པ་དང་ངོ་བོ་མེད་པར་བྱེད་པ་དང་འཇིགས་པ་ཆེན་པོ་སྐྱེད་པ་ན། དེར་ལྷ་ཡིད་རྨོངས་པ་གང་ཡིན་པ་དེ་དག་གིས་མཐོང་ངོ་། །དེ་ནས་ཡང་བརྒྱ་བྱིན་དེ་ལྷ་དེ་རྣམས་ལ་གང་{ཡི་དགས་,ཡི་དྭགས་}རྣམས་ཀྱི་ནང་དུ་སྐྱེ་བའི་སྤྲུལ་པ་སྟོན་པར་བྱེད་དེ་འདི་ལྟ་སྟེ།
D287.069.0239b01.01ལུས་བཀྲེས་པ་དང་སྐོམ་པས་གདུངས་པ། བཞིན་རྟག་ཏུ་སྐྲས་མུན་པར་ཁེབས་པ། བཞིན་ཤིན་ཏུ་འཇིགས་འཇིགས་ལྟར་འདུག་པ། ལུས་ཚལ་ཤིང་བསྲེགས་པ་ལྟར་འདུག་པ། བྱ་རོག་དང་འུག་པ་རྣམས་ཀྱིས་མིག་དང་རྣ་བ་དང་སྣ་དང་ལྕེ་བཏོགས་པ་དག་ལྷའི་འཇིག་
D287.069.0239b02.01རྟེན་དེ་ནས་འོག་གི་ནམ་མཁའ་དེ་ལ་ལྟུང་བར་མཐོང་ངོ་། །དེ་ལྟར་ལྷ་དེ་རྣམས་ཀྱིས་སྤྲུལ་པ་ཤིན་ཏུ་འཇིགས་འཇིགས་ལྟར་འདུག་པ། རབ་ཏུ་དངངས་པར་བྱེད་པ་དེ་དག་མཐོང་བ་དང་། དེ་རྣམས་ཀྱིས་བརྒྱ་བྱིན་དེ་ལ་བལྟས་ནས་སྨྲས་པ། བརྒྱ་བྱིན་སྔོན་མ་མཐོང་
D287.069.0239b03.01བའི་ལྷ་མ་ཡིན་ནམ། དེ་དང་ཚུལ་འཐུན་པ་གཞན་རྣམས་ཀྱིས་ལྷ་འདི་དག་ལ་ལིག་རིས་ཕྱིན་ཅི་ལོག་ཏུ་བཅིངས་ནས་ཁྲིད་ན་ཅི་སྟེ་བཏང་སྙོམས་སུ་བཞུགས། རི་རབ་མ་ལུས་པར་ཁྱབ་པ་ལྷ་མ་ཡིན་གྱི་གཟུགས་འདི་དག་ནི། སྔོན་ཆད་ལྷ་དང་ལྷ་མ་ཡིན་ཐམས་ཅད་གཡུལ་
D287.069.0239b04.01འགྱེད་པ་ན་བདག་ཅག་གིས་མ་མཐོང་སྟེ། གནས་འདིར་ནི་སྔོན་ཆད་ལྷ་མ་ཡིན་ཀུན་ལན་འགའ་ཡང་མ་མཆིས་པ་ལགས་ན། བརྒྱ་བྱིན་ཅི་ཆོས་ཉམས་ལགས་སམ། འདི་ལྟར་འཇིག་རྟེན་སྐྱོང་བ་དག་སུམ་ཅུ་རྩ་གསུམ་གྱི་དབང་ཕྱུག་ཁྱོད་དང་བདག་ཅག་ལ་དུས་དུས་སུ་སྒྲོལ་
D287.069.0239b05.01བ་ལགས་ན། འཇིག་རྟེན་ན་ཕར་འཛིན་པ་དང་མར་འཛིན་པ་དང་དགེ་སྦྱོང་དུ་འཛིན་པ་དང་བྲམ་ཟེར་འཛིན་པ་དང་རིགས་ཀྱི་རྒན་རབས་ལ་རི་མོར་བགྱིད་པ་དག་མ་མཆིས་སམ། བརྒྱ་བྱིན་འཇིག་རྟེན་ན་སངས་རྒྱས་མཆོད་པ་མ་མཆིས་སམ། ཆོས་མཆོད་པ་མ་མཆིས་
D287.069.0239b06.01སམ། དགེ་འདུན་མཆོད་པ་མ་མཆིས་སམ། རྒྱུ་དང་འབྲས་བུའི་དེ་ཁོ་ན་ཉིད་འཚལ་བ་མ་མཆིས་སམ། ཅི་ན་ལྷ་འདི་རྣམས་ཤིན་ཏུ་འཇིགས་པར་བགྱིད། སུམ་ཅུ་རྩ་གསུམ་གྱི་དབང་ཕྱུག་གླང་པོ་ཆེའི་རྒྱལ་པོ་ས་སྲུང་གི་བུ་ལ་བཅིབས་ལ་གཡུལ་བཤམ་དུ་གསོལ།
D287.069.0239b07.01